Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 14:1-17

14  Hiramu+ hosi ya Tiri+ a rhuma varhumiwa eka Davhida ni mintsandza ya mikedari+ ni vaaki va makhumbi ni lava va tirhaka hi ntsandza leswaku va n’wi akela yindlu.+  Davhida a lemuka leswaku Yehovha u n’wi veke a tiya+ leswaku a va hosi ya Israyele, hikuva vuhosi byakwe a byi tlakusiwe ngopfu hikwalaho ka vanhu vakwe, ku nga Israyele.+  Davhida a ya emahlweni a teka vasati+ lava engetelekeke eYerusalema, Davhida a va tata wa vana lava engetelekeke va majaha ni va vanhwanyana.+  Lawa i mavito ya vana lava va veke vakwe eYerusalema: Xamuwa+ na Xobabu,+ Natani+ na Solomoni,+  Ibehari,+ Elixuwa, Elipalete,+  na Noga na Nefege+ na Yafiya,  na Elixama,+ Beliyada na Elifalete.+  Kutani Vafilisita va twa leswaku Davhida u totiwile leswaku a va hosi ya tiko hinkwaro ra Israyele.+ Hiloko Vafilisita hinkwavo va tlhandluka va ta lava Davhida.+ Loko Davhida a swi twile, a huma ku ya lwa na vona.  Loko ku ri Vafilisita, va fike va hlasela hi xitshuketa erivaleni ra le hansi ra Refayimi.+ 10  Davhida a vutisa Xikwembu,+ a ku: “Xana ndzi tlhandluka ndzi lwa ni Vafilisita, xana wena u ta va nyiketa evokweni ra mina?” Hiloko Yehovha a ku eka yena: “Tlhandluka, hakunene ndzi ta va nyiketa evokweni ra wena.” 11  Kutani Davhida a tlhandlukela eka Bali-perazimi,+ kwalaho a va dlaya. Hiloko Davhida a ku: “Xikwembu xa ntiyiso xi fohlile exikarhi ka valala va mina, ku fana ni vangwa leri endliweke hi mati.” Hi yona mhaka leyi va thyeke ndhawu+ yoleyo vito ra Bali-perazimi. 12  Hiloko va siya swikwembu swa vona kwalaho.+ Kutani Davhida a humesa rito, hiloko swi hisiwa hi ndzilo.+ 13  Endzhaku Vafilisita va engeta va hlasela hi xitshuketa erivaleni ra le hansi.+ 14  Hiloko Davhida a vutisa+ Xikwembu nakambe, kutani Xikwembu xa ntiyiso xi ku eka yena: “U nga tshuki u tlhandluka u va sala endzhaku. Rhendzeleka u ya emahlweni ka vona hi ku kongoma, u ta humelela eka vona emahlweni ka swihlahla swa bakha.+ 15  Kutaku loko u twa mpfumawulo wa swigingi ehenhla ka swihlahla swa bakha,+ u fanele u huma u lwa,+ hikuva Xikwembu xa ntiyiso xi ta va xi humile emahlweni ka wena+ ku dlaya lava nga enxaxeni wa Vafilisita.” 16  Kutani Davhida a endla hilaha Xikwembu xa ntiyiso xi n’wi leriseke hakona,+ hiloko va dlaya lava a va ri enxaxeni wa Vafilisita ku sukela eGibiyoni+ ku ya fika eGezere.+ 17  Ndhuma+ ya Davhida yi sungula ku ya ematikweni hinkwawo, Yehovha a endla leswaku matiko hinkwawo ma n’wi chava.+

Tinhlamuselo ta le hansi