Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 16:1-43

16  Kutani va nghenisa+ areka ya Xikwembu xa ntiyiso va yi veka endzeni ka ntsonga lowu Davhida a a wu dzimele yona;+ va sungula ku nyikela magandzelo yo hisiwa ni switlhavelo swa xinakulobye emahlweni ka Xikwembu xa ntiyiso.+  Loko Davhida a hetile ku nyikela gandzelo ro hisiwa+ ni switlhavelo swa xinakulobye,+ a katekisa+ vanhu hi vito ra Yehovha.+  Ku tlula kwalaho, u avele+ Vaisrayele hinkwavo, vavanuna ni vavasati, un’wana ni un’wana xinkwa xa xirhendzevutana ni ximbundzwa xa mihandzu ya micindzu ni ximbundzwa xa mukhusu wa madiriva.  Hiloko a veka Valevhi+ van’wana emahlweni ka areka ya Yehovha leswaku va va vatirheli,+ va tsundzuxa,+ va nkhensa+ ni ku dzunisa+ Yehovha Xikwembu xa Israyele,  Asafa+ a ri murhangeri, a landzeriwa hi Zakariya, Yeyiyele, Xemiramoto, Yehiyele, Matitiya, Eliyabu, Benaya, Obede-edomu na Yeyiyele+ va ri ni swichayachayana swa timbila ta tingoti ni tiharipa,+ Asafa+ a ri ni swiphambati leswi twalaka ngopfu,+  na Benaya na Yahaziyele lava va vaprista, nkarhi hinkwawo va ri ni timhalamhala+ emahlweni ka areka ya ntwanano wa Xikwembu xa ntiyiso.  A ku ri ro sungula esikwini rero Davhida a humesa munyikelo+ wo nkhensa+ Yehovha a tirhisa Asafa+ ni vamakwavo:   “Nkhensani Yehovha;+ vitanani vito rakwe,+Tivisani vanhu swiendlo swa yena!+   N’wi yimbeleleleni,+ n’wi yimbeleleleni miloti,+Ehleketisisani hi swiendlo swakwe hinkwaswo swo hlamarisa.+ 10  Tibumeni hi vito+ rakwe ro kwetsima,+Timbilu ta lava va lavaka Yehovha a ti tsake.+ 11  Lavisisani Yehovha ni ntamu wakwe,+Lavani xikandza xakwe nkarhi hinkwawo.+ 12  Tsundzukani swiendlo swakwe swo hlamarisa leswi a swi endleke,+Masingita yakwe ni swiboho swa vuavanyisi swa nomu wakwe,+ 13  N’wina vana va Israyele nandza wakwe,+N’wina vana va Yakobe, vahlawuriwa vakwe.+ 14  I Yehovha Xikwembu xa hina;+ swiboho swakwe swa vuavanyisi swi le misaveni hinkwayo.+ 15  Tsundzukani ntwanano wakwe hilaha ku nga riki na makumu,+Rito leri a ri leriseke, eka switukulwana swa gidi,+ 16  Ntwanano lowu a wu endleke na Abrahama,+Ni rito rakwe ro hlambanya eka Isaka.+ 17  Ni rito leri a ri vekeke ri va xileriso eka Yakobe,+Ri va ntwanano lowu tshamaka hilaha ku nga heriki ni le ka Israyele,+ 18  A ku, ‘Ndzi ta mi nyika tiko ra Kanana,+Ri va xiavelo xa ndzhaka ya n’wina.’+ 19  Mi kume xitshembiso lexi loko ma ha ri nhlayo leyitsongo,+Ina, loko ma ha ri vatsongo swinene, naswona mi ri valuveri eka rona.+ 20  A va tshamela ku famba va suka etikweni rin’wana ku ya etikweni rin’wana,+Ku suka emfun’weni wun’wana ku ya eka vanhu van’wana.+ 21  A nga pfumelelanga munhu leswaku a va dyelela,+Kambe u tshinye tihosi hikwalaho ka vona,+ 22  A ku, ‘N’wina mi nga tshuki mi khumba vatotiwa va mina,Naswona mi nga endli nchumu xo biha eka vaprofeta va mina.’+ 23  Yimbelelelani Yehovha, n’wina hinkwenu va misava!