Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 26:1-32

26  Eka mintlawa ya varindzi va tinyangwa:+ Eka va ka Kora,+ Mexelemiya+ n’wana wa Kore wa vana va Asafa.  Mexelemiya a a ri ni vana: Zakariya a ri mativula, Yediyayele a ri wa vumbirhi, Zebadiya a ri wa vunharhu, Yataniyele a ri wa vumune,  Elami a ri wa vuntlhanu, Yehohanani a ri wa vutsevu, Eliyeho-enayi a ri wa vunkombo.  Obede-edomu+ na yena a a ri ni vana: Xemaya a ri mativula, Yohozabadi a ri wa vumbirhi, Yowa a ri wa vunharhu, Sakara a ri wa vumune na Nethanele a ri wa vuntlhanu,  Amiyele a ri wa vutsevu, Isakara a ri wa vunkombo, Pewuletayi a ri wa vunhungu; hikuva Xikwembu a xi n’wi katekisile.+  Eka Xemaya n’wana wakwe, a ku velekiwe vana va majaha lava a va ri vafumi endlwini ya tata wa vona, hikuva a ku ri vavanuna lava fanelekaka, va matimba.  Vana va Xemaya, a ku ri Otini na Refayele na Obede, Elizabada, loyi vamakwavo a va ri vavanuna lava va fanelekaka, Elihu na Semakiya.  Lava hinkwavo a ku ri vana va Obede-edomu, vona ni vana va vona ni vamakwavo, vavanuna lava va fanelekaka lava nga ni matimba ya ku tirhela, 62 va ri va Obede-edomu.  Mexelemiya+ a a ri ni vana ni vamakwavo, vavanuna lava va fanelekaka, a va ri 18. 10  Hosa wa vana va Merari a a ri ni vana. Ximri a a ri murhangeri, hikuva a a nga ri mativula+ kambe tata wakwe u n’wi hlawule a va murhangeri;+ 11  Hilkiya a va wa vumbirhi, Tebaliya a va wa vunharhu, Zakariya a va wa vumune. Vana hinkwavo ni vamakwavo va Hosa a va ri 13. 12  Eka mintlawa leyi ya varindzi va tinyangwa, tindhuna a ti ri ni mintirho leyi fanaka ni leyi yi endliweke hi vamakwavo,+ leswaku ti tirha endlwini ya Yehovha. 13  Hiloko va hoxa vuhlolotwana+ bya lontsongo ku fana ni bya lonkulu etindlwini ta vatata wa vona,+ bya tinyangwa to hambana-hambana. 14  Kutani vuhlolotwana bya le vuxeni byi wela eka Xelemiya.+ Va hoxa vuhlolotwana bya Zakariya+ n’wana wakwe, mutsundzuxi+ wa vutlhari, vuhlolotwana byakwe byi humela en’walungwini.+ 15  Bya Obede-edomu byi wele edzongeni, naswona vana+ vakwe va kume switlati.+ 16  Bya Xupimi na Hosa+ byi wele evupela-dyambu ekusuhi ni Nyangwa ya Xalekete egondzweni lerikulu leri tlhandlukaka, ntlawa wa varindzi+ wu fambisana ni ntlawa wa varindzi;+ 17  evuxeni a ku ri ni Valevhi va tsevu; en’walungwini hi siku, va ri mune; edzongeni hi siku,+ va ri mune; evuhlayiselweni+ a va ri vambirhi-mbirhi; 18  erikupakupeni ku ya evupela-dyambu, a va ri mune egondzweni lerikulu,+ vambirhi erikupakupeni. 19  Leyi a ku ri mintlawa ya varindzi va tinyangwa ya vana va ka Kora+ ni vana va Merari.+ 20  Loko ku ri Valevhi, Ahiya a a langutela xuma+ xa yindlu ya Xikwembu xa ntiyiso ni xuma xa swilo leswi endliweke swi kwetsima.+ 21  Vana va Ladani,+ vana va ka Gerixoni lava a va ri va Ladani; varhangeri va tindlu ta vatatana leti a ti ri ta Ladani lowa ka Gerixoni, Yehiyeli.+ 22  Vana va Yehiyeli, Zetamu na Yuwele+ makwavo, a va langutela xuma+ xa yindlu ya Yehovha. 23  Eka va ka Amirama, eka va ka Izihara, eka va ka Hebroni, eka va ka Uziyele,+ 24  na Xebuwele+ n’wana wa Gerixomu, n’wana wa Muxe a a ri murhangeri evuhlayiselweni. 25  Loko ku ri vamakwavo, eka Eliyezere+ a ku ri na Rehabiya+ n’wana wakwe na Yexaya n’wana wakwe na Yoramu n’wana wakwe na Zikiri n’wana wakwe na Xelomoto n’wana wakwe. 26  Xelomoto loyi ni vamakwavo a va langutela xuma hinkwaxo xa swilo leswi endliweke swi kwetsima,+ leswi Davhida+ lowa hosi ni varhangeri va tindlu ta vatatana,+ ni varhangeri va vanhu va magidi ni va madzana, ni varhangeri va vuthu va tiendleke ti kwetsima. 27  Etinyimpini+ ni le ku phangeni+ va endle swilo swi kwetsima leswaku va hlayisa yindlu ya Yehovha. 28  Ni hinkwaswo leswi Samuwele la vonaka ka ha ri emahlweni+ na Sawulo n’wana wa Kixi na Abinere+ n’wana wa Nere na Yowabu+ n’wana wa Seruya+ va swi endleke swi kwetsima. Lexi un’wana ni un’wana a xi endleke xi kwetsima a xi lawuriwa hi Xelomiti ni vamakwavo. 29  Eka va ka Izihara,+ Kenaniya ni vana vakwe a va langutela ntirho wa le handle+ va ri tindhuna ni vaavanyisi+ va Israyele. 30  Eka va ka Hebroni,+ Haxabiya ni vamakwavo, vavanuna lava va fanelekaka+ va 1 700 a va ri vakongomisi va Israyele exifundzheni xa Yordani ku ya evupela-dyambu entirhweni hinkwawo wa Yehovha ni vutirheli bya hosi. 31  Eka va ka Hebroni, Yariya+ a a ri murhangeri wa va ka Hebroni hi ku ya hi switukulwana swa wona hi vatata wa wona. Elembeni ra vu-40+ ra vuhosi bya Davhida va laviwile, kutani ku kumeke vavanuna va vurhena, va matimba exikarhi ka Yazere+ eGiliyadi.+ 32  Vamakwavo, vavanuna lava va fanelekaka,+ a va ri vavanuna va 2 700, varhangeri va tindlu ta vatatana.+ Kutani Davhida lowa hosi a va veka va langutela va ka Ruveni ni va ka Gadi ni xiphemu xa nyimba ya va ka Manase,+ eka mhaka+ yin’wana ni yin’wana ya Xikwembu xa ntiyiso ni ya hosi.

Tinhlamuselo ta le hansi