Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 8:1-66

8  Hi nkarhi wolowo Solomoni+ a hlengeleta+ vakulukumba+ va Israyele, varhangeri hinkwavo va tinyimba,+ tindhuna ta vatatana,+ va vana va Israyele, eka Hosi Solomoni eYerusalema, leswaku ku humesiwa areka ya ntwanano+ wa Yehovha emutini wa Davhida,+ hileswaku, eSiyoni.+  Hiloko vavanuna hinkwavo va Israyele va hlengeletana eka Hosi Solomoni hi n’hweti ya ku rhendzeleka ka n’weti ya Etanimi enkhubyeni,+ hileswaku en’hwetini ya vunkombo.+  Kutani vakulukumba hinkwavo va Israyele va fika, vaprista va rhwala+ Areka.+  Hiloko va humesa areka ya Yehovha ni ntsonga+ wa nhlangano+ ni swingolongondzwana hinkwaswo swo kwetsima leswi a swi ri entsongeni; vaprista ni Valevhi+ va swi humesa.+  Kutani Hosi Solomoni, yena a ri ni nhlengeletano hinkwayo ya Israyele, lava va hlanganaka na yena hilaha va twaneke hakona, a va ri emahlweni ka Areka, va endla switlhavelo+ hi tinyimpfu ni tihomu leswi a swi nga hlayeki hi ku tala.+  Hiloko vaprista va nghenisa areka+ ya ntwanano wa Yehovha endhawini ya yona,+ ekamareni ra le ndzeni-ndzeni ra yindlu, eNdhawini yo Kwetsima Ngopfu, ehansi ka timpapa ta makerubu.+  Hikuva makerubu a ma phurumule timpapa ta wona ehenhla ka ndhawu ya Areka lerova makerubu ma ungamela Areka ni tinsika ta yona.+  Kambe tinsika+ a ti lehile lerova makumu ya tinsika a ma vonaka loko u ri eNdhawini yo Kwetsima, emahlweni ka kamara ra le ndzeni-ndzeni, kambe a ma nga vonaki loko u ri ehandle. Ta ha ri kwalaho ku fikela esikwini leri.+  A ku nga ri na nchumu endzeni ka Areka loko ku nga ri swiphepherhele swimbirhi swa maribye,+ leswi Muxe a swi vekeke+ kwalaho eHorebe, loko Yehovha a endla ntwanano+ ni vana va Israyele loko va huma etikweni ra Egipta.+ 10  Loko vaprista va huma endhawini yo kwetsima, papa+ a ri tate yindlu ya Yehovha. 11  Vaprista+ a va nga swi koti ku yima va tirhela+ hikwalaho ka papa leri, hikuva ku vangama+ ka Yehovha a ku tate yindlu ya Yehovha.+ 12  Hi nkarhi wolowo Solomoni a ku: “Yehovha hi yexe u vule leswaku u ta tshama eku dzwihaleni lokukulu.+ 13  Ndzi humelerile ku ku akela yindlu yo tshama eka yona leyi tlakukeke,+ ndhawu+ leyi u nga ta tshama eka yona hilaha ku nga riki na makumu.”+ 14  Hiloko hosi yi hundzuluxa xikandza xa yona yi sungula ku katekisa+ nhlengeletano hinkwayo ya Israyele, nhlengeletano hinkwayo ya Israyele yi yimile. 15  Yi ya emahlweni yi ku: “A ku dzunisiwe Yehovha+ Xikwembu xa Israyele, loyi a vulavuleke hi nomu wakwe na Davhida+ tatana kutani a swi hetisisa+ hi voko rakwe, a ku, 16  ‘Ku sukela esikwini leri ndzi humeseke vanhu va mina ha rona, ku nga Israyele, va huma aEgipta, a ndzi hlawulanga+ muti etinyimbeni ta Israyele leswaku vito+ ra mina ndzi ri akela+ ri tshama eka wona; kambe ndzi ta hlawula Davhida leswaku a lawula vanhu va mina, ku nga Israyele.’