Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 29:1-30

29  Davhida lowa hosi a byela nhlengeletano hinkwayo+ a ku: “Solomoni n’wananga, loyi Xikwembu xi n’wi hlawuleke,+ i ntsongo+ naswona wa ha tsakama, kambe ntirho i wukulu; hikuva khokholo a hi ra munhu,+ kambe i ra Yehovha Xikwembu.  Hi ku ya hi matimba ya mina hinkwawo,+ ndzi lunghiselele+ yindlu ya Xikwembu xanga nsuku+ wa ntirho lowu endliwaka hi nsuku, ni silivhere ya ntirho lowu endliwaka hi silivhere, ni koporo ya ntirho lowu endliwaka hi koporo, ni nsimbi+ ya ntirho lowu endliwaka hi nsimbi, ni timhandzi+ ta ntirho lowu endliwaka hi timhandzi; maribye ya onikisi,+ ni maribye lawa ma nga ta hlanganisiwa hi ndzhope wo aka lowu tiyeke, ni maribye ya mavalavala, ni maribye ya muxaka wun’wana ni wun’wana wa risima, ni maribye ya alabasta yo tala.  Leswi ndzi tsakelaka+ yindlu ya Xikwembu xanga, ka ha ri ni ndzhaka ya mina yo hlawuleka,+ nsuku ni silivhere; ndzi swi nyiketa endlwini ya Xikwembu xanga ni le ka hinkwaswo leswi ndzi swi lunghiseleleke yindlu yo kwetsima:+  titalenta ta nsuku ta 3 000, ta nsuku wa le Ofiri,+ ni titalenta ta 7 000 ta silivhere leyi tengisiweke, ya ku chuchuta makhumbi ya tindlu;  eka nsuku wa ntirho lowu endliwaka hi nsuku, ni le ka silivhere ya ntirho lowu endliwaka hi silivhere ni le ka ntirho hinkwawo wa voko ra lava tivaka ntirho wa mavoko. I mani la tinyiketelaka namuntlha leswaku a tata voko rakwe hi nyiko ya Yehovha?”+  Hiloko tihosana+ ta tindlu ta vatatana+ ni tihosana+ ta tinyimba ta Israyele ni tindhuna ta magidi+ ni ta madzana+ ni tindhuna ta ntirho+ wa hosi ti tinyiketa hi ku tirhandzela.  Kutani va nyikela endlwini ya Xikwembu xa ntiyiso nsuku lowu ringanaka titalenta ta 5 000 ni tidarika ta 10 000 ni silivhere leyi ringanaka titalenta ta 10 000 ni koporo leyi ringanaka titalenta ta 18 000 ni nsimbi leyi ringanaka titalenta ta 100 000.+  Maribye hinkwawo lawa ma kumekeke eka vanhu van’wana va ma nyikete eka xuma xa yindlu ya Yehovha leyi lawuriwaka hi Yehiyele+ lowa le Gerixoni.+  Hiloko vanhu va tsaka hi magandzelo ya vona ya ku tirhandzela lawa va ma humesaka, hikuva a va humesa magandzelo ya ku tirhandzela eka Yehovha hi mbilu leyi heleleke;+ hambi ku ri Davhida lowa hosi u tsake hi ku tsaka lokukulu.+ 10  Hiloko Davhida a dzunisa+ Yehovha emahlweni ka mahlo ya nhlengeletano hinkwayo,+ Davhida a ku: “Onge u nga dzunisiwa,+ Wena Yehovha Xikwembu xa Israyele+ tata wa hina, ku suka enkarhini lowu nga riki na makumu ku ya enkarhini lowu nga riki na makumu. 11  Wena Yehovha, vukulu,+ matimba,+ ku saseka,+ vunene+ ni xindzhuti+ i swa wena; hikuva hinkwaswo leswi nga ematilweni ni leswi swi nga emisaveni i swa wena.+ Mfumo i wa wena,+ Wena Yehovha, Wena la tlakukeke la nga murhangeri wa hinkwavo.+ 12  Rifuwo+ ni ku vangama+ swi kona hikwalaho ka wena, naswona u fuma+ swilo hinkwaswo; evokweni ra wena ku ni matimba+ ni ntamu,+ evokweni ra wena ku ni vuswikoti byo endla swilo leswikulu+ ni ku va nyika ntamu hinkwavo.+ 13  Sweswi, Wena Xikwembu xa hina, ha ku nkhensa+ ni ku dzunisa+ vito ra wena ro saseka.+ 14  “Kambe, mina ndzi yini,+ ni vanhu va mina i yini, leswaku hi va ni matimba yo endla magandzelo ya ku tirhandzela yo fana ni lawa?