Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 19:1-21

19  Kutani Akabu+ a byela Yezabele+ hinkwaswo leswi Eliya a swi endleke ni ndlela hinkwayo leyi a dlayeke ha yona vaprofeta hi banga.+  Hiloko Yezabele a rhumela murhumiwa eka Eliya, a ku: “Onge swikwembu swi nga endla tano,+ onge swi nga engetela eka swona,+ loko mundzuku hi nkarhi lowu ndzi ta va ndzi nga endlanga leswaku moya-xiviri wa wena wu fana ni moya-xiviri wa un’wana ni un’wana wa vona!”  Kutani a chava. Hikwalaho a suka a yima a sungula ku famba hikwalaho ka moya-xiviri wakwe,+ a fika eBera-xeba+ lowu nga wa Yuda.+ A siya mutirhi wakwe kwalaho.  Yena a ya emananga riendzo ro ringana siku, hi ku famba ka nkarhi a fika a tshama ehansi ka murhi wa brumu.+ Kutani a kombela leswaku moya-xiviri wakwe wu fa,+ a ku: “Swi ringene! Sweswi Wena Yehovha, susa moya-xiviri wa mina, hikuva a ndzi antswi ku tlula vatatana.”  Eku heteleleni a etlela a khomiwa hi vurhongo ehansi ka murhi wa brumu.+ Kambe waswivo, ntsumi+ yi n’wi khumba.+ Kutani yi ku eka yena: “Pfuka u dya.”  Loko a languta, waswivo, etinhlokweni takwe a ku ri ni xinkwa xa xirhendzevutana+ emaribyeni lama hisaka, ni gula ra mati. A sungula ku dya ni ku nwa, endzhaku ka sweswo a tlhela a etlela.  Endzhaku ntsumi+ ya Yehovha yi vuya ra vumbirhi yi n’wi khumba, yi ku: “Pfuka u dya, hikuva riendzo leri ri lehe ngopfu ku tlula matimba ya wena.”+  Hiloko a pfuka a dya ni ku nwa, a hambeta a famba hi matimba ya swakudya sweswo ku ringana masiku ya 40+ ni vusiku bya 40, ku ya fika entshaveni ya Xikwembu xa ntiyiso, eHorebe.+  Eku heteleleni a nghena ebakweni+ leswaku a etlela kona; kutani waswivo, rito ra Yehovha ri ta eka yena, ri ku eka yena: “Eliya, xana u endla yini laha?”+ 10  Hiloko a ku: “Ndzi ve ni rilaveta+ lerikulu hikwalaho ka Yehovha Xikwembu xa mavuthu; hikuva vana va Israyele va siye ntwanano wa wena,+ va hirimuxe tialitari ta wena,+ ni vaprofeta va wena va va dlaye hi banga+ lerova ku sele mina ntsena;+ va sungule ku lava moya-xiviri wa mina leswaku va wu susa.”+ 11  Kambe ri ku: “Huma, u fanele u yima entshaveni emahlweni ka Yehovha.”+ Kutani waswivo! Yehovha a a hundza+ naswona mheho leyikulu ya matimba a yi pandza tintshava, yi faya maribye emahlweni ka Yehovha.+ (Yehovha a a nga ri kona eka mheho yoleyo.) Endzhaku ka mheho leyi a ku ri ni ku tsekatseka.+ (Yehovha a a nga ri kona eka ku tsekatseka koloko.) 12  Endzhaku ka ku tsekatseka loku, a ku ri ni ndzilo.+ (Yehovha a a nga ri kona endzilweni wolowo.) Endzhaku ka ndzilo lowu a ku ri ni rito ro rhula, ro olova.+ 13  Kuteloko Eliya a ri twa, hi ku hatlisa a tsondzela xikandza xakwe hi nguvu+ yakwe ya ximfumo, a huma a yima enyangweni ya bako; kutani waswivo, rito ri ta eka yena, ri ku eka yena: “Eliya, xana u endla yini laha?”+ 14  Hiloko a ku: “Ndzi ve ni rilaveta lerikulu hikwalaho ka Yehovha Xikwembu xa mavuthu; hikuva vana va Israyele va siye ntwanano wa wena,+ tialitari ta wena va ti hirimuxile, ni vaprofeta va wena va va dlaye hi banga lerova ku sele mina ntsena; va sungule ku lava moya-xiviri wa mina leswaku va wu susa.”+ 15  Kutani Yehovha a ku eka yena: “Famba u tlhelela emananga ya Damaska;+ u fanele u fika u tota+ Hazayele+ a va hosi ya Siriya. 16  U ta tota Yehu+ ntukulu wa Nimxi+ a va hosi ya Israyele; Elixa+ n’wana wa Xafati la humaka eAvele-mehola+ u ta n’wi tota a va muprofeta ematshan’weni ya wena.+ 17  Loyi a nga ta baleka eka banga ra Hazayele,+ Yehu u ta n’wi dlaya;+ ni loyi a nga ta baleka eka banga ra Yehu, Elixa u ta n’wi dlaya.+ 18  Mina ndzi siye vanhu va 7 000 eIsrayele,+ matsolo hikwawo lawa ma nga n’wi nkhinsamelangiki Bali,+ ni nomu wun’wana ni wun’wana lowu nga n’wi ntswontswangiki.”+ 19  Hiloko a famba a suka kwalaho, kutani a kuma Elixa n’wana wa Xafati a ri karhi a rima+ hi swipani swa 12, swi ri emahlweni ka yena, yena a ri ni xipani xa vu-12. Kutani Eliya a pelela eka yena, a lahlela nguvu+ yakwe ya ximfumo ehenhla ka yena. 20  Hiloko a siya tinkunzi, a tsutsuma endzhaku ka Eliya, a ku: “Ndzi kombela u ndzi pfumelela ndzi ntswontswa tatana na manana.+ Kutani ndzi ta ku landzela.” A ku eka yena: “Famba, u tlhela u vuya; xana ndzi ku endle yini?” 21  Kutani a tlhela eku n’wi landzeleni, a teka xipani xa tinkunzi a endla xitlhavelo+ ha tona, a sweka nyama ya tona hi switirho leswi tirhisiwaka+ hi tinkunzi hiloko a yi nyika vanhu, vona va dya. Endzhaku ka sweswo a suka a yima a landzela Eliya naswona a sungula ku n’wi tirhela.+

Tinhlamuselo ta le hansi