Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 16:1-34

16  Rito ra Yehovha ri fika eka Yehu+ n’wana wa Hanane+ ri avanyisa Baxa, ri ku:  “Tanihi leswi ndzi ku yimiseke u suka entshurini,+ leswaku ndzi ku endla murhangeri wa vanhu va mina, ku nga Israyele,+ kambe u fambe endleleni ya Yerobuwamu+ kutani u vangela leswaku vanhu va mina, ku nga Israyele, va dyoha hi ku ndzi hlundzukisa hi swidyoho swa vona,+  waswivo, ndzi herisa Baxa ni yindlu yakwe hi ku helela, kunene ndzi ta endla leswaku yindlu yakwe yi fana ni yindlu ya Yerobuwamu n’wana wa Nebati.+  Mani na mani wa Baxa loyi a felaka emutini, u ta dyiwa hi timbyana; naswona mani na mani la felaka enhoveni, u ta dyiwa+ hi tinyenyana ta matilo.”  Loko ku ri timhaka letin’wana ta Baxa ni leswi a swi endleke, ni matimba yakwe, xana a swi tsariwanga ebukwini+ ya timhaka ta masiku ya tihosi ta Israyele?  Eku heteleleni Baxa a etlela ni vatata wakwe, a lahliwa eTirisa;+ kutani Elaha n’wana wakwe a sungula ku fuma ematshan’weni ya yena.  Nakambe rito ra Yehovha ri fika ku avanyisa Baxa ni yindlu yakwe,+ hi Yehu n’wana wa Hanane lowa muprofeta, hikwalaho ka vubihi hinkwabyo lebyi a byi endleke ematihlweni ya Yehovha hi ku n’wi hlundzukisa+ hi ntirho wa mavoko yakwe,+ leswaku swi fana ni yindlu ya Yerobuwamu, ni hikwalaho ka leswi a n’wi dlayeke.+  Hi lembe ra vu-26 ra Asa hosi ya Yuda, Elaha n’wana wa Baxa a va hosi ya Israyele eTirisa malembe mambirhi.  Kutani nandza wakwe, Zimri+ murhangeri wa xiphemu xa makalichi a sungula ku n’wi endlela xikhiri loko a ri eTirisa, a n’wi nwisa+ a dakwa endlwini ya Ariza loyi a a lawula vandyangu+ le Tirisa. 10  Zimri a nghena a n’wi tlhava+ a n’wi dlaya hi lembe ra vu-27 ra Asa hosi ya Yuda, kutani a sungula ku fuma ematshan’weni ya yena. 11  Kuteloko a sungula ku fuma, hi ku hatlisa loko a tshama exiluvelweni xa yena, a dlaya yindlu hinkwayo ya Baxa. A nga siyanga ni un’we wa lava va nga va yena, loyi a humeselaka mati ekhumbini+ kumbe varihiseri vakwe va ngati+ kumbe vanakulobye. 12  Hikwalaho Zimri a lovisa yindlu hinkwayo ya Baxa+ hi ku landza rito ra Yehovha+ leri a ri vuleke hi Yehu lowa muprofeta ku avanyisa Baxa,+ 13  hikwalaho ka swidyoho hinkwaswo swa Baxa ni swidyoho swa Elaha+ n’wana wakwe, leswi va swi endleke ni leswi va dyohiseke Israyele ha swona, hi ku hlundzukisa Yehovha Xikwembu xa Israyele hi swifaniso swa vona swa hava leswi nga pfuniki nchumu.+ 14  Loko ku ri timhaka letin’wana ta Elaha ni hinkwaswo leswi a swi endleke, xana a swi tsariwanga ebukwini+ ya timhaka ta masiku ya tihosi ta Israyele? 15  Hi lembe ra vu-27 ra Asa hosi ya Yuda, Zimri a va hosi masiku ya nkombo+ eTirisa, loko vanhu va dzime mixaxa ku lwa na Gibetoni+ lowu a wu ri wa Vafilisita. 16  Hi ku famba ka nkarhi vanhu lava a va dzime mixaxa va twa ku vuriwa, va ku: “Zimri u endle xikhiri naswona u dlaye hosi.” Kutani tiko hinkwaro ra Israyele ri veka Omri+ lowa ndhuna ya vuthu, a va hosi ya Israyele esikwini rero enxaxeni. 17  Omri ni tiko hinkwaro ra Israyele ri ri na yena va tlhandluka va suka eGibetoni va sungula ku rhendzela+ Tirisa. 