+ Hikuva hinkwaswo swi huma eka wena,+ naswona hi ku nyike swona swi huma evokweni ra wena. 15  Hikuva hi valuveri emahlweni ka wena ni vahlapfa+ ku fana ni vatata wa hina hinkwavo. Masiku ya hina ma fana ni ndzhuti emisaveni,+ naswona a ku na ntshembo. 16  Oho Yehovha Xikwembu xa hina, hinkwaswo swilo leswi swo tala leswi hi swi lunghiseleleke leswaku hi ku akela yindlu ha swona yi va ya vito ra wena ro kwetsima, swi huma evokweni ra wena, naswona hinkwaswo i swa wena.+ 17  Wena Xikwembu xanga, ndzi swi tiva kahle leswaku u mukambisisi wa mbilu,+ nileswaku u tsakela ku lulama.+ Loko ku ri mina, ndzi nyikele swilo leswi hinkwaswo hi ku tirhandzela hi ku landza ku lulama ka mbilu ya mina, kutani ndzi tsakele ku vona vanhu va wena lava va nga kona laha va humesa magandzelo hi ku tirhandzela eka wena. 18  Oho Yehovha Xikwembu xa Abrahama, Isaka na Israyele vatata wa hina,+ hlayisa leswi hilaha ku nga riki na makumu swi ri mboyamelo wa miehleketo ya mbilu ya vanhu va wena,+ naswona kongomisa mbilu ya vona eka wena.+ 19  Solomoni n’wananga n’wi nyike mbilu+ leyi heleleke leswaku a hlayisa swileriso swa wena,+ switiyisekiso+ swa wena ni milawu ya wena,+ ku endla hinkwaswo ni ku aka khokholo+ leri ndzi ri lunghiseleleke.”+ 20  Davhida a ya emahlweni a byela nhlengeletano hinkwayo+ a ku: “Sweswi dzunisani+ Yehovha Xikwembu xa n’wina.” Kutani nhlengeletano hinkwayo yi dzunisa Yehovha Xikwembu xa vatata wa yona, yi korhamela ehansi+ yi tiwisela+ eka Yehovha ni le ka hosi. 21  Yi ya emahlweni yi nyikela switlhavelo+ eka Yehovha ni ku humesa magandzelo yo hisiwa+ ma ya eka Yehovha esikwini leri tlhandlamaka rero, swinkunzana swa 1 000, makhuna ya 1 000, swinyimpfana swa xinuna swa 1 000, magandzelo ya swona ya swakunwa+ ni switlhavelo swo tala swa tiko hinkwaro ra Israyele.+ 22  Va ya emahlweni va dya ni ku nwa emahlweni ka Yehovha esikwini rero hi ku tsaka lokukulu;+ va tlhela va engeta ra vumbirhi va endla Solomoni n’wana wa Davhida a va hosi+ ni ku n’wi tota eka Yehovha a va murhangeri+ na Sadoki+ a va muprista. 23  Kutani Solomoni a tshama exiluvelweni+ xa Yehovha a va hosi ematshan’weni ya Davhida tata wakwe, naswona a humelela,+ Vaisrayele hinkwavo a va n’wi yingisa. 24  Loko ku ri tihosana+ hinkwato ni vavanuna va matimba+ ni vana hinkwavo va Hosi Davhida,+ va tiveka ehansi ka Solomoni lowa hosi. 25  Yehovha a ya emahlweni a endla Solomoni a va lonkulu ngopfu+ emahlweni ka mahlo ya tiko hinkwaro ra Israyele ni ku n’wi tlhandleka xindzhuti xa vuhosi lexi nga si tshamaka xi va ehenhla ka hosi yin’wana emahlweni ka yena eIsrayele.+ 26  Loko ku ri Davhida n’wana wa Yese, u fume tiko hinkwaro ra Israyele;+ 27  masiku lawa a fumeke Israyele ha wona a ku ri malembe ya 40.+ EHebroni u fume malembe ya nkombo,+ kasi eYerusalema u fume malembe ya 33.+ 28  Hakatsongo-tsongo a fa a dyuhele swinene,+ a enerisekile hi masiku, rifuwo+ ni ku vangama;+ Solomoni n’wana wakwe a sungula ku fuma ematshan’weni yakwe.+ 29  Loko ku ri timhaka ta Davhida lowa hosi, to sungula ni to hetelela, ti tsariwile exikarhi ka marito ya Samuwele la vonaka ka ha ri emahlweni+ ni le xikarhi ka marito ya Natani+ lowa muprofeta ni le xikarhi ka marito ya Gadi+ la vonaka swivono, 30  swin’we ni vuhosi byakwe hinkwabyo ni matimba yakwe ni minkarhi+ leyi hundzeke ehenhla ka Israyele ni le henhla ka mimfumo hinkwayo ya matiko.+

Tinhlamuselo ta le hansi