Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 22:1-19

22  Kutani Davhida a ku: “Leyi i yindlu+ ya Yehovha Xikwembu xa ntiyiso, naswona leyi i alitari+ ya gandzelo ro hisiwa ra Israyele.”  Davhida a rhumela rito leswaku ku hlengeletiwa valuveri+ lava a va ri etikweni ra Israyele, kutani a va veka va va vavatli+ va maribye leswaku va vatla maribye+ ya matlhelo ya mune lama ringanaka yo aka yindlu ya Xikwembu xa ntiyiso.  Kutani Davhida a lunghiselela tinsimbi to tala leswaku ti va swipikiri swa tinyangwa ta vungheno ni swimanyiso, ni koporo hi mpimo wo tala lerova wu nga ha pimeki,+  ni timhandzi ta mikedari+ leyi nga hlayekiki; hikuva Vasidoni+ ni Vatiri+ va tise timhandzi ta mikedari to tala eka Davhida.  Hiloko Davhida a ku: “Solomoni n’wananga i ntsongo naswona wa ha tsakama,+ kutani yindlu leyi yi nga ta akeriwa Yehovha yi fanele yi va yikulu swinene,+ yi saseka+ hi ndlela leyi hlawulekeke ematikweni hinkwawo. Inge ndzi n’wi lunghiselela.” Kutani Davhida a endla malunghiselelo yo tala a nga si fa.+  Tlhandlakambirhi, a vitana n’wana wakwe Solomoni leswaku a n’wi lerisa ku akela Yehovha Xikwembu xa Israyele yindlu.  Davhida a ya emahlweni a byela n’wana wakwe Solomoni a ku: “Loko ku ri mina, a swi ri embilwini+ ya mina ku akela vito+ ra Yehovha Xikwembu xanga yindlu.  Kambe rito ra Yehovha ri ndzi sorile, ri ku, ‘U halate ngati yo tala,+ naswona u lwe tinyimpi letikulu.+ A wu nge yi aki yindlu ya vito ra mina,+ hikuva u halate ngati yo tala emisaveni emahlweni ka mina.  Waswivo! U velekeriwe n’wana.+ Yena u ta va munhu wo rhula, naswona ndzi ta n’wi wisisa eka valala vakwe hinkwavo lava va n’wi rhendzeleke;+ hikuva vito rakwe u ta va Solomoni,+ ndzi ta nyika Israyele ku rhula+ ni ku tshamiseka emasikwini yakwe. 10  Hi yena loyi a nga ta akela vito ra mina yindlu,+ yena u ta va n’wana+ wa mina, mina ndzi va tata+ wakwe. Kunene ndzi ta simeka xiluvelo xa vuhosi+ byakwe xi tiya ehenhla ka Israyele hilaha ku nga riki na makumu.’ 11  “N’wananga, onge Yehovha a nga va na wena, u fanele u humelela, u akela Yehovha Xikwembu xa wena yindlu, hilaha a vulavuleke hakona malunghana na wena.+ 12  Ntsena onge Yehovha a nga ku nyika vutlhari ni ku twisisa,+ onge a nga ku nyika xileriso malunghana na Israyele ni ku hlayisa nawu wa Yehovha Xikwembu xa wena.+ 13  Hi ndlela yoleyo u ta humelela+ loko wo khathalela ku hetisisa swileriso+ ni swiboho swa vuavanyisi+ leswi Yehovha a swi leriseke+ Muxe malunghana na Israyele. Vana ni xivindzi u tiya.+ U nga chavi+ hambi ku ri ku tshukisiwa.+ 14  Eku xanisekeni+ ka mina ndzi lunghiselele yindlu ya Yehovha titalenta ta nsuku+ ta 100 000 ni titalenta ta silivhere ta miliyoni, ni koporo+ ni nsimbi,+ a ku na ndlela ya ku swi pima hikuva swi ve mpimo lowukulu ngopfu; ndzi lunghiselele timhandzi ni maribye, kambe swona u ta swi engetela. 15  Wena u ni vatirhi vo tala lava va endlaka ntirho, vavatli va maribye ni lava va tirhaka hi maribye+ ni ntsandza ni un’wana ni un’wana la nga ni vuswikoti entirhweni wa muxaka wun’wana ni wun’wana.+ 16  Nsuku, silivhere, koporo ni nsimbi a swi hlayeki.+ Pfuka u teka goza,+ onge Yehovha a nga va na wena.”+ 17  Davhida a lerisa tihosana hinkwato ta Israyele leswaku ti pfuna n’wana wakwe Solomoni: 18  “Xana Yehovha Xikwembu xa n’wina+ a nga na n’wina, xana a nga mi wisisanga matlhelo hinkwawo?+ Hikuva u nyikete vaaki va tiko evokweni ra mina, tiko ri hluriwile emahlweni ka Yehovha+ ni le mahlweni ka vanhu vakwe. 19  Sweswi vekani mbilu ya n’wina ni moya-xiviri+ wa n’wina leswaku swi vutisa Yehovha Xikwembu xa n’wina,+ pfukani mi akela Yehovha Xikwembu+ xa ntiyiso vukwetsimelo,+ leswaku mi nghenisa areka+ ya ntwanano wa Yehovha ni swingolongondzwana swo kwetsima swa Xikwembu xa ntiyiso endlwini leyi akeriweke vito+ ra Yehovha.”

Tinhlamuselo ta le hansi