18  Hi ku hatlisa loko Zimri a vona leswaku muti wu tekiwile, hiloko a fika exihondzweni xo tshama eka xona xa yindlu ya hosi, a hisa yindlu ya hosi hi ndzilo a ri endzeni ka yona, a fa,+ 19  hikwalaho ka swidyoho leswi a swi endleke, hi ku endla swo biha ematihlweni ya Yehovha+ hi ku famba endleleni ya Yerobuwamu, ni le swidyohweni swakwe leswi a swi endleke hi ku dyohisa+ Israyele. 20  Loko ku ri timhaka letin’wana ta Zimri ni xikhiri xakwe lexi a xi endleke, xana a swi tsariwanga ebukwini+ ya timhaka ta masiku ya tihosi ta Israyele? 21  Hi wona nkarhi lowu vana va Israyele va sunguleke ha wona ku avana va va swiphemu swimbirhi.+ A ku ri ni xiphemu xin’wana xa vanhu lexi nga landzela Tibini n’wana wa Ginati leswaku xi n’wi endla hosi, kutani xiphemu lexin’wana xi landzela Omri. 22  Eku heteleleni vanhu lava a va landzela Omri va hlula vanhu lava a va landzela Tibini n’wana wa Ginati; kutani Tibini a dlayiwa, Omri a sungula ku fuma. 23  Hi lembe ra vu-31 ra Asa hosi ya Yuda, Omri a va hosi ya Israyele malembe ya 12. U fume eTirisa malembe ya tsevu. 24  Kutani a xava ntshava ya Samariya eka Xemeri hi titalenta timbirhi ta silivhere, a sungula ku aka entshaveni, muti lowu a wu akeke a wu thya vito ra Xemeri n’wini wa ntshava, Samariya.+ 25  Omri a hambeta a endla swo biha ematihlweni ya Yehovha, a endla swo biha ngopfu ku tlula hinkwavo lava a va ri kona emahlweni ka yena.+ 26  A ya emahlweni a famba endleleni hinkwayo ya Yerobuwamu n’wana wa Nebati,+ ni le swidyohweni swakwe leswi a dyohiseke Israyele ha swona hi ku hlundzukisa Yehovha Xikwembu xa Israyele hi swifaniso swa vona swa hava leswi nga pfuniki nchumu.+ 27  Loko ku ri timhaka letin’wana ta Omri, leswi a swi endleke ni matimba yakwe lawa a ma kombiseke, xana a swi tsariwanga ebukwini+ ya timhaka ta masiku ya tihosi ta Israyele? 28  Eku heteleleni Omri a etlela ni vatata wakwe kutani a lahliwa eSamariya; Akabu+ n’wana wakwe a sungula ku fuma ematshan’weni ya yena. 29  Loko ku ri Akabu n’wana wa Omri, u ve hosi ya Israyele hi lembe ra vu-38 ra Asa hosi ya Yuda; Akabu n’wana wa Omri u ye emahlweni a fuma Israyele eSamariya+ malembe ya 22. 30  Kutani Akabu n’wana wa Omri a ya emahlweni a endla swo biha ngopfu ematihlweni ya Yehovha ku tlula hinkwavo lava a va ri kona emahlweni ka yena.+ 31  Kutani, onge hi loko ku ri nchumu lowutsongo+ eka yena ku famba eswidyohweni swa Yerobuwamu+ n’wana wa Nebati, a teka Yezabele+ n’wana wa Etibali hosi ya Vasidoni+ a va nsati wakwe,+ hiloko a sungula ku famba a ya tirhela Bali+ ni ku n’wi nkhinsamela. 32  Ku tlula kwalaho, a yimisela Bali alitari endlwini+ ya Bali leyi a yi akeke eSamariya. 33  Akabu a ya emahlweni a endla mhandzi yo kwetsima;+ kutani Akabu a endla leswi engetelekeke leswaku a hlundzukisa+ Yehovha Xikwembu xa Israyele ku tlula tihosi hinkwato ta Israyele leti ti nga tshama ti va kona emahlweni ka yena. 34  Emasikwini yakwe, Hiyeli lowa le Bethele u ake Yeriko. Loko a lahlekeriwe hi Abirama mativula yakwe, u veke masungulo ya wona naswona loko a lahlekeriwe hi Segubu rikotse rakwe, u yimise tinyangwa ta wona, hi ku landza rito ra Yehovha leri a ri vuleke hi Yoxuwa n’wana wa Nuni.+

Tinhlamuselo ta le hansi