Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 6:1-38

6  Hi lembe ra vu-480, endzhaku ka loko vana va Israyele va hume etikweni ra Egipta,+ hi lembe ra vumune,+ hi n’hweti ya Zivhi,+ ku nga n’hweti ya vumbirhi,+ endzhaku ka loko Solomoni a ve hosi ya Israyele, a akela Yehovha yindlu.+  Yindlu leyi Hosi Solomoni a yi akeleke+ Yehovha a yi lehe swisungunu swa 60,+ ku anama ka yona a ku ri swisungunu swa 20 kasi ku tlakuka ka yona a ku ri swisungunu swa 30.+  Kutani rikupakupa+ leri nga emahlweni ka tempele ya yindlu leyi, a ri lehe swisungunu swa 20 emahlweni ka ku anama ka yindlu leyi. A ri hume swisungunu swa khume emahlweni ka yindlu leyi.  Hiloko a endlela yindlu leyi mafasitere ya marimba yo lala.+  Nakambe, a aka muako wa le tlhelo ku lavana ni khumbi ra yindlu leyi matlhelo hinkwawo, ku lavana ni makhumbi ya yindlu leyi matlhelo hinkwawo, ni kamara ra le ndzeni-ndzeni,+ naswona a endla makamara ya le tlhelo+ ematlhelo hinkwawo.  Kamara ra le tlhelo leri nga ehansi a ri aname swisungunu swa ntlhanu, leri nga exikarhi a ri aname swisungunu swa tsevu kasi ra vunharhu a ri aname swisungunu swa nkombo; hikuva a ku ri ni mimbhovo+ leyi a a yi endle endlwini leyi matlhelo hinkwawo ehandle, leswaku ri nga khomanisiwi ni makhumbi ya yindlu leyi.+  Loko yindlu leyi ya ha akiwa, yi akiwe hi ribye leri kovotliweke,+ leri ana a ri hetiwile; a ku twakalanga tihamula ni swihloka kumbe switirhisiwa swihi ni swihi swa nsimbi endlwini+ leyi loko ya ha akiwa.  Nyangwa+ ya kamara ra le tlhelo leri nga ehansi a yi ri etlhelweni ra xinene ra yindlu leyi, a va tlhandlukela eka leri ri nga exikarhi hi swikhandziyo leswi rhendzelekaka, naswona ku suka eka leri ri nga exikarhi a va tlhandlukela eka ra vunharhu.  Nakambe, a ya emahlweni a aka yindlu leyi leswaku a yi heta,+ yindlu leyi u yi funengete hi timhandzi ni mapulanga ya timhandzi ta mukedari.+ 10  Tlhandlakambirhi, a aka makamara ya le tlhelo+ ma longoloka ni yindlu hinkwayo, ma tlakuke swisungunu swa ntlhanu, naswona a ma khomanisiwe ni yindlu leyi hi timhandzi+ ta mirhi ya mikedari. 11  Hi nkarhi wolowo, rito ra Yehovha ri fike eka Solomoni,+ ri ku:+ 12  “Malunghana ni yindlu leyi u yi akaka, loko wo famba emilawini ya mina,+ u endla swiboho swa mina swa vuavanyisi,+ kunene u hlayisa swileriso swa mina hinkwaswo hi ku famba eka swona,+ kunene na mina ndzi ta hetisisa rito ra mina eka wena, leri ndzi ri byeleke Davhida tata wa wena;+ 13  hakunene ndzi ta tshama exikarhi ka vana va Israyele,+ a ndzi nge va siyi vanhu va mina, ku nga Israyele.”+ 14  Solomoni a ya emahlweni ni ku aka yindlu leswaku a yi heta.+ 15  A aka makhumbi ya yindlu endzeni ka yona hi mapulanga ya mukedari. A yi vekela timhandzi endzeni ku suka ehansi ku ya etimhandzini ta silin’i; a ya emahlweni a andlala mapulanga ya yunipa+ ehansi ka yindlu leyi. 16  Ku tlula kwalaho, a aka swisungunu swa 20 ematlhelo ya le ndzhaku ka yindlu leyi hi mapulanga ya mukedari, ku suka ehansi ku ya etimhandzini ta lwangu, naswona a aka kamara ra le ndzeni-ndzeni,+ ku nga Ndhawu yo Kwetsima+ Ngopfu endzeni ka yona. 17  Yindlu leyi a yi ri swisungunu swa 40, ku nga tempele+ leyi nga emahlweni ka yona.+ 18  Ntsandza wa mukedari lowu nga endzeni ka yindlu leyi a wu ri ni swin’wetsin’wetsi swa xivumbeko xa rhanga leswi kovotliweke+ ni tiharhi to saseka ta swiluva.+ Hinkwaswo ka swona a swi endliwe hi ntsandza wa mukedari; a ku na ribye leri a ri vonaka. 