+ 17  Kutani swi va embilwini ya Davhida tatana leswaku a ri akela yindlu vito ra Yehovha Xikwembu xa Israyele.+ 18  Kambe Yehovha u byele Davhida tatana, a ku, ‘Hikwalaho ka leswi a swi ri embilwini ya wena leswaku u ri akela yindlu vito ra mina, u endle kahle, hikuva a swi ri embilwini ya wena.+ 19  Ntsena wena a wu nge yi aki yindlu leyi, kambe n’wana wa wena loyi a humaka emasengeni ya wena hi yena la nga ta ri akela yindlu vito ra mina.’+ 20  Yehovha a hetisisa rito+ rakwe leri a ri vuleke, leswaku ndzi yima ematshan’weni ya Davhida tatana, ndzi tshama exiluvelweni xa Israyele+ hilaha Yehovha a vuleke hakona, nileswaku ndzi aka yindlu ya vito ra Yehovha Xikwembu xa Israyele,+ 21  leswaku Areka ndzi yi hlawulela ndhawu kwalaho, laha ntwanano+ wa Yehovha wu nga kona, lowu a wu endleke ni vatata wa hina loko a va humesa etikweni ra Egipta.” 22  Hiloko Solomoni a yima emahlweni ka alitari+ ya Yehovha, emahlweni ka nhlengeletano hinkwayo ya Israyele, kutani a tshambulutela swandla ematilweni;+ 23  a ya emahlweni a ku: “Oho Yehovha Xikwembu xa Israyele,+ a ku na Xikwembu lexi fanaka na wena+ ematilweni ehenhla kumbe emisaveni ehansi, u hlayisa ntwanano ni musa wa rirhandzu+ eka malandza+ ya wena lawa ma fambaka emahlweni ka wena hi mbilu ya wona hinkwayo,+ 24  wena la endleleke nandza wa wena Davhida tatana leswi u n’wi tshembiseke swona lerova u endle xitshembiso hi nomu wa wena, naswona u xi hetisisile hi voko ra wena, ku fana ni le sikwini leri.+ 25  Sweswi, Wena Yehovha Xikwembu xa Israyele, endlela nandza wa wena Davhida tatana leswi u n’wi tshembiseke swona, u ku, ‘A ku na munhu wa wena la nga ta susiwa emahlweni ka mina leswaku a nga tshami exiluvelweni xa Israyele,+ loko ntsena vana va wena vo khathalela ndlela ya vona hi ku famba emahlweni ka mina hilaha wena u fambeke hakona emahlweni ka mina.’ 26  Sweswi, Wena Xikwembu xa Israyele, ndzi kombela leswaku xitshembiso+ xa wena lexi u xi tshembiseke nandza wa wena Davhida tatana, a xi ve lexi tshembekeke. 27  “Kambe, xana entiyisweni Xikwembu xi ta tshama emisaveni?+ Waswivo! Matilo,+ ina, tilo ra matilo,+ wona hi woxe a ma nge ku ringani;+ kutani yindlu+ leyi ndzi yi akeke i yitsongo ngopfu! 28  U fanele u hundzulukela exikhongelweni+ xa nandza wa wena ni le xikombelweni xakwe xo kombela tintswalo,+ Wena Yehovha Xikwembu xanga, leswaku u yingisa rito ra xikombelo ni xikhongelo, leswi nandza wa wena a swi khongelaka emahlweni ka wena namuntlha;+ 29  leswaku mahlo ya wena ma pfulekela+ yindlu leyi vusiku ni nhlikanhi, endhawini leyi u vuleke ha yona u ku, ‘Vito ra mina ri ta tshama kwalaho,’+ leswaku u yingisa xikhongelo lexi nandza wa wena a xi khongelaka endhawini leyi.