Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 28:1-21

28  Davhida a hlengeleta tihosana+ hinkwato ta Israyele eYerusalema, tihosana+ ta tinyimba ni tihosana+ ta mintlawa ya lava va tirhelaka hosi ni tindhuna ta magidi+ ni tindhuna ta madzana+ ni tindhuna ta nhundzu+ hinkwayo ni swifuwo+ swa hosi ni swa vana va yona,+ swin’we ni vatirhi va le hubyeni+ ni vavanuna va matimba,+ ni wanuna un’wana ni un’wana wa vurhena, wa matimba.  Kutani Davhida lowa hosi a suka a yima hi milenge a ku: “Ndzi yingiseni vamakwerhu ni vanhu va mina. Loko ku ri mina, a swi ri embilwini+ ya mina ku aka yindlu ya ku wisela eka yona ya areka ya ntwanano wa Yehovha, leyi a yi ta tlhela yi va vunavelo+ bya Xikwembu xa hina, naswona ndzi endle malunghiselelo ya ku aka.+  Kambe Xikwembu xa ntiyiso xi ndzi byele xi ku, ‘Vito ra mina a wu nge ri akeli yindlu;+ hikuva u munhu wa tinyimpi, naswona u halate ngati.’+  Hikwalaho Yehovha Xikwembu xa Israyele u ndzi hlawurile endlwini hinkwayo ya tatana+ leswaku ndzi va hosi+ ya Israyele hilaha ku nga riki na makumu; hikuva a a hlawule Yuda leswaku a va murhangeri,+ ni le ndlwini ya Yuda, yindlu ya tatana,+ ni le xikarhi ka vana va tatana,+ hi mina loyi a ndzi amukeleke,+ leswaku a ndzi endla hosi ya tiko hinkwaro ra Israyele;  naswona eka vana va mina hinkwavo (hikuva va tele vana lava Yehovha a ndzi nyikeke vona)+ u hlawule Solomoni+ n’wananga leswaku a tshama exiluvelweni+ xa vuhosi bya Yehovha eka Israyele.  “Nakambe, u ndzi byele a ku, ‘Solomoni n’wana wa wena hi yena la nga ta aka yindlu+ ya mina ni swivava swa mina; hikuva ndzi hlawule yena leswaku a va n’wana wa mina,+ mina ndzi va tata wakwe.+  Kunene ndzi ta simeka vuhosi+ byakwe byi tiya hilaha ku nga riki na makumu loko o tiyimisela hilaha ku tiyeke ku endla swileriso+ swa mina ni swiboho swa mina swa vuavanyisi,+ ku fana ni le sikwini leri.’  Hikwalaho, ematihlweni ya tiko hinkwaro ra Israyele, enhlengeletanweni+ ya Yehovha ni le tindleveni ta Xikwembu xa hina,+ khathalani naswona mi lavisisa swileriso hinkwaswo swa Yehovha Xikwembu xa n’wina, leswaku mi dya ndzhaka ya tiko+ lerinene naswona mi yi hundzisela eka vana va n’wina yi va ndzhaka ya vona endzhaku ka n’wina hilaha ku nga riki na makumu.  “Wena Solomoni n’wananga, tiva+ Xikwembu xa tata wa wena u xi tirhela+ hi mbilu+ leyi heleleke ni hi moya-xiviri lowu tsakeke;+ hikuva Yehovha u kambisisa timbilu hinkwato,+ naswona u xiya mboyamelo+ wun’wana ni wun’wana wa miehleketo. Loko u n’wi lavisisa, u ta endla leswaku u n’wi kuma;+ kambe loko u n’wi siya,+ u ta ku cukumetela makumu.+ 10  Waswivo, sweswi Yehovha u ku hlawule leswaku u n’wi akela yindlu yi va vukwetsimelo. Vana ni xivindzi u teka goza.”+ 11  Davhida a nyika Solomoni n’wana wakwe mpfampfarhuto wa ku aka+ wa rikupakupa+ ra yona ni wa tindlu ta yona ni wa vuhlayiselo+ bya yona ni wa makamara ya yona ya le henhla ka lwangu+ ni makamara ya yona ya munyama ya le mpfungwe ni yindlu ya xifunengeto xa ku vuyelelana;+ 12  ni mpfampfarhuto wa ku aka wa hinkwaswo leswi a swi kumeke hi ku huhuteriwa+ hikwalaho ka swivava swa yindlu+ ya Yehovha ni swa makamara yo dyela+ hinkwawo lama nga ematlhelo hinkwawo, swa xuma xa yindlu ya Xikwembu xa ntiyiso ni swa xuma xa swilo leswi endliweke swi kwetsima;+ 13  ni swa mintlawa+ ya vaprista ni ya Valevhi ni swa mintirho hinkwayo ya ku tirhela ya yindlu ya Yehovha ni swa swingolongondzwana hinkwaswo swa ku tirhela swa yindlu ya Yehovha; 14  swa ntiko wa nsuku, nsuku wa swingolongondzwana hinkwaswo swa vutirheli byo hambana-hambana, swa swingolongondzwana swa ntiko wa silivhere, ni swingolongondzwana+ hinkwaswo swa vutirheli byo hambana-hambana; 15  ni ntiko wa swo tlhoma timboni+ swa nsuku ni timboni ta swona ta nsuku, hi ntiko wa swo tlhoma timboni to hambana-hambana ni timboni ta swona, ni swo tlhoma timboni swa silivhere hi ntiko wa xo tlhoma rivoni ni timbhoni ta swona hi ku ya hi vutirheli bya swo tlhoma timboni; 16  ni nsuku hi ntiko wa matafula ya swinkwa leswi tlhandlekaneke,+ swa matafula yo hambana-hambana, ni silivhere ya matafula ya silivhere; 17  ni tiforoko ni minkambana+ ni swikelelo swa nsuku wo tenga, ni minkambana leyitsongo ya nsuku+ hi ntiko wa minkambana yo hambana-hambana leyitsongo, ni minkambana ya silivhere leyitsongo hi ntiko wa minkambana yo hambana-hambana leyitsongo; 18  ni nsuku lowu tengisiweke wa alitari+ ya murhi wa risuna hi ntiko wa kona ni lexi yimelaka kalichi,+ ku nga makerubu+ ya nsuku leswaku ma phurumula timpapa ta wona ni ku ungamela areka ya ntwanano wa Yehovha. 19  “U endle leswaku swi twisisiwa hinkwaswo hi ku swi tsala+ ku suka evokweni ra Yehovha ehenhla ka mina, ni mintirho hinkwayo ya mpfampfarhuto wa ku aka.”+ 20  Davhida a ya emahlweni a byela Solomoni n’wana wakwe a ku: “Vana ni xivindzi,+ u tiya naswona u teka goza. U nga tshuki u chava+ kumbe u tshukisiwa,+ hikuva Yehovha Xikwembu, Xikwembu xanga, u na wena.+ A nge ku tshiki+ kumbe ku ku siya kukondza ntirho hinkwawo wa yindlu ya Yehovha wu hela. 21  Hi leyi mintlawa ya vaprista+ ni ya Valevhi+ ya ntirho hinkwawo wa yindlu ya Xikwembu xa ntiyiso; entirhweni wa wena hinkwawo u ni vanhu lava tiyimiseleke,+ lava nga ni vuswikoti bya ntirho hinkwawo,+ ku katsa ni tihosana+ ni vanhu hinkwavo, lava nga ta endla hinkwaswo leswi u swi vulaka.”

Tinhlamuselo ta le hansi