Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 20:1-8

20  Eku sunguleni ka lembe,+ hi nkarhi lowu tihosi ti humaka hi rivilo ti ya enyimpini,+ Yowabu a rhangela vandla ra nyimpi,+ a onhetela tiko ra vana va Amone, a fika a rhendzela Rhaba,+ loko Davhida a ha tshama eYerusalema; Yowabu a hlasela+ Rhaba a wu mbundzumuxa.  Kambe Davhida a teka harhi ya Malikomo enhlokweni yakwe,+ a kuma ntiko wa yona wu ri talenta ya nsuku, eka yona a ku ri ni maribye ya risima; yi va enhlokweni ya Davhida. Swilo leswi va swi phangeke swa muti wolowo, leswi a swi humeseke a swi tele ngopfu swinene.+  Kutani vanhu lava a va ri eka wona, u va humesile, a va veka va saha maribye ni ku tirha+ hi switirho leswi karihaka swa nsimbi ni swihloka;+ hi yona ndlela leyi Davhida a endleke ha yona emitini hinkwayo ya vana va Amone. Eku heteleleni Davhida ni vanhu hinkwavo va vuyela eYerusalema.  Endzhaku ka leswi, va lwa ni Vafilisita+ eGezere.+ Hi wona nkarhi lowu ha wona Sibekayi+ lowa Muhuxa a nga dlaya Sipayi loyi a a ri exikarhi ka lava va velekiweke hi Varefayimi,+ kutani va hluriwa.  Va tlhele va lwa ni Vafilisita; kutani Elihanani+ n’wana wa Yayiri a dlaya Lahimi makwavo wa Goliyadi+ lowa le Gati, mphiselo wa fumu ra yena a wu fana ni mhandzi ya valuki va mapesa.+  Ku tlhele ku va ni nyimpi eGati,+ loko ku va ni wanuna wo leha ngopfu,+ loyi tintiho ni swikunwana swakwe a swi ri tsevu-tsevu, swi ri 24;+ na yena a a velekeriwe Varefayimi.+  A a tshamela ku tlhontlha+ Israyele. Eku heteleleni Yonathani n’wana wa Ximeya,+ makwavo wa Davhida, a n’wi dlaya.  Lava hi vona lava va velekeriweke Varefayimi+ eGati;+ va we+ hi voko ra Davhida ni hi voko ra malandza yakwe.

Tinhlamuselo ta le hansi