+ 30  U ta yingisa xikombelo xa ku kombela tintswalo+ xa nandza wa wena ni vanhu va wena, ku nga Israyele, lexi va xi khongelaka endhawini leyi; onge wena u nga xi twa u ri endhawini ya wena leyi u tshamaka eka yona, u fanele u yingisa u ri ematilweni,+ u ta xi twa u tlhela u rivalela.+ 31  “Loko munhu a dyohela munhu-kulobye,+ entiyisweni a n’wi rhukana leswaku a weriwa hi ndzhukano,+ kunene a rhukaniwa emahlweni ka alitari ya wena endlwini leyi, 32  onge wena u nga swi twa u ri ematilweni, u teka goza, u avanyisa malandza ya wena hi ku vula leswaku lowo homboloka u hombolokile, hi ku veka tindlela takwe enhlokweni yakwe,+ ni hi ku vula leswaku la lulameke u lulamile,+ hi ku n’wi nyika hi ku landza ku lulama ka yena.+ 33  “Loko vanhu va wena, ku nga Israyele va hluriwa emahlweni ka nala,+ hikwalaho ka leswi va tshameleke ku ku dyohela,+ kunene vona va vuyela eka wena+ kutani va dzunisa vito+ ra wena, va khongela+ naswona va kombela tintswa-lo eka wena endlwini leyi,+ 34  onge wena u nga swi twa u ri ematilweni, u fanele u rivalela xidyoho xa vanhu va wena, ku nga Israyele,+ u fanele u va vuyisela+ emisaveni leyi u yi nyikeke vatata wa vona.+ 35  “Loko tilo ri pfariwile lerova ku nga ni mpfula,+ hikwalaho ka leswi va tshameleke ku ku dyohela,+ kunene va khongela eka wena endhawini leyi,+ va dzunisa vito ra wena, kutani va tlhela exidyohweni xa vona, hikwalaho ka ku va u va xanisile,+ 36  onge wena u nga swi twa u ri ematilweni, u fanele u rivalela xidyoho xa malandza ya wena, ni xa vanhu va wena, ku nga Israyele, hikuva u va dyondzisa+ ndlela leyinene leyi va faneleke va famba ha yona;+ u fanele u va nyika mpfula+ etikweni ra wena leri u ri nyikeke vanhu va wena ri va ndzhaka leyi va yi fuweke. 37  “Loko ko tshuka ku va ni ndlala+ etikweni, loko ko tshuka ku va ni ntungu,+ loko ko tshuka ku va ni dyandza ni mfurho,+ ku va ni tinjiya,+ ku va ni mahele;+ loko nala wa vona o tshuka a va rhendzela etikweni ra tinyangwa ta vona—khombo ra muxaka wihi ni wihi, vuvabyi bya muxaka wihi ni wihi— 38  xikhongelo xin’wana ni xin’wana,+ xikombelo xin’wana ni xin’wana xa ku kombela tintswalo+ lexi xi nga endliwaka hi munhu wihi ni wihi kumbe hi vanhu va wena hinkwavo, ku nga Israyele,+ hikuva un’wana ni un’wana u tiva khombo ra mbilu yakwe,+ kunene va tlakusela swandla swa vona endlwini leyi,+ 39  onge wena u nga swi twa u ri ematilweni,+ ndhawu ya wena yo tshama eka yona,+ u ta rivalela+ u tlhela u teka goza,+ u nyika un’wana ni un’wana hi ku ya hi tindlela takwe hinkwato,+ hikuva u tiva mbilu+ yakwe (hikuva wena u ri wexe u yi tiva kahle mbilu ya vana va vanhu);+ 40  ku endlela leswaku va ku chava+ masiku hinkwawo loko va ha hanya evuandlalweni bya misava leyi u yi nyikeke vatata wa hina.