19  U lunghiselele kamara ra le ndzeni-ndzeni+ leri nga endzeni ka yindlu leyi, leswaku a ta veka kona areka+ ya ntwanano+ wa Yehovha. 20  Kutani kamara ra le ndzeni-ndzeni a ri lehe swisungunu swa 20 ri tlhela ri anama swisungunu swa 20;+ u ri nameke nsuku wo tenga+ naswona alitari+ a yi nameka ntsandza wa mukedari. 21  Solomoni a ya emahlweni a nameka+ nsuku+ wo tenga endzeni ka yindlu, naswona a endla leswaku mukhaviso wa tinketana+ wa nsuku wu tsemakanya emahlweni ka kamara ra le ndzeni-ndzeni,+ naswona a ri nameka nsuku. 22  Yindlu hinkwayo u yi nameke nsuku,+ ku fikela loko yindlu hinkwayo yi hetiwile; alitari+ hinkwayo leyi a yi ri ekusuhi ni kamara ra le ndzeni-ndzeni u yi nameke nsuku.+ 23  Nakambe, endzeni ka kamara ra le ndzeni-ndzeni u endle makerubu+ mambirhi hi ntsandza wa murhi wa mafurha, ha rin’we a ri tlakuke swisungunu swa khume.+ 24  Ripapa rin’wana ra kerubu a ri ri swisungunu swa ntlhanu kasi ripapa lerin’wana ra kerubu a ri ri swisungunu swa ntlhanu. Ku suka emakumu ya ripapa rin’wana ra yona ku ya emakumu ya ripapa+ lerin’wana ra yona a ku ri swisungunu swa khume. 25  Kerubu ra vumbirhi a ri ri swisungunu swa khume. Makerubu lawa mambirhi a ma ri ni mpimo lowu fanaka ni xivumbeko lexi fanaka. 26  Ku tlakuka ka kerubu rin’we a ku ri swisungunu swa khume, a swi ri tano ni hi kerubu lerin’wana. 27  Hiloko a veka makerubu endzeni ka yindlu ya le mpfungwe, lerova timpapa ta makerubu+ ti andlaleka. Hikwalaho ripapa ra rin’wana ri fika ekhumbini ni ripapa ra kerubu lerin’wana a ri fika ekhumbini lerin’wana; timpapa ta wona a ti ri exikarhi ka yindlu, ripapa rin’wana ri khumba ripapa lerin’wana.+ 28  Ku tlula kwalaho, makerubu u ma nameke nsuku.+ 29  U kovotle swifaniso swa makerubu+ emakhumbini hinkwawo ya yindlu ematlhelo hinkwawo, ni swifaniso swa murhi wa ncindzu+ ni swiluva,+ endzeni ni le handle; 30  ehansi+ ka yindlu leyi u nameke nsuku, endzeni ni le handle. 31  Vungheno bya kamara ra le ndzeni-ndzeni u byi endle byi va ni timbanti+ ta ntsandza wa murhi wa mafurha:+ tiphuphu ta le matlhelo, marimba ni xiphemu xa vuntlhanu. 32  Tinyangwa leti timbirhi a ti endliwe hi ntsandza wa murhi wa mafurha, naswona eka tona u kovotle swifaniso swa makerubu ni swifaniso swa murhi wa ncindzu ni swiluva, a ti nameka nsuku; a belela nsuku ehenhla ka makerubu ni le henhla ka swifaniso swa murhi wa ncindzu. 33  Hi yona ndlela a yi endleleke ha yona nyangwa ya tempele, marimba ya ntsandza wa murhi wa mafurha ya matlhelo ya mune yo ringana. 34  Tinyangwa leti timbirhi a ti endliwe hi ntsandza wa yunipa.+ Timbanti leti timbirhi ta nyangwa wun’wana a ti ndzuluka eka swihukuva ni timbanti leti timbirhi ta nyangwa lowun’wana a ti ndzuluka eka swihukuva.+ 35  Kutani a kovotla swifaniso swa makerubu ni swifaniso swa murhi wa ncindzu ni swiluva, a nameka nsuku ehenhla ka swiyimelo.+ 36  A ya emahlweni a aka xivava xa le mpfungwe+ xi ri ni tilayini tinharhu+ ta maribye lama kovotliweke ni tilayini ta timhandzi ta mikedari. 37  Hi lembe ra vumune ku vekiwa masungulo+ ya yindlu ya Yehovha, hi n’hweti ya ku rhendzeleka ka n’weti ya Zivhi;+ 38  kutani hi lembe ra vu-11, hi n’hweti ya ku rhendzeleka ka n’weti ya Bulu, ku nga n’hweti ya vunhungu, vuxokoxoko bya yindlu ni mpfampfarhuto+ hinkwawo wa yona a swi herile;+ lerova u hete malembe ya nkombo a yi aka.

Tinhlamuselo ta le hansi