+Siku ni siku tivisani ku ponisa loku a ku nyikaka!+ 24  Rungulani ku vangama ka yena exikarhi ka matiko,Swiendlo swakwe swo hlamarisa exikarhi ka vanhu hinkwavo. 25  Hikuva Yehovha i nkulu naswona u fanele a dzunisiwa swinene,+U fanele a chaviwa ku tlula swikwembu leswin’wana hinkwaswo.+ 26  Hikuva hinkwaswo swikwembu swa vanhu i swikwembu leswi nga pfuniki nchumu.+Loko ku ri Yehovha, u endle matilo.+ 27  Xindzhuti ni ku vangama swi le mahlweni ka yena,+Ntamu ni ntsako swi le ndhawini yakwe.+ 28  N’wina mindyangu ya vanhu, nyikani Yehovha,Nyikani Yehovha ku vangama ni ntamu.+ 29  Nyikani Yehovha ku vangama ka vito rakwe,+Tamelani nyiko mi ta emahlweni ka yena.+Nkhinsamani eka Yehovha hi ku tisasekisa ko kwetsima.+ 30  Vanani ni switlhavi leswikulu hikwalaho ka yena, n’wina hinkwenu vanhu va misava!Tiko leri noneke ri simekiwe ri tiya:A ri nge pfuki ri tsekatsekisiwile.+ 31  Matilo a ma tsake, ni misava a yi khane,+A swi vule exikarhi ka matiko, ‘Yehovha i ho-si!’+ 32  Lwandle a ri pfume ni leswi swi teleke eka rona,+Nhova a yi khane ni hinkwaswo leswi swi nga eka yona.+ 33  Hi nkarhi lowu fanaka mirhi hinkwayo ya khwati a yi huwelele hi ku tsaka hikwalaho ka Yehovha,+Hikuva u tele ku ta avanyisa misava.+ 34  Nkhensani Yehovha, hikuva hi lonene,+Hikuva musa wakwe wa rirhandzu i wa hilaha ku nga riki na makumu.+ 35  Mi ku, ‘Hi ponise, Wena Xikwembu xa ku ponisiwa ka hina,+U hi hlengeleta hi huma eka va matiko+Leswaku hi nkhensa vito ra wena ro kwetsima,+ hi ku dzunisa+ hi ku tsaka. 36  A a dzunisiwe Yehovha Xikwembu xa Israyele ku suka enkarhini lowu nga riki na makumu ku ya enkarhini lowu nga riki na makumu.’”+ Vanhu hinkwavo va ku, “Amen,” va dzunisa Yehovha.+ 37  Hiloko a siya Asafa+ ni vamakwavo emahlweni ka areka ya ntwanano wa Yehovha leswaku va tirhela+ emahlweni ka Areka nkarhi hinkwawo, hi ku landza xilaveko xa siku ni siku;+ 38  na Obede-edomu ni vamakwavo, va ri 68, Obede-edomu n’wana wa Yedutani na Hosa va ri varindzi va tinyangwa; 39  na Sadoki+ lowa muprista ni vamakwavo lava va vaprista emahlweni ka tabernakela ya Yehovha endhawini leyi tlakukeke leyi a yi ri eGibiyoni,+ 40  leswaku va nyikela magandzelo yo hisiwa eka Yehovha ealitarini ya gandzelo ro hisiwa nkarhi hinkwawo nimixo ni nimadyambu ni hinkwaswo leswi tsariweke enawini wa Yehovha lowu a wu leriseke Israyele;+ 41  va ri na Hemani+ na Yedutani ni van’wana hinkwavo lava va boxiweke+ hi mavito leswaku va nkhensa Yehovha,+ hikuva “musa wakwe wa rirhandzu i wa hilaha ku nga riki na makumu”;+ 42  va ri na Hemani+ na Yedutani,+ leswaku va pfumisa timhalamhala+ ni swiphambati ni swichayachayana swa risimu ra Xikwembu xa ntiyiso; ni vana+ va Yedutani enyangweni. 43  Vanhu hinkwavo va famba, un’wana ni un’wana a ya endlwini+ yakwe. Hiloko Davhida a rhendzeleka a katekisa yindlu yakwe.

Tinhlamuselo ta le hansi