+ 41  “Ni le ka munhu wumbe+ la nga riki xiphemu xa vanhu va wena, ku nga Israyele, loyi kunene a humaka etikweni ra le kule hikwalaho ka vito+ ra wena 42  (hikuva va ta twa hi vito+ ra wena lerikulu ni hi voko+ ra wena ra matimba ni hi voko ra wena leri tshambulutiweke), kunene a fika a ta khongela endlwini leyi,+ 43  onge wena u nga swi yingisa u ri ematilweni, ndhawu ya wena yo tshama eka yona,+ u fanele u endla hi ku landza hinkwaswo leswi munhu wumbe a swi kombelaka eka wena;+ ku endlela leswaku vanhu hinkwavo va misava va tiva vito+ ra wena leswaku va ku chava hilaha vanhu va wena, ku nga Israyele, va endlaka hakona, nileswaku va tiva leswaku vito ra wena ri vitaniwe endlwini leyi ndzi yi akeke.+ 44  “Loko vanhu va wena vo tshuka va ya enyimpini+ va ya lwa ni nala wa vona hi ndlela leyi u va rhumaka ha yona,+ kunene va khongela+ Yehovha va langute tlhelo ra muti lowu u wu hlawuleke+ ni yindlu leyi ndzi yi akeleke vito ra wena,+ 45  u fanele u twa ni xikhongelo xa vona u ri ematilweni ni ku kombela ka vona tintswalo, u ta va avanyisela.+ 46  “Loko vo tshuka va ku dyohela+ (hikuva a ku na munhu la nga dyohiki),+ kutani u va hlundzukela, u va nyiketa eka nala, kunene lava va va khomaka va va teka va va endla makhumbi etikweni ra nala, leri nga ekule kumbe leri nga ekusuhi;+ 47  kunene vona va tianakanya kahle va ri etikweni leri va tekiweke va endliwa makhumbi eka rona,+ kutani va vuya+ va kombela+ tintswalo eka wena va ri etikweni ra lava va va endleke makhumbi,+ va ku, ‘Hi dyohile+ naswona hi endle xihoxo,+ hi endle hilaha ku hombolokeke’;+ 48  kunene va tlhelela eka wena hi mbilu+ ya vona hinkwayo ni hi moya-xiviri wa vona hinkwawo va ri etikweni ra valala va vona, lava va va tekeke va va endla makhumbi, kunene va khongela eka wena va langute tlhelo ra tiko ra vona leri u ri nyikeke vatata wa vona, muti lowu u wu hlawuleke ni yindlu leyi ndzi yi akeleke vito ra wena;+ 49  u fanele u yingisa xikhongelo xa vona ni ku kombela ka vona tintswalo u ri ematilweni, ndhawu ya wena yo tshama eka yona,+ u ta va avanyisela,+ 50  naswona u ta rivalela+ vanhu va wena lava va ku dyoheleke+ ni ku tlula nawu+ ka vona hinkwako loku va tluleke nawu wa wena ha kona;+ u ta va endla va va xilo xo tweriwa vusiwana+ emahlweni ka lava va va khomeke, vona va fanele va va twela vusiwana 51  (hikuva i vanhu va wena ni ndzhaka ya wena,+ leyi u yi humeseke aEgipta,+ va huma endzeni ka khele ra ndzilo ra nsimbi),+ 52  leswaku mahlo ya wena ma tikomba ma pfulekele ku kombela tintswalo ka nandza wa wena, ni ku kombela tintswalo+ ka vanhu va wena, ku nga Israyele, hi ku va yingisa eka hinkwaswo leswi va swi kombelaka eka wena.+ 53  Hikuva wena u va hambanisile evanhwini hinkwavo va misava leswaku va va ndzhaka ya wena,+ hilaha u vuleke hakona hi Muxe+ nandza wa wena loko u humesa vatata wa hina aEgipta, Wena Yehovha, Hosi leyi Lawulaka.” 