Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 24:1-31

24  Vana va Aroni a va ri ni mintlawa ya vona. Vana va Aroni a ku ri Nadabu+ na Abihu,+ Eliyazara+ na Ithamara.+  Kambe Nadabu na Abihu+ va fa tata wa vona a nga si fa,+ naswona a va vanga ni vana, kambe Eliyazara+ na Ithamara va ye emahlweni va ri vaprista.  Kutani Davhida na Sadoki+ lava va humaka eka vana va Eliyazara, na Ahimeleke+ la humaka eka vana va Ithamara, a sungula ku va hambanisa hi mintlawa ya vona eswikhundlheni swa ntirho wa vona.+  Kambe vana va Eliyazara a va ri ni tindhuna to tala ku tlula vana va Ithamara. Hiloko va va ava eka vana va Eliyazara, va va varhangeri va tindlu ta vatata wa vona, a va ri 16, eka vana va Ithamara, lava a va ri varhangeri eka tindlu ta vatata wa vona, a va ri nhungu.  Ku tlula kwalaho, va va ava hi vuhlolotwana,+ lava swin’we ni lavaya, hikuva a ku fanele ku va ni vakongomisi va ndhawu yo kwetsima+ ni vakongomisi eka Xikwembu xa ntiyiso lava a va huma eka vana va Eliyazara ni le ka vana va Ithamara.  Hiloko Xemaya n’wana wa Nethanele lowa matsalana+ wa Valevhi a va tsala emahlweni ka hosi ni le ka tihosana ni le ka Sadoki+ lowa muprista na Ahimeleke+ n’wana wa Abiyatara+ ni varhangeri va vatata va vaprista ni va Valevhi,+ ku hlawuriwa yindlu yin’we yi va ya vatatana eka Eliyazara+ na Ithamara+ a hlawuleriwa yin’we.  Kutani vuhlolotwana byi huma: byo sungula byi va bya Yoyaribi;+ bya vumbirhi byi va bya Yedaya,  bya vunharhu byi va bya Harimi, bya vumune byi va bya Seyorimi,  bya vuntlhanu byi va bya Malikiya, bya vutsevu byi va bya Miyamini, 10  bya vunkombo byi va bya Hakozi, bya vunhungu byi va bya Abiya,+ 11  bya vukaye byi va bya Yexuwa, bya vukhume byi va bya Xekaniya, 12  bya vu-11 byi va bya Eliyaxibi, bya vu-12 byi va bya Yakimi, 13  bya vu-13 byi va bya Hupa, bya vu-14 byi va bya Yexebiyabu, 14  bya vu-15 byi va bya Biliga, bya vu-16 byi va bya Imere, 15  bya vu-17 byi va bya Heziri, bya vu-18 byi va bya Hapisesi, 16  bya vu-19 byi va bya Petahiya, bya vu-20 byi va bya Yehezikeli, 17  bya vu-21 byi va bya Yakini, bya vu-22 byi va bya Gamuli, 18  bya vu-23 byi va bya Delaya, bya vu-24 byi va bya Masiya. 19  Leswi a ku ri swikhundlha+ swa vutirheli bya vona,+ leswi va nga ta tisa xiswona leswaku va nghena endlwini ya Yehovha hi ku ya hi mfanelo+ ya vona hi voko ra Aroni tata wa vona, hilaha Yehovha Xikwembu xa Israyele a n’wi leriseke hakona. 20  Eka vana va Levhi lava va seleke, eka vana va Amirama+ a ku ri na Xubayele;+ eka vana va Xubayele, a ku ri na Yehedaya; 21  eka Rehabiya:+ vana va Rehabiya, Ixaya a ri murhangeri; 22  eka Vaizihara,+ a ku ri na Xelomoto;+ eka vana va Xelomoto, a ku ri na Yahata; 23  eka vana va Hebroni,+ Yeriya+ a ri murhangeri, Amariya a va wa vumbirhi, Yahaziyele a va wa vunharhu, Yekamiyamu a va wa vumune. 24  Vana va Uziyele, Mikiya; eka vana va Mikiya,+ a ku ri na Xamiri. 25  Makwavo wa Mikiya a ku ri Ixaya; eka vana va Ixaya, a ku ri na Zakariya. 26  Vana va Merari+ a ku ri Maheli+ na Muxi;+ vana va Yaziya, a ku ri Beno. 27  Vana va Merari: Eka Yaziya, a ku ri Beno, Xohamu, Zakuru na Ibri. 28  Eka Maheli, a ku ri Eliyazara loyi a nga vangiki na vana.+ 29  Eka Kixi: vana va Kixi a ku ri Yeramiyele. 30  Vana va Muxi a ku ri Maheli,+ Edere na Yerimoto.+ Lava a ku ri vana va Valevhi hi tindlu ta vatata wa vona.+ 31  Na vona va hoxa vuhlolotwana+ hi ku pakanisa hilaha vamakwavo, ku nga vana va Aroni, va endleke hakona emahlweni ka Davhida lowa hosi na Sadoki na Ahimeleke ni varhangeri va vatata wa vaprista ni Valevhi. Loko ku ri eka tindlu ta vatatana,+ murhangeri a a fana ni makwavo lontsongo.

Tinhlamuselo ta le hansi