Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 4:1-34

4  Hosi Solomoni a hambeta a fuma tiko hinkwaro ra Israyele.+  Leti a ku ri tihosana+ leti a a ri na tona: Azariya n’wana wa Sadoki+ lowa muprista;  Elihorefe na Ahiya vana va Xixa, vamatsalana;+ Yehoxafati+ n’wana wa Ahiludi lowa mutsari wa timhaka;  Benaya+ n’wana wa Yoyada a a ri mulawuri wa vuthu,+ Sadoki na Abiyatara+ a va ri vaprista;  Azariya n’wana wa Natani+ a a lawula vayimeri, Zabudu n’wana wa Natani a a ri muprista, a ri nakulobye+ wa hosi;  Ahixara a a lawula vandyangu, Adoniramu+ n’wana wa Abida a a lawula lava va endlaka ntirho wo sindzisiwa.+  Solomoni a a ri ni vayimeri va 12 etikweni hinkwaro ra Israyele, a va phamela hosi ni vandyangu wa yona. A swi ri emavokweni ya un’wana ni un’wana leswaku a phamela swakudya n’hweti yin’we hi lembe.+  Mavito ya vona hi lawa: N’wana wa Huru endhawini ya tintshava ya Efrayimi;+  n’wana wa Dekera eMakazi na Xalabimi+ na Beta-xemexe+ na Eloni-beta-hanana; 10  n’wana wa Hesede eAruboti (a a ri na Sokho ni tiko hinkwaro ra Hefere);+ 11  n’wana wa Abinadaba, xitsunga hinkwaxo xa ntshava ya Dori+ (Tafata, n’wana wa Solomoni a va nsati wakwe); 12  Bana n’wana wa Ahiludi eTanaka+ na Megido+ na Beta-xeyani hinkwaro,+ leri nga etlhelo ka Saretana+ ehansi ka Yizriyele,+ ku suka eBeta-xeyani ku ya eAvele-mehola,+ ku ya exifundzheni xa Yokimiyama;+ 13  n’wana wa Gebere eRhamoti-giliyadi+ (a a ri ni swimitana swa mintsonga swa Yayiri+ n’wana wa Manase, leswi nga eGiliyadi;+ a a ri ni xifundzha xa Arigobi,+ lexi nga eBaxani:+ miti leyikulu ya 60 leyi nga ni rirhangu ni swigogo swa koporo); 14  Ahinadaba n’wana wa Ido eMahanayimi;+ 15  Ahimazi eNeftali+ (na yena u teke Basemata n’wana wa Solomoni a va nsati wakwe);+ 16  Bana n’wana wa Huxayi eAxere+ ni le Beyaloto; 17  Yehoxafati n’wana wa Paruwa eIsakara;+ 18  Ximeyi+ n’wana wa Ela eBenjamini;+ 19  Gebere n’wana wa Uri etikweni ra Giliyadi,+ tiko ra Sihoni+ hosi ya Vaamori+ na Ogo+ hosi ya Baxani,+ kwalaho a ku ri ni muyimeri un’we wa vayimeri lavan’wana hinkwavo lava a va ri etikweni. 20  Yuda na Israyele a va tele, a va tele ku fana ni swiribyana swa sava leswi swi nga elwandle,+ va dya, va nwa naswona va tsaka.+ 21  Loko ku ri Solomoni, a va mufumi wa mimfumo hinkwayo ku suka eNambyeni+ ku ya etikweni ra Vafilisita ni ku ya endzilakaneni wa Egipta. A va tisa tinyiko, va tirhela Solomoni masiku hinkwawo ya vutomi bya vona.+ 22  Swakudya swa Solomoni swa siku rin’wana ni rin’wana a ku ri mpimo wa tikoro ta 30+ ta mapa lama silekeke kahle ni mpimo wa tikoro ta 60, ta mapa, 23  tihomu ta khume to nona ni tihomu ta 20 ta le madyelweni ni tinyimpfu ta 100, ku nga hlayiwi timbavala ni timhala ni tinhlangu+ na vamahleveni+ lava nonisiweke. 24  Hikuva hinkwaswo leswi nga eka tlhelo leri ra Nambu+ a swi ri ehansi ka yena, ku suka eTifisa ku ya eGaza,+ hambi ku ri tihosi hinkwato ta tlhelo leri ra Nambu;+ u ve ni ku rhula+ exifundzheni xin’wana ni xin’wana lexi nga xa yena, matlhelo hinkwawo. 25  Kutani Yuda+ na Israyele va tshama va sirhelelekile,+ un’wana ni un’wana ehansi ka murhi wakwe wa vhinya ni le hansi ka nkuwa wakwe,+ ku suka eDani ku ya eBera-xeba,+ emasikwini hinkwawo ya Solomoni. 26  Solomoni a va ni swivala swa 40 000 swa tihanci+ ta makalichi+ yakwe ni vagadi va tihanci va 12 000. 27  Kutani vayimeri+ lava, a va nyika Hosi Solomoni swakudya swin’we ni un’wana ni un’wana la tshinelaka etafuleni ra Hosi Solomoni, un’wana ni un’wana hi n’hweti yakwe. A va siyanga nchumu lexi pfumalekaka. 28  A va hambeta va tisa maxalana ni byanyi bya tihanci ni bya swipani swa tihanci+ endhawini yin’wana ni yin’wana leyi a yi kumeka, un’wana ni un’wana hi ku landza xileriso lexi a lerisiweke xona.+ 29  Xikwembu xi ya emahlweni xi nyika Solomoni vutlhari+ ni ku twisisa+ hi mpimo lowukulu ni mbilu leyi pfulekeke,+ ku fana ni sava leri nga eribuweni ra lwandle.+ 30  Vutlhari bya Solomoni a byi ri byikulu+ ku tlula vutlhari bya vanhu va le Vuxeni+ ni vutlhari hinkwabyo bya le Egipta.+ 31  A a tlharihe ku tlula munhu wihi ni wihi, ku tlula Ethani+ lowa ka Ezara na Hemani+ na Kalkolo+ na Dara vana va Maholi; ndhuma yakwe yi twakala ematikweni hinkwawo, matlhelo hinkwawo.+ 32  A a kota ku vulavula swivuriso leswi ringanaka 3 000,+ tinsimu+ takwe a ti ri 1 005. 33  A a vulavula hi mirhi, ku suka eka mukedari lowu nga eLebanoni+ ku ya eka murhi wa hisopa+ lowu milaka ekhumbini; a a vulavula hi swiharhi+ ni hi swivumbiwa+ leswi hahaka ni hi swilo leswi famba-fambaka+ ni hi tinhlampfi.+ 34  A va hamba va fika va huma eka vanhu hinkwavo va ta twa vutlhari bya Solomoni,+ hambi ku ri eka tihosi hinkwato ta misava, leti a ti twe hi ta vutlhari byakwe.+

Tinhlamuselo ta le hansi