Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 19:1-19

19  Endzhaku ka sweswo Nahaxi+ hosi ya vana va Amone a fa, n’wana wa yena a sungula ku fuma ematshan’weni ya yena.+  Hiloko Davhida a ku: “Hanunu n’wana wa Nahaxi ndzi ta n’wi komba musa wa rirhandzu,+ hikuva tata wakwe u ndzi kombe musa wa rirhandzu.”+ Hikwalaho Davhida a rhumela malandza yakwe leswaku ma ya n’wi chavelela hikwalaho ka tata wakwe, kutani malandza ya Davhida ma fika etikweni ra vana va Amone+ eka Hanunu leswaku ma n’wi chavelela.  Kambe tihosana ta vana va Amone ti vutisa Hanunu hosi ya tona, ti ku: “Xana Davhida u rhumele vachaveleri ematihlweni ya wena hi leswi a xiximaka tata wa wena? Xana malandza yakwe a ma tanga eka wena hi xikongomelo xa ku ta lavisisa+ muti lowu, ma wu kambela ni ku wu hlula?”+  Hiloko Hanunu a teka malandza ya Davhida+ a ma tsemeta malepfu+ naswona a tsema tinguvu ta wona hi le xikarhi, ku ya fika eswisutini swa wona,+ a ma tshika ma famba.+  Endzhaku vanhu va famba va ya vikela Davhida malunghana ni vavanuna lava; xikan’we-kan’we a rhumela rito leswaku va ya va hlanganisa, hikuva va ve vavanuna lava va tsongahatiweke ngopfu; hosi yi ya emahlweni yi ku: “Tshamani eYeriko+ kukondza malepfu ya n’wina ma kula kahle. Kutani mi ta vuya.”  Hi ku famba ka nkarhi vana va Amone va vona leswaku va ve risema ro biha+ eka Davhida, hiloko Hanunu+ ni vana va Amone va rhumela titalenta ta silivhere ta 1 000+ leswaku ku thoriwa makalichi+ ni vagadi va tihanci eMesopotamiya ni le Aramu-maka+ ni le Soba.+  Hiloko va thola makalichi ya 32 000+ ni hosi ya Maka swin’we ni vanhu va yona.+ Va fika va dzima nxaxa emahlweni ka Medeba;+ loko ku ri vana va Amone, va hlengeletana emitini ya vona kutani va ya enyimpini.  Loko Davhida a swi twile, hi ku hatlisa a rhuma Yowabu+ ni vuthu hinkwaro ni vavanuna va matimba.+  Kutani vana va Amone va sungula ku huma va ya lunghekela nyimpi enyangweni ya muti, naswona tihosi+ leti teke a ti ri toxe enhoveni. 10  Loko Yowabu a vone leswaku valwi va n’wi hlasele emahlweni ni le ndzhaku, xikan’we-kan’we a hlawula vavanuna van’wana eka hinkwavo lava hlawuriweke eIsrayele, a va veka va lunghekile leswaku va hlangana ni Vasiriya.+ 11  Vanhu lavan’wana hinkwavo u va nyikele evokweni ra Abixayi+ makwavo, leswaku va lungheka, va ta hlangana ni vana va Amone.+ 12  A ya emahlweni a ku: “Loko Vasiriya+ vo va ni matimba ngopfu eka mina, u fanele u ndzi ponisa;+ kambe loko vana va Amone vo va ni matimba ngopfu eka wena, na mina ndzi fanele ndzi ku ponisa.+ 13  Vana ni matimba+ leswaku hi ta va ni xivindzi hikwalaho ka vanhu va ka hina ni hikwalaho ka miti ya Xikwembu xa hina;+ loko ku ri Yehovha u ta endla+ leswi nga swinene ematihlweni yakwe.” 14  Kutani Yowabu ni vanhu lava a va ri na yena va tshinela emahlweni ka Vasiriya va ya enyimpini,+ kambe va baleka+ emahlweni ka yena. 15  Loko ku ri vana va Amone, va vone leswaku Vasiriya va balekile, hiloko na vona va baleka+ emahlweni ka Abixayi makwavo kutani va fika emutini.+ Endzhaku ka sweswo Yowabu a fika eYerusalema. 16  Loko Vasiriya va vone leswaku va hluriwile+ emahlweni ka Israyele, va rhuma varhumiwa leswaku va humesa Vasiriya lava a va ri exifundzheni xa Nambu,+ va ri na Xofaki ndhuna ya vuthu ra Hadadezera emahlweni ka vona. 17  Loko Davhida a vikeriwile, hi ku hatlisa u hlengelete tiko hinkwaro ra Israyele va pela Yordani va fika eka vona, va lunghekela ku lwa na vona.+ Loko Davhida a lungheka leswaku a hlangana ni Vasiriya, va sungula ku lwa na yena. 18  Kambe Vasiriya va baleka+ Vaisrayele; Davhida a dlaya eka Vasiriya vachayeri va makalichi va 7 000 ni vavanuna lava va fambaka hi milenge va 40 000, a dlaya+ na Xofaki ndhuna ya vuthu. 19  Loko malandza ya Hadadezera ma vone leswaku ma hluriwile emahlweni ka Israyele,+ hi ku hatlisa ma endle ku rhula na Davhida, ma sungula ku n’wi tirhela;+ Siriya a ri swi lavanga ku tlhela ri ringeta ku ponisa vana va Amone.+

Tinhlamuselo ta le hansi