Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 18:1-46

18  Endzhaku ka masiku yo tala,+ rito ra Yehovha ri fika eka Eliya hi lembe ra vunharhu, ri ku: “Famba u ya tikombisa eka Akabu, hikuva ndzi tiyimisele ku nisa mpfula evuandlalweni bya misava.”+  Kutani Eliya a famba a ya tikombisa eka Akabu loko ndlala ya ha ri yikulu+ eSamariya.  Hi nkarhi wolowo Akabu a vitana Obadiya loyi a a lawula vandyangu.+ (Obadiya u tikombise a chava+ Yehovha swinene.  Hikwalaho loko Yezabele+ a herisa vaprofeta va Yehovha,+ Obadiya a teka vaprofeta va 100 a va fihla ebakweni hi mintlawa ya vanhu va 50, a va nyika xinkwa ni mati.)+  Akabu a ku eka Obadiya: “Tsemakanya etikweni u ya eswihlobyeni hinkwaswo swa mati ni le minkoveni hinkwayo. Kumbexana hi nga kuma byanyi bya rihlaza+ leswaku hi londzovota tihanci ni timeyila ti hanya, ku nga ha tlheli ku va ni swiharhi leswi dlayiwaka.”+  Hiloko va avelana tiko leri a va ta hundza eka rona. Akabu a famba a ri yexe hi ndlela yin’wana Obadiya na yena a famba a ri yexe hi ndlela yin’wana.+  Loko Obadiya a ha famba endleleni, waswivo, a ku ri na Eliya a n’wi hlanganisa.+ Xikan’we-kan’we a n’wi lemuka kutani a wela ehansi hi xikandza,+ a ku: “Xana hi wena hosi+ yanga Eliya?”  Hiloko a ku eka yena: “Hi mina. Famba u ya byela hosi ya wena,+ u ku, ‘Hi loyi Eliya.’”  Kambe a ku: “Xana ndzi dyohe+ yini leswi u vekaka nandza wa wena evokweni ra Akabu leswaku a ndzi dlaya? 10  Leswi Yehovha Xikwembu xa wena a hanyaka,+ a ku na tiko kumbe mfumo lowu hosi yanga yi nga rhumangiki vanhu leswaku u ya laviwa kona. Endzhaku ka loko va te, ‘A nga kona laha,’ u endle leswaku mfumo ni tiko swi hlambanya leswaku a wu kumeki.+ 11  Sweswi wena u ri, ‘Famba u ya byela hosi ya wena, u ku: “Hi loyi Eliya.”’ 12  Kutaku loko ndzi suka eka wena, moya+ wa Yehovha wu ta ku teka wu ku yisa laha mina ndzi nga ta ka ndzi nga ku tivi; ndzi ta byela Akabu kambe a nge ku kumi, kunene u ta ndzi dlaya,+ hikuva nandza wa wena u chave Yehovha ku sukela evuntshweni byakwe.+ 13  Xana hosi yanga a yi byeriwanga leswi ndzi swi endleke loko Yezabele a dlaye vaprofeta va Yehovha, ndlela leyi ndzi fihleke ha yona vaprofeta van’wana va Yehovha ebakweni,+ vavanuna va 100 hi mintlawa ya vanhu va 50, ndzi hambeta ndzi va nyika xinkwa ni mati?+ 14  Sweswi wena u ri, ‘Famba u ya byela hosi ya wena u ku: “Hi loyi Eliya.”’ Kunene u ta ndzi dlaya.”+ 15  Hambiswiritano, Eliya a ku: “Leswi Yehovha wa mavuthu+ loyi ndzi yimeke emahlweni ka yena a hanyaka,+ namuntlha ndzi ta tikombisa eka yena.” 16  Hiloko Obadiya a famba a ya hlangana na Akabu, a n’wi byela; kutani Akabu a ya hlanganisa Eliya. 17  Hi ku hatlisa loko Akabu a vona Eliya, xikan’we-kan’we Akabu a ku eka yena: “Xana hi wena, la tisaka khombo ehenhla ka Israyele?”