Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 5:1-26

5  Vana va Ruveni+ lowa mativula ya Israyele—hikuva a a ri mativula;+ kambe mfanelo yakwe ya ku va mativula yi nyikiwe vana va Yosefa+ n’wana wa Israyele hikwalaho ko nyamisa xilawu xa tata wakwe,+ lerova a a nga ta tsarisiwa hi ku ya hi swivongo leswaku a kuma mfanelo ya ku va mativula.  Hikuva Yuda+ a a ri nkulu exikarhi ka vamakwavo, naswona loyi a a rhangela a a huma eka yena;+ kambe mfanelo ya ku va mativula a yi ri ya va ka Yosefa+  vana va Ruveni lowa mativula ya Israyele a ku ri Hanoko+ na Palu,+ Hezroni na Karimi.+  Vana va Yuwele a ku ri Xemaya n’wana wakwe, Gogo n’wana wakwe, Ximeyi n’wana wakwe,  Mikiya n’wana wakwe, Reyaya n’wana wakwe, Bali n’wana wakwe,  Bhera n’wana wakwe, loyi Tiglata-pilinezere+ hosi ya Asiriya a n’wi yiseke evukhumbini, yena a ri ndhuna ya va ka Ruveni.  Vamakwavo hi mindyangu ya vona hi ku landza ku tsarisiwa ka vona hi ku ya hi swivongo+ hi vatukulu va vona, va ri va varhangeri, a ku ri Yeyiyele na Zakariya,  na Bela n’wana wa Azazi, n’wana wa Xema, n’wana wa Yuwele+—a a tshama eArowere+ ni ku ya fika eNebo+ na Bali-meyoni.+  Ni le vuxeni a a tshama ku ya fika loko u nghena emananga enambyeni wa Yufrata,+ hikuva swifuwo swa vona a swi tele etikweni ra Giliyadi.+ 10  Emasikwini ya Sawulo va lwe ni Vahageri,+ lava va weke evokweni ra vona; kutani va tshama emintsongeni ya vona etikweni hinkwaro ra le vuxeni bya Giliyadi. 11  Loko ku ri vana va Gadi+ emahlweni ka vona, a va tshama etikweni ra Baxani+ ku ya fika eSaleka.+ 12  Yuwele a a ri murhangeri, Xafamu a ri wa vumbirhi, na Yanayi na Xafati eBaxani. 13  Vamakwavo lava a va ri va yindlu ya vatata wa vona a ku ri Mikayele, Mexulama, Xeba, Yorayi, Yakani, Ziya na Ebere, va ri nkombo. 14  Lava a ku ri vana va Abihayili n’wana wa Huri, n’wana wa Yarowa, n’wana wa Giliyadi, n’wana wa Mikayele, n’wana wa Yexixayi, n’wana wa Yahado, n’wana wa Buzu; 15  Ahi n’wana wa Abidiyeli, n’wana wa Guni, murhangeri wa yindlu ya vatata wa vona. 16  Va hambete va tshama eGiliyadi,+ eBaxani+ ni le swimitanini leswi swi titshegeke+ ha wona ni le madyelweni hinkwawo ya Saroni ku ya fika laha ma helelaka kona. 17  Hinkwavo ka vona a va tsarisiwe hi ku ya hi swivongo emasikwini ya Yohatama+ hosi ya Yuda ni le masikwini ya Yerobuwamu+ hosi ya Israyele. 18  Loko ku ri vana va Ruveni ni va Gadi ni hafu ya nyimba ya Manase; eka lava a va ri tinhena+ ta vurhena, vavanuna lava va khomaka xitlhangu ni banga naswona va kungaka vurha, va leteriwe enyimpini, a va ri 44 760 lava va humaka va ya enyimpini.+ 19  Va sungula ku lwa ni Vahageri,+ Yeturi,+ Nafixi+ na Nodabu. 20  Va pfuniwa ku lwa na vona, lerova Vahageri ni hinkwavo lava a va ri na vona, va nyiketiwa evokweni ra vona, hikuva va kombele mpfuno+ eka Xikwembu loko va ri enyimpini, xi pfumela va xi kombela leswaku xi va komba tintswalo, hikuva a va xi tshemba.+ 21  Hiloko va teka swifuwo+ swa vona va swi yisa evukhumbini, tikamela ta vona ta 50 000, tinyimpfu ta 250 000, timbhongolo ta 2 000 ni mimoya-xiviri leyi nga vanhu ya 100 000.+ 22  A va tele lava va dlayiweke, hikuva ku lwa a ku ri ka Xikwembu xa ntiyiso.+ Va hambete va tshama endhawini ya vona ku ta fika enkarhini wa vukhumbi.+ 23  Loko ku ri vana va hafu ya nyimba ya Manase,+ va tshame etikweni ku suka eBaxani+ ku ya eBali-hermoni+ ni le Seniri+ ni le Ntshaveni ya Herimoni.+ Vona a va tele. 24  Lava a ku ri varhangeri va yindlu ya vatata wa vona: Efere, Ixi, Eliyele, Aziriyele, Yeremiya, Hodavhiya na Yahadiyele, vanhu lava a va ri ni vurhena, tinhenha ta matimba, vavanuna va ndhuma, varhangeri va yindlu ya vatata wa vona. 25  Va sungula ku endla hi ndlela leyi nga tshembekangiki eka Xikwembu xa vatata wa vona, va va ni rimbewu leri nga amukelekiki+ ni swikwembu+ swa vanhu va tiko, lava Xikwembu xi va loviseke emahlweni ka vona. 26  Hiloko Xikwembu xa Israyele xi susumeta moya+ wa Pulu+ hosi ya Asiriya+ ni moya wa Tiglata-pilinezere+ hosi ya Asiriya, lerova a va yisa evukhumbini+ va ka Ruveni ni va ka Gadi ni hafu ya nyimba ya Manase, a va tisa eHala,+ eHabori, eHara ni le nambyeni wa Gozana leswaku va tshama kona ku fikela esikwini leri.

Tinhlamuselo ta le hansi