Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Tihosi 13:1-34

13  A ku ri ni munhu+ wa Xikwembu loyi a humeke eYuda hi rito+ ra Yehovha a ta eBethele, loko Yerobuwamu a yime ekusuhi ni alitari+ leswaku a mbulukisa xitlhavelo.+  Hiloko a sandza alitari hi rito ra Yehovha, a ku: “Oho alitari, alitari, Yehovha u te, ‘Waswivo! N’wana la velekeriweke yindlu ya Davhida, loyi vito rakwe ku nga Yosiya!+ Kunene u ta endla xitlhavelo ehenhla ka wena hi vaprista va tindhawu leti tlakukeke lava mbulukisaka xitlhavelo ehenhla ka wena, naswona u ta hisa marhambu ya vanhu ehenhla ka wena.’”+  Kutani a endla xihlamariso+ esikwini rero, a ku: “Lexi i xihlamariso lexi Yehovha a xi vuleke: Waswivo! Alitari yi hlanhliwe hi le xikarhi ni nkuma lowu nga ni mafurha, lowu wu nga ehenhla ka yona, kunene wu ta halatiwa.”  Hi ku hatlisa loko hosi yi twa rito ra munhu wa Xikwembu xa ntiyiso, leswaku u sandze alitari eBethele, xikan’we-kan’we Yerobuwamu a tshambuluta voko ri suka ealitarini, a ku: “N’wi khomeni!”+ Hi ku hatlisa voko leri a ri tshambuluteke ku lwa na yena ri oma, a nga swi kotanga ku ri tlherisela eka yena.+  Alitari hi yoxe yi hlanhleka hi le xikarhi lerova nkuma lowu nga ni mafurha wu halaka ealitarini, hi ku landza xihlamariso lexi munhu wa Xikwembu xa ntiyiso a xi endleke hi rito ra Yehovha.+  Sweswi hosi yi hlamula yi ku eka munhu wa Xikwembu xa ntiyiso: “Ndzi kombela leswaku u kombela Yehovha Xikwembu hi matimba, wena u ndzi khongelela leswaku voko ra mina ri vuyiseriwa eka mina.”+ Hiloko munhu wa Xikwembu xa ntiyiso a kombela+ Yehovha hi matimba lerova voko ra hosi ri vuyiseriwa eka yona, kutani ri fana ni le ku sunguleni.+  Hosi yi ya emahlweni yi byela munhu wa Xikwembu xa ntiyiso yi ku: “A hi ye endlwini u ya dya swakudya,+ mina ndzi ta ku nyika nyiko.”+  Kambe munhu wa Xikwembu xa ntiyiso a ku eka hosi: “Hambiloko a wu ndzi nyike hafu ya yindlu ya wena,+ a ndzi nga ta ya na wena+ ndzi ya dya xinkwa kumbe ndzi ya nwa mati endhawini leyi.  Hikuva u ndzi lerise hi ndlela yoleyo, hi rito ra Yehovha, a ku, ‘U nga tshuki u dya xinkwa+ kumbe u nwa mati, naswona u nga tshuki u tlhela hi ndlela leyi u yeke ha yona.’” 10  Hiloko a famba hi ndlela yin’wana, a nga tlhelanga hi ndlela leyi a teke ha yona eBethele. 11  Kutani muprofeta+ un’wana la dyuhaleke a a tshama eBethele, vana vakwe va fika va n’wi rungulela ntirho hinkwawo lowu munhu wa Xikwembu xa ntiyiso a wu endleke esikwini rero eBethele ni marito lawa a ma byeleke hosi, va ya emahlweni va rungulela tata wa vona. 12  Hiloko tata wa vona a vulavula na vona, a ku: “Xana u fambe hi ndlela yihi?” Kutani vana vakwe va n’wi komba ndlela leyi munhu wa Xikwembu xa ntiyiso la humaka eYuda a fambeke ha yona. 13  Kutani a ku eka vana vakwe: “Ndzi boheleni mbhongolo.” Va n’wi bohela mbhongolo,+ kutani a famba a yi gadile. 14  Hiloko a landzela munhu wa Xikwembu xa ntiyiso, a n’wi kuma a tshame ehansi ka murhi lowukulu.+ Kutani a ku eka yena: “Xana hi wena munhu wa Xikwembu xa ntiyiso loyi a humaka eYuda?”+ yena a ku: “Hi mina.” 15  A ya emahlweni a ku eka yena: “A hi ye endlwini, u ya dya xinkwa.” 16  Kambe a ku: “A ndzi nge swi koti ku tlhela na wena kumbe ku nghena na wena, naswona a ndzi nge xi dyi xinkwa kumbe ku nwa mati swin’we na wena endhawini leyi.