+ 18  Hiloko a ku: “Mina a ndzi tisanga khombo+ ehenhla ka Israyele, kambe ri tisiwe hi wena ni yindlu ya tata wa wena,+ hikuva n’wina mi siye swileriso swa Yehovha+ mi landzela Vabali.+ 19  Sweswi rhumela rito leswaku tiko hinkwaro ra Israyele ri hlengeletana eNtshaveni ya Karimeli+ swin’we ni vaprofeta va Bali va 450,+ ni vaprofeta va mhandzi yo kwetsima va 400,+ lava va dyaka etafuleni ra Yezabele.”+ 20  Kutani Akabu a rhumela rito exikarhi ka vana va Israyele hinkwavo va hlengeleta vaprofeta+ eNtshaveni ya Karimeli. 21  Hiloko Eliya a tshinelela vanhu hinkwavo, a ku: “Xana mi ta va ni mianakanyo yimbirhi ku fikela rini?+ Loko Yehovha a ri Xikwembu xa ntiyiso, n’wi landzeleni; kambe loko ku ri Bali, landzelani yena.”+ Kambe a nga hlamuriwanga hi munhu. 22  Eliya a ya emahlweni a byela vanhu a ku: “Hi mina la seleke, la nga muprofeta wa Yehovha,+ mina ndzi ri ndzexe, kasi vaprofeta va Bali i vavanuna va 450. 23  Kutani a va hi nyike swinkunzana swimbirhi, naswona a va tihlawulele xinkunzana xin’we va xi tsemelela va xi veka ehenhla ka tihunyi, kambe va nga xi tshiveleli ndzilo. Mina ndzi ta lunghiselela xinkunzana lexin’wana, ndzi fanele ndzi xi veka ehenhla ka tihunyi, kambe a ndzi nge xi tshiveleli ndzilo. 24  Mi fanele mi vitana vito ra xikwembu xa n’wina,+ loko ku ri mina ndzi ta vitana vito ra Yehovha; kutani Xikwembu xa ntiyiso lexi xi nga ta hlamula hi ndzilo+ hi xona Xikwembu xa ntiyiso.”+ Hiloko vanhu hinkwavo va hlamula va ku: “Nchumu lowu i wunene.” 25  Eliya a byela vaprofeta va Bali a ku: “Tihlawuleleni xinkunzana xin’we mi rhanga mi xi lunghiselela, hikuva n’wina mi tele; kutani mi vitana vito ra xikwembu xa n’wina, kambe mi nga xi tshiveleli ndzilo.” 26  Hiloko va teka xinkunzana lexi a va nyikeke xona. Kutani va xi lunghiselela, va hambeta va vitana vito ra Bali ku sukela nimixo ku fikela ninhlikanhi, va ku: “Oho Bali, hi hlamule!” Kambe a ku nga ri na rito,+ a ku nga ri na munhu la hlamulaka.+ Va cina-cina va rhendzela alitari leyi a va yi endlile. 27  Kutani ninhlikanhi Eliya a sungula ku va vungunya,+ a ku: “Huwelelani hi rito lerikulu, hikuva i xikwembu;+ u fanele a ha anakanya hi mhaka yo karhi naswona u khomekile+ a boheka ku ya exihambukelweni.+ Kumbe u etlele u fanele a pfuka!”+ 28  Hiloko va sungula ku huwelela hi rito lerikulu, va tixeka+ hi masavula ni matlhari hi ku ya hi ntolovelo wa vona, ku fikela loko va xiririka ngati. 29  Kuteloko ku hundze nhlikanhi naswona va hambete va tikhoma ku fana ni vaprofeta+ ku fikela loko ku tlhandlukisiwa gandzelo ra mavele, a ku nga ri na rito naswona a ku nga ri na munhu la hlamulaka, a ku nga ri na loyi a yingisaka.+ 30  Hi ku famba ka nkarhi Eliya a byela vanhu hinkwavo, a ku: “Tshinelani eka mina.” Hiloko vanhu hinkwavo va tshinela eka yena. Kutani a pfuxa alitari ya Yehovha leyi a yi hirimuxiwile.