Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tikronika 10:1-14

10  Loko ku ri Vafilisita,+ va lwe na Israyele; vavanuna va Israyele va balekile emahlweni ka Vafilisita, va hambeta va wa va dlayiwile eNtshaveni ya Gilbowa.+  Vafilisita va tshinela ekusuhi ngopfu na Sawulo ni vana vakwe; Vafilisita va dlaya Yonathani,+ Abinadaba+ na Maliki-xuwa,+ vana va Sawulo.+  Ku lwa ku tikela Sawulo; eku heteleleni vacopi ni vavanuna va vurha va n’wi kuma, kutani vacopi va n’wi vavisa ngopfu.+  Hiloko Sawulo a byela murhwali wa swihlomo swakwe swa nyimpi a ku:+ “Hlomula banga+ ra wena u ndzi tlhava hi rona, leswaku vavanuna lava va nga yimbangiki+ va nga fiki kunene va ndzi khoma hi tihanyi.”+ Murhwali wa swihlomo swakwe swa nyimpi a a nga swi lavi,+ hikuva a a chava ngopfu. Kutani Sawulo a teka banga a tiwisela ehenhla ka rona.+  Loko murhwali wa swihlomo swakwe swa nyimpi a vona leswaku Sawulo u file, hiloko na yena a tiwisela ehenhla ka banga, a fa.+  Hikwalaho Sawulo ni vana vakwe vanharhu va fa,+ ni va yindlu yakwe hinkwavo va fa.  Loko vavanuna hinkwavo va Israyele lava a va ri exifundzheni xa rivala ra le hansi va vona leswaku Sawulo ni vana vakwe va file, hiloko va sungula ku siya miti ya vona va baleka;+ endzhaku ka sweswo Vafilisita va fika va tshama eka yona.  Esikwini leri tlhandlamaka, loko Vafilisita va fika ku ta hluvula+ lava va dlayiweke, va kume Sawulo ni vana vakwe va wile eNtshaveni ya Gilbowa.+  Va n’wi hluvula, va tsema nhloko yakwe,+ va n’wi hluvula swihlomo swakwe swa nyimpi naswona va rhumela rito etikweni ra Vafilisita hinkwaro leswaku ku tivisiwa+ swifaniso swa vona swa hava,+ ni vanhu. 10  Eku heteleleni va veka swihlomo swakwe swa nyimpi endlwini ya xikwembu xa vona,+ va bohelela ripala rakwe endlwini ya Dagoni.+ 11  Hinkwavo va le Yabexe+ le Giliyadi va twa hinkwaswo leswi Vafilisita va swi endleke eka Sawulo.+ 12  Hiloko vavanuna hinkwavo va vurhena va suka va yima kutani va rhwala ntsumbu wa Sawulo ni mintsumbu ya vana vakwe va yi tisa eYabexe, va lahla marhambu ya vona ehansi ka murhi+ lowukulu eYabexe;+ va titsona swakudya+ ku ringana masiku ya nkombo. 13  Kutani Sawulo a fa hikwalaho ka ku nga tshembeki+ kakwe hi leswi a a pfumala ripfumelo eka Yehovha malunghana ni rito ra Yehovha leri a nga ri hlayisangiki ni hi ku vutisa mungoma.+ 14  A nga n’wi vutisanga Yehovha.+ Hikwalaho u n’wi dlayile a yisa vuhosi eka Davhida n’wana wa Yese.+

Tinhlamuselo ta le hansi