Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 17:1-27

17  Hi ku hatlisa loko Davhida a sungula ku tshama endlwini yakwe,+ Davhida a byela Natani+ lowa muprofeta a ku: “Ndzi tshama endlwini ya mikedari,+ kambe areka+ ya ntwanano wa Yehovha yi le ntsongeni wa malapi.”+  Hiloko Natani a ku eka Davhida: “Endla hinkwaswo leswi swi nga embilwini ya wena,+ hikuva Xikwembu xa ntiyiso xi na wena.”+  Evusikwini byebyo, rito+ ra Xikwembu ri fika eka Natani, ri ku:  “Famba u ya byela nandza wa mina Davhida, u ku, ‘Yehovha u te: “A hi wena la nga ta aka yindlu leyi ndzi nga ta tshama eka yona.+  Hikuva a ndzi si tshama endlwini ku sukela esikwini leri ndzi humeseke vana va Israyele ku fikela esikwini leri,+ kambe a ndzi hamba ndzi suka entsongeni wun’wana ndzi ya tshama entsongeni wun’wana, ni ku suka etabernakeleni+ yin’wana ndzi ya eka yin’wana.+  Enkarhini hinkwawo lowu ndzi famba-fambeke+ etikweni hinkwaro ra Israyele, xana ndzi tshame ndzi vula rito eka vaavanyisi va Israyele lava ndzi va leriseke leswaku va risa vanhu va mina, ndzi ku, ‘Ha yini n’wina mi nga ndzi akelanga yindlu ya mikedari?’”’+  “Kutani u ta byela nandza wa mina Davhida, u ku, ‘Yehovha wa mavuthu u te: “Mina ndzi ku teke emadyelweni, laha a wu risa ntlhambi,+ leswaku u va murhangeri+ wa vanhu va mina, ku nga Israyele.  Ndzi ta va na wena kun’wana ni kun’wana laha u yaka kona,+ ndzi ta susa valala+ va wena hinkwavo emahlweni ka wena, kunene ndzi ta ku endlela vito+ ku fana ni vito ra vanhu lavakulu lava nga emisaveni.+  Kunene ndzi ta hlawula ndhawu ya vanhu va mina, ku nga Israyele, ndzi va byala,+ hakunene va ta tshama laha va nga kona, a va nge he tlheli va karhatiwa; vana vo pfumala ku lulama+ a va nge he tlheli va va xanisa hilaha va endleke hakona eku sunguleni,+ 10  hambi ku ri ku sukela emasikwini lawa ndzi nga ta veka vaavanyisi+ leswaku va lerisa vanhu va mina, ku nga Israyele. Kunene ndzi ta tsongahata valala va wena hinkwavo.+ Ndza ku byela, ‘Yehovha u ta tlhela a ku akela yindlu.’+ 11  “‘“Loko masiku ya wena ma herile leswaku u ya eka vatata va wena,+ kunene ndzi ta veka mbewu ya wena endzhaku ka wena, leyi nga ta va ya vana va wena,+ hakunene ndzi ta byi simeka byi tiya vuhosi bya yona.+ 12  Hi yona leyi yi nga ta ndzi akela yindlu,+ kunene ndzi ta simeka xiluvelo xa yona xi tiya hilaha ku nga riki na makumu.+ 13  Mina ndzi ta va tata wa yona,+ yona yi va n’wana wa mina;+ musa wa mina wa rirhandzu a ndzi nge wu susi eka yona hi ndlela leyi ndzi wu suseke ha yona+ eka loyi a a ri emahlweni ka wena.+ 14  Ndzi ta n’wi yimisa endlwini+ ya mina ni le vuhosini+ bya mina hilaha ku nga riki na makumu, naswona xiluvelo+ xakwe xi ta tshama hilaha ku nga riki na makumu.”’” 15  Natani u vulavule eka Davhida+ hi ku landza marito lawa hinkwawo ni hi ku landza xivono lexi hinkwaxo. 16  Endzhaku ka sweswo Hosi Davhida a fika a tshama ehansi emahlweni ka Yehovha,+ a ku: “Xana hi mina mani,+ Wena Yehovha Xikwembu, naswona yindlu+ ya mina yo va yini leswi u ndzi tiseke ku ta fika laha?+ 17  Onge hiloko leswi swi fanele swi va nchumu wutsongo ematihlweni ya wena,+ Wena Xikwembu,+ kambe u tlhele u vhumbha malunghana ni yindlu ya nandza wa wena ku ya fika enkarhini lowu wa ha riki ekule,+ lowu taka kutani u ndzi teke ndzi fana ni munhu la nga vaka exiyin’weni xa le henhla,+ Wena Yehovha Xikwembu. 18  Xana Davhida a nga engetela yini a vulavula na wena malunghana ni ku xixima nandza wa wena,+ kasi wena u n’wi tiva kahle nandza wa wena?+ 19  Oho Yehovha, hikwalaho ka rito ra wena ni ku pfumelelana ni mbilu ya wena,+ u endle swilo leswi leswikulu hinkwaswo hi ku tivisa mintirho hinkwayo leyikulu.+ 20  Oho Yehovha, a nga kona la fanaka na wena,+ naswona a ku na Xikwembu handle ka wena+ eka hinkwavo lava hi va tweke hi tindleve ta hina. 21  Xana hi rihi tiko rin’wana emisaveni leri fanaka ni vanhu va wena, ku nga Israyele,+ lava Xikwembu xa ntiyiso xi tikutsuleleke vona va va tiko,+ leswaku xi va nyika vito ni ku va endlela swilo+ leswikulu ni leswi chavisekaka hi ku hlongola matiko+ emahlweni ka vanhu va wena lava u tikutsuleleke vona aEgipta? 22  U ye emahlweni u veka vanhu va wena, ku nga Israyele, va va vanhu+ va wena hilaha ku nga riki na makumu, kutani wena, Wena Yehovha u ve Xikwembu xa vona.+ 23  Sweswi, Wena Yehovha, rito leri u ri vulavuleke malunghana ni nandza wa wena ni yindlu yakwe, a ri tshembeke hilaha ku nga riki na makumu, u endla hilaha u vuleke hakona. 24  Vito+ ra wena a ri ve lerikulu+ hilaha ku nga riki na makumu, va ku, ‘Yehovha wa mavuthu,+ Xikwembu xa Israyele,+ i Xikwembu xa Israyele,’+ yindlu ya nandza wa wena Davhida a yi simekiwe yi tiya emahlweni ka wena.+ 25  Hikuva wena Xikwembu xanga, u hlavutele eka nandza wa wena xikongomelo xo n’wi akela yindlu.+ Hi yona mhaka leyi nandza wa wena a kumeke xivangelo xa ku khongela emahlweni ka wena. 26  Kutani sweswi, Wena Yehovha, u Xikwembu xa ntiyiso,+ vunene lebyi u byi tshembise nandza wa wena.+ 27  Kutani swi veke eka wena, u katekisa yindlu ya nandza wa wena leswaku yi tshama hilaha ku nga riki na makumu emahlweni ka wena;+ hikuva wena, Wena Yehovha, u katekisile, naswona swi katekile hilaha ku nga riki na makumu.”+

Tinhlamuselo ta le hansi