Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 23:1-32

23  Davhida yena a a dyuhele+ naswona a a enerisekile hi masiku, kutani a endla n’wana wakwe Solomoni+ a va hosi ya Israyele.  Kutani a hlengeleta tihosana+ hinkwato ta Israyele ni vaprista+ ni Valevhi.+  Hikwalaho Valevhi a va hlayiwa ku sukela emalembeni ya 30 hi vukhale ku ya ehenhla;+ nhlayo ya vona, murhangeri un’wana ni un’wana wa vona, munhu la tiyeke emirini ni munhu la tiyeke emirini, yi va 38 000.  Lava a va ri vakongomisi entirhweni wa yindlu ya Yehovha a va ri 24 000; lava a va ri valanguteri+ ni vaavanyisi,+ a va ri 6 000;  ni varindzi va tinyangwa+ a va ri 4 000 ni lava a va dzunisa+ Yehovha hi swichayachayana+ a va ri 4 000 lava Davhida a vulavuleke ha vona, “Ndzi va endlele leswaku va dzunisa.”  Kutani Davhida a va ava hi mintlawa+ eka vana va Levhi,+ eka Gerixoni, Kohata na Merari.  Eka Vagerixoni, Ladani na Ximeyi.  Vana va Ladani a ku ri Yehiyele+ lowa ndhuna, Zetamu na Yuwele,+ va ri vanharhu.  Vana va Ximeyi a ku ri Xelomoto, Haziyele na Harani, va ri vanharhu. Lava a ku ri varhangeri va vatata wa Ladani. 10  Vana va Ximeyi a ku ri Yahata, Zina, Yewuxi na Beriya. Lava va mune a ku ri vana va Ximeyi. 11  Kutani Yahata a va murhangeri, Zize a va wa vumbirhi. Loko ku ri Yewuxi na Beriya, a va vanga ni vana vo tala; hiloko va va yindlu ya tata+ wun’we la lawulaka. 12  Vana va Kohata+ a ku ri Amirama, Izihara,+ Hebroni+ na Uziyele,+ va ri mune. 13  Vana va Amirama a ku ri Aroni+ na Muxe.+ Kambe Aroni a a hlawuriwile+ leswaku a hlawulekisa Ndhawu yo Kwetsima Ngopfu,+ yena ni vana vakwe hilaha ku nga riki na makumu, va mbulukisa xitlhavelo+ emahlweni ka Yehovha, va n’wi tirhela+ ni ku katekisa+ hi vito rakwe hilaha ku nga riki na makumu. 14  Loko ku ri Muxe munhu wa Xikwembu xa ntiyiso,+ vana vakwe va ye emahlweni va vitaniwa exikarhi ka nyimba ya Valevhi.+ 15  Vana va Muxe a ku ri Gerixomu+ na Eliyezere.+ 16  Vana va Gerixomu a ku ri Xebuwele+ lowa murhangeri. 17  Vana va Eliyezere a ku ri Rehabiya+ lowa murhangeri; Eliyezere a nga ha vanga ni vana van’wana, kambe vana va Rehabiya a va tele ngopfu. 18  Vana va Izihara+ a ku ri Xelomiti+ lowa ndhuna. 19  Vana va Hebroni a ku ri Yeriya lowa murhangeri, Amariya a va wa vumbirhi, Yahaziyele a va wa vunharhu na Yekamiyamu+ a va wa vumune. 20  Vana va Uziyele+ a ku ri Mikiya lowa murhangeri na Ixaya a va wa vumbirhi. 21  Vana va Merari+ a ku ri Maheli na Muxi.+ Vana va Maheli a ku ri Eliyazara+ na Kixi. 22  Kambe Eliyazara a fa; a a nga ri na vona vana va majaha, kambe a a ri ni vana va vanhwanyana. Kutani vana va Kixi lava va nga vamakwavo va va teka va va vasati va vona.+ 23  Vana va Muxi a ku ri Maheli, Edere na Yeremoto,+ va ri vanharhu. 24  Lava a ku ri vana va Levhi hi yindlu ya vatata wa vona,+ varhangeri va vatatana, hi lava va va lerisaka, hi nhlayo ya mavito, murhangeri un’wana ni un’wana wa vona, lava va tirhelaka+ endlwini ya Yehovha, ku sukela emalembeni ya 20 hi vukhale ku ya ehenhla.+ 25  Hikuva Davhida u te: “Yehovha Xikwembu xa Israyele u wisise vanhu va yena,+ naswona u ta tshama eYerusalema hilaha ku nga riki na makumu.+ 26  Ni Valevhi a va nge yi rhwali tabernakela kumbe swingolongondzwana swa yona swo tirhela ha swona.”+ 27  Hi ku landza marito+ yo hetelela ya Davhida, leyi a ku ri nhlayo ya vana va Levhi ku sukela emalembeni ya 20 ku ya ehenhla. 28  Hikuva ntirho wa vona a wu lawuriwa hi vana va Aroni+ malunghana ni vutirheli bya yindlu ya Yehovha, va lawula swivava+ ni makamara yo dyela+ eka wona ni ku tengisa nchumu wun’wana ni wun’wana wo kwetsima+ ni ntirho wa vutirheli bya yindlu ya Xikwembu xa ntiyiso, 29  ni swinkwa swo tlhandlekelana+ ni mapa lama silekeke kahle+ ya gandzelo ra mavele ni swiphampha+ swa xinkwa lexo-ke-comela+ ni swimbundzwa+ leswi oxiweke hi nsimbi ni mbila leyi pfuviweke+ ni mimpimo hinkwayo yo tala ni leyikulu;+ 30  ni ku yima+ mixo wun’wana ni wun’wana+ ku nkhensiwa+ naswona ku dzunisiwa+ Yehovha, hilaha ku fanaka ni nimadyambu; 31  ni switlhavelo swo hisiwa swin’wana ni swin’wana leswi humeseriwaka Yehovha hi tisavata,+ hi ku thwasa ka n’weti+ ni minkarhi ya minkhuvo,+ hi nhlayo ya swona hi ku landza nawu lowu wu swi khumbaka, nkarhi hinkwawo emahlweni ka Yehovha. 32  A va rindza+ ntsonga wa nhlangano ni ku rindza ndhawu yo kwetsima+ ni ku rindza vana va Aroni vamakwavo entirhweni wa yindlu ya Yehovha.+

Tinhlamuselo ta le hansi