Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 15:1-34

15  Elembeni ra vu-18 ra Hosi Yerobuwamu,+ n’wana wa Nebati,+ Abiyamu a va hosi ya Yuda.+  U fume malembe manharhu eYerusalema; vito ra mana wakwe a ku ri Mikaya+ ntukulu wa Abixalomu.+  U ye emahlweni a famba eswidyohweni hinkwaswo swa tata wakwe leswi a swi endleke emahlweni ka yena; mbilu yakwe a yi nga hetisekanga+ eka Yehovha Xikwembu xakwe ku hambana ni mbilu ya Davhida kokwa wakwe.+  Hikuva hikwalaho ka Davhida,+ Yehovha Xikwembu xakwe u n’wi nyike rivoni+ eYerusalema hi ku veka n’wana wakwe endzhaku ka yena ni ku hlayisa Yerusalema wu tshama wu ri kona,+  hikuva Davhida u endle leswi lulameke ematihlweni ya Yehovha, a nga hambukanga eka nchumu wun’wana ni wun’wana lowu A n’wi leriseke wona emasikwini hinkwawo ya vutomi byakwe,+ ntsena u hambuke emhakeni ya Uriya lowa Muheti.+  Kutani nyimpi yi va kona exikarhi ka Rehobuwama na Yerobuwamu emasikwini hinkwawo ya vutomi byakwe.+  Loko ku ri timhaka letin’wana ta Abiyamu ni hinkwaswo leswi a swi endleke, xana a swi tsariwanga ebukwini+ ya timhaka ta masiku ya tihosi ta Yuda? Ku ve ni nyimpi exikarhi ka Abiyamu na Yerobuwamu.+  Eku heteleleni Abiyamu a etlela ni vatata wakwe, va n’wi lahla eMutini wa Davhida;+ Asa+ n’wana wakwe a sungula ku fuma ematshan’weni ya yena.  Hi lembe ra vu-20 ra Yerobuwamu hosi ya Israyele, Asa a va hosi ya Yuda. 10  U fume malembe ya 41 eYerusalema; vito ra kokwa wakwe wa xisati a ku ri Maka+ ntukulu wa Abixalomu.+ 11  Asa a endla leswi lulameke ematihlweni ya Yehovha, ku fana na Davhida kokwa wakwe.+ 12  Hikwalaho a susa tinghwavava ta xinuna etikweni+ naswona a susa swifaniso hinkwaswo swa hava leswi hombolokeke,+ leswi vatata wakwe va swi endleke.+ 13  Hambi ku ri Maka+ kokwa wakwe wa xisati, u n’wi susile leswaku a nga ha vi wansati la xiximiwaka,+ hikuva mhandzi yo kwetsima a a yi endlele xifaniso xa hava lexi nyenyetsaka; endzhaku ka sweswo Asa a tsema xifaniso xakwe xa hava lexi nyenyetsaka,+ a xi hisa+ enkoveni wa Kedroni.+ 14  Tindhawu leti tlakukeke+ a nga ti susanga.+ Hambiswiritano, mbilu ya Asa a yi hetisekile eka Yehovha emasikwini yakwe hinkwawo.+ 15  Kutani a sungula ku nghenisa swilo leswi tata wakwe a swi endleke swi va swo kwetsima ni swilo leswi yena a swi endleke swi va swo kwetsima, a swi nghenisa endlwini ya Yehovha, silivhere ni nsuku ni swilo swin’wana.+ 16  Ku va ni nyimpi exikarhi ka Asa na Baxa+ hosi ya Israyele emasikwini hinkwawo ya vona. 17  Baxa hosi ya Israyele a fika ku ta lwa na Yuda, kutani a sungula ku aka Rhama,+ leswaku a nga pfumeleli munhu ku huma kumbe ku nghena eka Asa hosi ya Yuda.+ 18  Hiloko Asa a teka silivhere hinkwayo ni nsuku leswi a swi sele exumeni xa yindlu ya Yehovha ni xuma xa yindlu ya hosi, a swi veka evokweni ra malandza yakwe; Hosi Asa a swi rhumela eka Beni-hadadi+ n’wana wa Tabrimona, n’wana wa Heziyoni, hosi ya Siriya,+ loyi a a tshama eDamaska,+ a ku: 19  “Ku ni ntwanano exikarhi ka mina na wena, exikarhi ka tatana ni tata wa wena. Ndzi ku rhumela nyiko+ ya silivhere ni ya nsuku. Tana u tshova ntwanano wa wena na Baxa hosi ya Israyele, leswaku a ta suka eka mina.”