+ 31  Eliya a teka maribye ya 12 hi ku landza nhlayo ya tinyimba ta vana va Yakobe, loyi rito ra Yehovha ri fikeke eka yena,+ ri ku: “Vito ra wena u ta va Israyele.”+ 32  A ya emahlweni a aka alitari+ hi maribye, hi vito ra Yehovha+ naswona a endla khele, leri nga ringanaka ndhawu ya ku byala mbewu ya mpimo wa tiseya timbirhi, ematlhelo hinkwawo ya alitari. 33  Endzhaku ka sweswo a veka tihunyi hi nhleleko,+ a tsemelela xinkunzana a xi veka ehenhla ka tihunyi. Hiloko a ku: “Tatani makhuwana lamakulu hi mati, mi ma chela ehenhla ka gandzelo ro hisiwa ni le henhla ka tihunyi.” 34  Kutani a ku: “Chelani nakambe.” Hiloko va chela nakambe. A tlhela a ku: “Chelani ra vunharhu.” Hiloko va chela ra vunharhu. 35  Hikwalaho mati ma khuluka ma rhendzela alitari hinkwayo, khele na rona a ri tata hi mati. 36  Kutani loko+ ku nyikeriwa gandzelo ra mavele, Eliya lowa muprofeta a tshinela, a ku: “Oho Yehovha, Xikwembu xa Abrahama,+ Isaka+ na Israyele,+ namuntlha a swi tiviwe leswaku u Xikwembu eIsrayele+ naswona mina ndzi nandza wa wena ni leswaku ndzi endle swilo leswi hinkwaswo hi vito+ ra wena. 37  Ndzi hlamule, Oho Yehovha ndzi hlamule, leswaku vanhu lava va ta tiva leswaku wena Yehovha,+ u Xikwembu xa ntiyiso nileswaku wena u hundzuluxe mbilu ya vona.”+ 38  Hiloko ndzilo+ wa Yehovha wu wa, wu fika wu hisa+ gandzelo ro hisiwa ni tihunyi ni maribye ni ntshuri, wu hisa ni mati lawa a ma ri ekheleni.+ 39  Loko vanhu hinkwavo va swi vona, hi ku hatlisa va wela ehansi hi swikandza,+ va ku: “Yehovha i Xikwembu xa ntiyiso! Yehovha i Xikwembu xa ntiyiso!” 40  Kutani Eliya a ku eka vona: “Khomani vaprofeta va Bali! Mi nga tshiki ni un’we wa vona a baleka!” Xikan’we-kan’we va va khoma, Eliya a va tisa enkoveni wa Kixoni,+ a va dlayela kona.+ 41  Kutani Eliya a ku eka Akabu: “Tlhandluka u ya dya, u nwa;+ hikuva ku ni mpfumawulo wa ku pfilunganyeka ka maboboma ya mpfula.”+ 42  Akabu a tlhandluka a ya dya ni ku nwa. Loko ku ri Eliya, a tlhandlukela ehenhla ka Karimeli a nkhinsama emisaveni,+ a veka xikandza exikarhi ka matsolo.+ 43  Hiloko a ku eka mutirhi wakwe: “Ndzi kombela u tlhandluka. Languta etlhelo ra lwandle.” Kutani a tlhandluka a languta, ivi a ku: “A ku na nchumu nikatsongo.” A ya emahlweni a ku, “Tlhelela,” ka nkombo.+ 44  Ra vunkombo a ku: “Waswivo! Ku ni papa leritsongo leri fanaka ni xandla xa munhu leri tlhandlukaka ri huma elwandle.”+ Hiloko a ku: “Tlhandluka u ya byela Akabu, u ku, ‘Bohela!+ U rhelela leswaku maboboma ya mpfula ma nga ku siveleli!’” 45  Hi nkarhi wolowo matilo ma va munyama hi mapapa ni hi mheho,+ kutani ku va ni maboboma lamakulu ya mpfula.+ Akabu a hambeta a khandziya a ya eYizriyele.+ 46  Voko ra Yehovha ri va ehenhla ka Eliya+ lerova a tikhama masenge+ a tsutsuma emahlweni ka Akabu ku ya fika eYizriyele.+

Tinhlamuselo ta le hansi