54  Kuteloko Solomoni a hete ku khongela eka Yehovha hi xikhongelo lexi hinkwaxo ni ku kombela tintswalo, a suka a yima emahlweni ka alitari ya Yehovha, eku nkhinsameni hi matsolo,+ swandla swakwe swi tlakuseriwe ematilweni;+ 55  a yima+ a katekisa+ nhlengeletano hinkwayo ya Israyele hi rito lerikulu, a ku: 56  “A ku dzunisiwe Yehovha+ la nyikeke vanhu vakwe, ku nga Israyele, ndhawu yo wisela eka yona hi ku landza hinkwaswo leswi a swi tshembiseke.+ A ku tsandzekanga ni rito+ ni rin’we eka switshembiso swakwe leswinene leswi a swi tshembiseke hi Muxe nandza wakwe.+ 57  Onge Yehovha Xikwembu xa hina+ a nga va na hina hilaha a veke ni vatata wa hina hakona.+ Onge a nga ka a nga hi siyi kumbe a hi fularhela,+ 58  ku endlela leswaku hi voyamisela mbilu+ ya hina eka yena leswaku hi famba etindleleni+ takwe hinkwato nileswaku hi hlayisa milawu+ yakwe ni swileriso+ swakwe ni swiboho swakwe swa vuavanyisi,+ leswi a swi nyikeke swi ri swileriso eka vatata wa hina. 59  Onge marito lawa ya mina, lawa ndzi kombeleke tintswalo ha wona emahlweni ka Yehovha ma nga va ekusuhi+ na Yehovha Xikwembu xa hina nhlikanhi ni vusiku, leswaku a humesa vuavanyisi bya nandza wakwe ni vuavanyisi bya vanhu vakwe, ku nga Israyele, hilaha swi nga ta laveka hakona siku+ ni siku; 60  ku endlela leswaku vanhu hinkwavo va misava va tiva+ leswaku Yehovha i Xikwembu xa ntiyiso.+ A ku na un’wana.+ 61  Kutani mbilu ya n’wina yi fanele yi va leyi hetisekeke+ eka Yehovha Xikwembu xa hina hi ku famba eswilerisweni swakwe ni hi ku hlayisa milawu yakwe ku fana ni le sikwini leri.” 62  Hosi ni tiko hinkwaro ra Israyele a va humesa xitlhavelo lexikulu emahlweni ka Yehovha.+ 63  Kutani Solomoni a humesa switlhavelo swa xinakulobye+ leswi a a fanele a swi humesela Yehovha, tihomu ta 22 000 ni tinyimpfu ta 120 000,+ leswaku hosi ni vana hinkwavo va Israyele va ta khangula+ yindlu ya Yehovha. 64  Esikwini rero hosi a yi fanele yi hlawulekisa ndhawu leyi nga exikarhi ka xivava lexi nga emahlweni ka yindlu ya Yehovha,+ hikuva a yi fanele yi swi endlela kwalaho switlhavelo swo hisiwa ni gandzelo ra mavele ni mafurha ya switlhavelo swa xinakulobye; hikuva alitari ya koporo+ leyi nga emahlweni ka Yehovha a yi ri yitsongo leswaku yi nga tamela xitlhavelo xo hisiwa ni gandzelo ra mavele ni mafurha+ ya switlhavelo swa xinakulobye. 65  Kutani Solomoni a ya emahlweni a endla nkhuvo+ hi nkarhi wolowo, tiko hinkwaro ra Israyele a ri ri na yena, a ku ri nhlengeletano+ leyikulu ku suka laha ku ngheniwaka ha kona eHamati+ ku ya enkoveni wa Egipta,+ emahlweni ka Yehovha Xikwembu xa hina, ku ringana masiku ya nkombo ni masiku man’wana ya nkombo,+ masiku ya 14. 66  Hi siku ra vunhungu a tshika vanhu va famba;+ va sungula ku katekisa hosi kutani va muka, va tsakile+ naswona mbilu+ ya vona yi tsakile hikwalaho ka vunene+ hinkwabyo lebyi Yehovha a byi endleleke Davhida nandza wakwe ni vanhu va yena, ku nga Israyele.

Tinhlamuselo ta le hansi