+ 17  Hikuva rito ra Yehovha+ ri ndzi byerile, ri ku, ‘U nga tshuki u dya xinkwa kumbe u nwa mati kwalaho. U nga tshuki u tlhela hi ndlela leyi u fambeke ha yona.’”+ 18  Hiloko a ku eka yena: “Na mina ndzi muprofeta ku fana na wena, ntsumi+ yi vulavule na mina hi rito ra Yehovha, yi ku, ‘Vuya na yena endlwini ya wena leswaku a dya xinkwa ni ku nwa mati.’” (A a n’wi xisa.)+ 19  Kutani a tlhela na yena leswaku a dya xinkwa endlwini yakwe ni ku nwa mati.+ 20  Kuteloko va ha tshame etafuleni, rito+ ra Yehovha ri fika eka muprofeta loyi a n’wi tlheriseke; 21  hiloko a sungula ku huwelela munhu wa Xikwembu xa ntiyiso loyi a humaka eYuda, a ku: “Yehovha u te, ‘Hikwalaho ka leswi u xandzukeke+ exilerisweni xa Yehovha, u nga xi hlayisanga xileriso lexi Yehovha Xikwembu xa wena a ku leriseke xona,+ 22  kambe u tlherile leswaku u dya xinkwa ni ku nwa mati endhawini leyi a ku byeleke ha yona, a ku: “U nga tshuki u dya xinkwa kumbe u nwa mati,” ntsumbu wa wena a wu nge fiki exilahlweni xa vatata wa wena.’”+ 23  Kutani endzhaku ka loko a dye xinkwa niloko a nwile, xikan’we-kan’we a n’wi bohela mbhongolo, hileswaku ya muprofeta loyi a n’wi tlheriseke. 24  Hiloko a khoma ndlela. Endzhaku nghala+ yi n’wi kuma egondzweni yi n’wi dlaya,+ ntsumbu wakwe wu lahliwa egondzweni. Mbhongolo a yi yime etlhelo ka wona, ni nghala a yi yime etlhelo ka ntsumbu. 25  A ku ri ni vavanuna lava a va hundza, kutani va vona ntsumbu wu lahliwe egondzweni ni nghala yi yime etlhelo ka ntsumbu. Hiloko va fika va vulavula ha wona emutini lowu muprofeta la dyuhaleke a a tshama eka wona. 26  Loko muprofeta loyi a n’wi tlheriseke endleleni a swi twa, hi ku hatlisa a ku: “I munhu wa Xikwembu xa ntiyiso loyi a xandzukeleke xileriso xa Yehovha;+ hikwalaho Yehovha u n’wi nyikete eka nghala leswaku yi n’wi pfotlosa yi n’wi dlaya, hi ku landza rito ra Yehovha leri a n’wi byeleke rona.”+ 27  Kutani a vulavula ni vana vakwe, a ku: “Ndzi boheleni mbhongolo.” Hiloko va yi bohela.+ 28  Kutani a khoma ndlela ivi a kuma ntsumbu wakwe wu lahliwe egondzweni, mbhongolo ni nghala swi yime etlhelo ka ntsumbu. Nghala a yi wu dyanga ntsumbu wolowo naswona a yi yi pfotlosanga mbhongolo.+ 29  Hiloko muprofeta a tlakula ntsumbu wa munhu wa Xikwembu xa ntiyiso a wu veka embhongolweni, a n’wi vuyisa. Hikwalaho a fika emutini wa muprofeta la dyuhaleke leswaku a ta n’wi rilela ni ku n’wi lahla. 30  Kutani a lahla ntsumbu wakwe exilahlweni xakwe; va hambeta va n’wi rilela,+ va ku: “I khombo, makwerhu!” 31  Endzhaku ka loko a n’wi lahlile, a byela vana vakwe, a ku: “Loko ndzi fa mi fanele mi ndzi lahla exilahlweni lexi munhu wa Xikwembu xa ntiyiso a lahliweke eka xona. Mi lahla marhambu ya mina etlhelo ka marhambu yakwe.+ 32  Hikuva hakunene ri ta hetiseka+ rito ra Yehovha leri a sandzeke ha rona alitari+ leyi nga eBethele ni ku sandza tindlu hinkwato leti ti nga etindhawini leti tlakukeke,+ leti ti nga emitini ya Samariya.”+ 33  Endzhaku ka nchumu lowu Yerobuwamu a nga tlhelanga endleleni yakwe yo biha, kambe u tlhele a endla vaprista va tindhawu leti tlakukeke hi vanhu lava tolovelekeke.+ Loko ku ri un’wana ni un’wana la tsakisiwaka hi swona, a a tata voko rakwe hi matimba,+ a ku: “A a ve un’wana wa vaprista va tindhawu leti tlakukeke.” 34  Eka nchumu lowu, ku va ni xivangelo xa ku dyoha eka vandyangu wa Yerobuwamu+ ni ndlela ya ku va herisa ni ku va lovisa evuandlalweni bya misava.+

Tinhlamuselo ta le hansi