Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 13:1-14

13  Davhida a kanela ni tindhuna ta vanhu va magidi ni va madzana ni murhangeri un’wana ni un’wana;+  Davhida a byela nhlengeletano hinkwayo ya Israyele a ku: “Loko swi vonaka swi ri swinene eka n’wina naswona swi amukeleka eka Yehovha Xikwembu xa hina, a hi rhumeleni rito eka vamakwerhu lava va siyiweke ematikweni hinkwawo ya Israyele+ ni le ka vaprista+ ni Valevhi+ emitini+ ya vona leyi nga ni madyelo, leswaku va hlengeletana va ta eka hina.  A hi tiseni areka+ ya Xikwembu xa hina eka hina.” Hikuva a va yi khathalelanga emasikwini ya Sawulo.+  Kutani nhlengeletano hinkwayo yi twanana leswaku yi ta endlisa xisweswo, hikuva mhaka leyi a yi vonaka yi lulamile ematihlweni ya vanhu hinkwavo.+  Hiloko Davhida a hlengeleta+ tiko hinkwaro ra Israyele ku suka enambyeni wa Egipta+ ku ya fika evunghenweni bya Hamati,+ leswaku va tisa areka+ ya Xikwembu xa ntiyiso ku suka eKiriyati-yeyarimi.+  Kutani Davhida ni tiko hinkwaro ra Israyele va tlhandlukela eBala+ le Kiriyati-yeyarimi, lowu nga wa Yuda, leswaku va humesa areka ya Xikwembu xa ntiyiso, Yehovha, loyi a tshameke ehenhla ka makerubu,+ laha vito rakwe ri vitaniwaka kona.  Hambiswiritano, va khandziyise areka ya Xikwembu xa ntiyiso ehenhla ka golonyi+ leyintshwa ku suka endlwini ya Abinadaba, Uzza na Ahiyo+ va rhangele golonyi leyi.  Davhida ni tiko hinkwaro ra Israyele a va tlangela+ emahlweni ka Xikwembu xa ntiyiso hi matimba hinkwawo, hi tinsimu,+ tiharipa,+ swichayachayana swa switende,+ swingomana,+ swiphambati ni timhalamhala.+  Hakatsongo-tsongo va fika exivuyeni xa Kidoni,+ kutani Uzza a tshambuluta voko leswaku a khoma Areka,+ hikuva a ku sele katsongo tinkunzi ti yi wisa. 10  Hiloko ku hlundzuka ka Yehovha ku pfurhela Uzza, lerova a n’wi dlaya hikuva u tshambulutele voko rakwe ehenhla ka Areka,+ a fela kwalaho emahlweni ka Xikwembu.+ 11  Davhida a hlundzuka+ hikwalaho ka leswi Yehovha a a be Uzza hi ku avanyisa loku; kutani ndhawu yoleyo yi thyiwe Perezi-uza ku ta fikela esikwini leri. 12  Davhida a chava Xikwembu xa ntiyiso esikwini rero,+ a ku: “Xana ndzi nga yi tisisa ku yini areka ya Xikwembu xa ntiyiso eka mina?”+ 13  Davhida a nga yi susanga Areka yi ya eka yena eMutini wa Davhida, kambe u yi hambukisele endlwini ya Obede-edomu+ wa le Gati.+ 14  Areka ya Xikwembu xa ntiyiso yi tshama ni vandyangu wa Obede-edomu, endlwini+ yakwe tin’hweti tinharhu; Yehovha a ya emahlweni a katekisa+ vandyangu wa Obede-edomu ni hinkwaswo leswi a swi ri swa yena.

Tinhlamuselo ta le hansi