+ 20  Hiloko Beni-hadadi a yingisa Hosi Asa, a rhuma tindhuna ta mavandla ya nyimpi leti a ti ri ta yena leswaku ti lwa ni miti ya Israyele kutani a hlasela Iyona+ na Dani+ na Avele-bete-maka+ na Kinereti hinkwaro ku ya fika etikweni hinkwaro ra Neftali.+ 21  Hi ku hatlisa loko Baxa a twa sweswo, xikan’we-kan’we a tshika ku aka Rhama,+ a hambeta a tshama eTirisa.+ 22  Loko ku ri Hosi Asa, a vitana Yuda hinkwaro+—a ku na loyi a siyiweke—va rhwala maribye ya Rhama ni timhandzi ta wona, leswi Baxa a a aka ha swona; Hosi Asa a sungula ku aka Geba+ le Benjamini na Mizpa+ ha swona. 23  Loko ku ri timhaka letin’wana ta Asa ni matimba yakwe hinkwawo ni hinkwaswo leswi a swi endleke ni miti leyi a yi akeke, xana a swi tsariwanga ebukwini+ ya timhaka ta masiku ya tihosi ta Yuda? Ntsena u khomiwe hi vuvabyi bya milenge+ enkarhini wa ku dyuhala kakwe.+ 24  Eku heteleleni Asa a etlela ni vatata wakwe, a lahliwa ni vatata wakwe+ eMutini wa Davhida kokwa wakwe;+ kutani Yehoxafati+ n’wana wakwe a sungula ku fuma ematshan’weni ya yena. 25  Loko ku ri Nadabu+ n’wana wa Yerobuwamu, u ve hosi ya Israyele hi lembe ra vumbirhi ra Asa hosi ya Yuda; u hambete a fuma Israyele malembe mambirhi. 26  A tshamela ku endla swo biha+ ematihlweni ya Yehovha naswona a ya emahlweni a famba endleleni ya tata wakwe+ ni le swidyohweni leswi a dyohiseke+ Israyele ha swona. 27  Kutani Baxa+ n’wana wa Ahiya wa yindlu ya Isakara a sungula ku n’wi endlela xikhiri; Baxa a n’wi dlaya eGibetoni+ lowu a wu ri wa Vafilisita, loko Nadabu ni tiko hinkwaro ra Israyele va sivelele Gibetoni. 28  Hiloko Baxa a n’wi dlaya hi lembe ra vunharhu ra Asa hosi ya Yuda kutani a sungula ku fuma ematshan’weni ya yena.+ 29  Hi ku hatlisa loko a ve hosi, a dlaya yindlu hinkwayo ya Yerobuwamu. A nga siyanga munhu la hefemulaka wa Yerobuwamu ku fikela loko a va lovisile, hi ku landza rito ra Yehovha leri a ri vuleke hi nandza wakwe Ahiya lowa Muxilo,+ 30  hikwalaho ka swidyoho swa Yerobuwamu leswi a swi endleke,+ ni leswi a dyohiseke Israyele ha swona, ni hi xikhunguvanyiso lexi a hlundzukiseke Yehovha Xikwembu xa Israyele ha xona.+ 31  Loko ku ri timhaka letin’wana ta Nadabu ni hinkwaswo leswi a swi endleke, xana a swi tsariwanga ebukwini+ ya timhaka ta masiku ya tihosi ta Israyele? 32  Nyimpi yi va kona exikarhi ka Asa na Baxa hosi ya Israyele emasikwini hinkwawo ya vona.+ 33  Elembeni ra vunharhu ra Asa hosi ya Yuda, Baxa n’wana wa Ahiya u ve hosi ya tiko hinkwaro ra Israyele eTirisa, malembe ya 24.+ 34  A tshamela ku endla swo biha ematihlweni ya Yehovha+ naswona a famba endleleni ya Yerobuwamu+ ni le xidyohweni xakwe lexi a dyohiseke Israyele ha xona.+

Tinhlamuselo ta le hansi