Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 27:1-34

27  Loko ku ri vana va Israyele hi nhlayo ya vona, varhangeri va tindlu ta vatatana+ ni varhangeri va magidi+ ni va madzana+ ni tindhuna ta vona leti a ti tirhela+ hosi emhakeni yin’wana ni yin’wana ya mintlawa ya lava a va nghena ni lava a va huma n’hweti ni n’hweti etin’hwetini hinkwato ta lembe, ntlawa ha wun’we a wu ri ni vanhu va 24 000.  Entlaweni wo sungula wa n’hweti yo sungula a ku ri na Yaxobuwamu+ n’wana wa Zabadiyele, naswona entlaweni wakwe a ku ri ni vanhu va 24 000.  Vana van’wana va Faresi,+ lowa murhangeri eka tindhuna hinkwato ta mintlawa ya vutirheli, a va ri va n’hweti yo sungula.  Entlaweni wa n’hweti ya vumbirhi a ku ri na Dodayi+ lowa le Ahowa+ a ri ni ntlawa wakwe, Mikiloto a a ri murhangeri, naswona entlaweni wakwe a ku ri ni vanhu va 24 000.  Ndhuna ya ntlawa wa vutirheli wa vunharhu wa n’hweti ya vunharhu a ku ri Benaya+ n’wana wa Yoyada+ muprista lonkulu, naswona entlaweni wakwe a ku ri ni vanhu va 24 000.  Benaya+ loyi a ku ri wanuna wa matimba eka vanhu va 30+ naswona a a lawula vanhu va 30; Amizabadi n’wana wakwe a a lawula ntlawa wakwe.  Wa vumune wa n’hweti ya vumune a ku ri Asahele,+ makwavo wa Yowabu,+ na Zebadiya n’wana wakwe loyi a teke endzhaku kakwe, naswona entlaweni wakwe a ku ri ni vanhu va 24 000.  Ndhuna ya vuntlhanu ya n’hweti ya vuntlhanu a ku ri Xamhuti+ lowa le Iziraha, naswona entlaweni wakwe a ku ri ni vanhu va 24 000.  Wa vutsevu wa n’hweti ya vutsevu a ku ri Ira+ n’wana wa Ikexi+ lowa le Tekowa,+ naswona entlaweni wakwe a ku ri ni vanhu va 24 000. 10  Wa vunkombo wa n’hweti ya vunkombo a ku ri Helese+ lowa Mupeloni+ wa vana va Efrayimi, naswona entlaweni wakwe a ku ri ni vanhu va 24 000. 11  Wa vunhungu wa n’hweti ya vunhungu a ku ri Sibekayi+ wa le Huxa wa va ka Zara,+ naswona entlaweni wakwe a ku ri ni vanhu va 24 000. 12  Wa vukaye wa n’hweti ya vukaye a ku ri Abi-ezere+ lowa le Anathoti+ wa va ka Benjamini, naswona entlaweni wakwe a ku ri ni vanhu va 24 000. 13  Wa vukhume wa n’hweti ya vukhume a ku ri Maharayi+ lowa le Netofa wa va ka Zara,+ naswona entlaweni wakwe a ku ri ni vanhu va 24 000. 14  Wa vu-11 wa n’hweti ya vu-11 a ku ri Benaya+ lowa le Piratoni wa vana va Efrayimi,+ naswona entlaweni wakwe a ku ri ni vanhu va 24 000. 15  Wa vu-12 wa n’hweti ya vu-12 a ku ri Helidayi+ lowa le Netofa wa Otiniyele, naswona entlaweni wakwe a ku ri ni vanhu va 24 000. 16  Ehenhla ka tinyimba ta Israyele,+ eka va ka Ruveni, Eliyezere n’wana wa Zikiri a a ri murhangeri; eka va ka Simiyoni, a ku ri Xefatiya n’wana wa Maka; 17  eka Levhi, a ku ri Haxabiya n’wana wa Kemuwele; eka Aroni, a ku ri Sadoki;+ 18  eka Yuda, a ku ri Elihu,+ un’wana wa vamakwavo va Davhida;+ eka Isakara, a ku ri Omri n’wana wa Mikayele; 19  eka Zebuloni, a ku ri Iximaya n’wana wa Obadiya; eka Neftali, a ku ri Yerimoto n’wana wa Aziriyele; 20  eka vana va Efrayimi, a ku ri Hoxeya n’wana wa Azaziya; eka xiphemu xa nyimba ya Manase, a ku ri Yuwele n’wana wa Pedaya; 21  eka xiphemu xa nyimba ya Manase eGiliyadi, a ku ri Ido n’wana wa Zakariya; eka Benjamini, a ku ri Yasiyele n’wana wa Abinere;+ 22  eka Dani, a ku ri Azarele n’wana wa Yerohamu. Leti a ku ri tihosana+ ta tinyimba ta Israyele. 23  Davhida a nga yi tekanga nhlayo ya lava a va ri ni malembe ya 20 ku ya ehansi, hikuva Yehovha u tshembise ku endla Israyele a tala kukota tinyeleti ta matilo.+ 24  Yowabu+ n’wana wa Seruya u sungule ku hlaya, kambe a nga hetanga;+ Israyele u hlundzukeriwile+ hikwalaho ka leswi, naswona nhlayo ya kona a yi humelelanga eka xiviko xa timhaka ta masiku ya Hosi Davhida. 25  Azamavhete n’wana wa Adiyele a a langutela xuma xa hosi.+ Yonathani n’wana wa Uzhiya a a langutela xuma xa le nsin’wini,+ xa le mitini+ ni xa le swimitanini ni xa le swihondzweni. 26  Ezri n’wana wa Kelubi a a langutela lava a va tirha ensin’wini,+ va rima misava. 27  Ximeyi lowa le Rhama a a langutela masimu ya vhinya;+ naswona Zabidi lowa le Sifimoti a a langutela masimu ya vhinya ya mphakelo wa vhinyo. 28  Bali-hanani lowa le Gedere a a langutela mitlhwari ni swinkuwana+ leswi a swi ri eXefela;+ Yowasi a a langutela mphakelo wa mafurha.+ 29  Xitrayi lowa le Saroni+ a a langutela mintlhambi ya tihomu leyi a yi dya byanyi eSaroni; Xafati n’wana wa Adilayi a a langutela mintlhambi ya tihomu leyi nga erivaleni ra le hansi. 30  Obili wa ka Iximayele+ a a langutela tikamela;+ Yehedaya wa le Meronoti a a langutela timbhongolo ta matswele. 31  Yazizi lowa le Hageri a a langutela ntlhambi wa tinyimpfu. Lava hinkwavo a va ri tindhuna ta nhundzu leyi a yi ri ya Hosi Davhida. 32  Yonathani,+ ntukulu wa Davhida a a ri mutsundzuxi, wanuna wa ku twisisa,+ nakambe a a ri matsalana; naswona Yehiyele n’wana wa Hakimoni+ a a ri ni vana va hosi.+ 33  Ahitofele+ a a ri mutsundzuxi+ wa hosi; kutani Huxayi+ lowa le Araki+ a a ri nakulobye wa hosi.+ 34  Endzhaku ka Ahitofele a ku ri na Yoyada n’wana wa Benaya+ na Abiyatara;+ Yowabu+ a a ri ndhuna ya vuthu ra hosi.

Tinhlamuselo ta le hansi