Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 9:1-27

9  Kutani ku va ni munhu wa Benjamini, vito rakwe a ku ri Kixi+ n’wana wa Abiyele, n’wana wa Serori, n’wana wa Bekorati, n’wana wa Afiya lowa ka Benjamini,+ munhu wa rifuwo lerikulu.+  A a ri ni n’wana loyi vito rakwe a ku ri Sawulo,+ a ri ntsongo naswona a sasekile, a ku nga ri na wanuna eka vana va Israyele loyi a a saseke ku n’wi tlula; ku sukela emakatleni ku ya ehenhla a a lehilenyana ku tlula vanhu hinkwavo.+  Hiloko timbhongolo ta matswele+ ta Kixi tata wa Sawulo ti lahleka. Kutani Kixi a byela Sawulo n’wana wakwe a ku: “Ndzi kombela u teka un’wana wa vatirhi, mi suka mi ya lava timbhongolo ta matswele.”  A tsemakanya endhawini ya tintshava ya Efrayimi,+ a tsemakanya etikweni ra Xalixa,+ kambe a va ti kumanga. Va tsemakanya etikweni ra Xalimi, kambe a ti nga ri kona. A ya emahlweni a tsemakanya etikweni ra va ka Benjamini, kambe a va ti kumanga.  Va fika etikweni ra Zufu; loko ku ri Sawulo a byela mutirhi wakwe loyi a a ri na yena a ku: “Tana, a hi tlhele, leswaku tatana a nga tshiki ku langutela timbhongolo ta matswele, a vilela hi hina.”+  Kambe a ku eka yena: “Ndza ku kombela, waswivo! Ku ni munhu wa Xikwembu+ emutini lowu, munhu loyi wa xiximiwa. Hakunene hinkwaswo leswi a swi vulaka swa hetiseka.+ A hi ye kona sweswi. Kumbexana a nga hi byela ndlela leyi hi faneleke hi famba ha yona.”  Hiloko Sawulo a byela mutirhi wakwe a ku: “Loko ho ya, hi ta n’wi nyika yini munhu yoloye?+ hikuva xinkwa a xa ha ri kona eswikutswini swa hina, kutani a hi na nchumu lowu hi nga wu nyikaka munhu wa Xikwembu xa ntiyiso wu va nyiko.+ Xana hi na yini?”  Mutirhi a hlamula Sawulo nakambe a ku: “Waswivo! Ku ni kotara ya xikele+ ya silivhere evokweni ra mina, ndzi ta yi nyika munhu wa Xikwembu xa ntiyiso, u ta hi byela ndlela ya hina.”  (Eminkarhini yo sungula eIsrayele, munhu a a ta vulavurisa xileswi loko a ya lava Xikwembu: “Tanani, a hi yeni eka la vonaka ka ha ri emahlweni.”+ Hikuva muprofeta wa namuntlha a a vitaniwa la vonaka ka ha ri emahlweni eminkarhini yo sungula.) 10  Kutani Sawulo a byela mutirhi wakwe a ku: “Rito ra wena i rinene.+ Tana, a hi fambe.” Hiloko va ya emutini laha munhu wa Xikwembu xa ntiyiso a a ri kona. 11  Loko va ri karhi va tlhandluka exigangeni lexi tlhandlukelaka emutini, va kuma vanhwanyana va huma ku ya ka mati.+ Kutani va ku eka vona: “Xana ku ni la vonaka ka ha ri emahlweni+ endhawini leyi?” 12  Va va hlamula va ku: “U kona. Maswivo! U le mahlweni ka n’wina. Hatlisani, hikuva namuntlha u tile emutini, hikuva namutlha ku ni xitlhavelo+ xa vanhu endhawini leyi tlakukeke.+ 13  Hi ku hatlisa loko mi fika emutini, mi ta n’wi kuma a nga si tlhandlukela endhawini leyi tlakukeke a ya dya; hikuva vanhu a va nge dyi kukondza a fika, hikuva hi yena la katekisaka xitlhavelo.+ Endzhaku ka sweswo lava va rhambiweke va nga dya. Kutani tlhandlukani, hikuva—sweswi mi ta n’wi kuma.” 14  Hiloko va tlhandlukela emutini. Loko va ha nghena exikarhi ka muti, Samuwele a ri karhi a ta a va hlanganisa leswaku va tlhandlukela endhawini leyi tlakukeke. 15  Loko ku ri Yehovha, u pfule ndleve+ ya Samuwele, ka ha sele siku leswaku Sawulo a ta, a n’wi byela a ku: 16  “Mundzuku hi nkarhi lowu, ndzi ta rhumela munhu eka wena a huma etikweni ra Benjamini,+ u fanele u n’wi tota+ a va murhangeri wa vanhu va mina, ku nga Israyele; u fanele a ponisa vanhu va mina evokweni ra Vafilisita,+ hikuva ndzi vone ku xaniseka ka vanhu va mina, hikuva xirilo xa vona xi fike eka mina.”+ 17  Samuwele a vona Sawulo, loko ku ri Yehovha a n’wi hlamula a ku: “Hi loyi munhu loyi ndzi ku byeleke ha yena ndzi ku, ‘Hi yena la nga ta hlayisa vanhu va mina va ri ehansi ka swipimelo.’”+ 18  Kutani Sawulo a tshinela eka Samuwele exikarhi ka nyangwa, a ku: “Ndzi kombela u ndzi byela, Kahle-kahle yi kwihi yindlu ya la vonaka ka ha ri emahlweni?” 19  Samuwele a hlamula Sawulo a ku: “Hi mina la vonaka ka ha ri emahlweni. Tlhandlukani emahlweni ka mina mi ya endhawini leyi tlakukeke, mi fanele mi dya na mina namuntlha,+ mina ndzi ta mi tshika mi famba nimixo, kutani ndzi ta mi byela hinkwaswo leswi nga embilwini ya n’wina.+ 20  Malunghana ni timbhongolo ta matswele leti a ti lahlekile masiku manharhu lama hundzeke,+ mi nga veki mbilu+ ya n’wina eka tona, hikuva ti kumiwile. Xana leswi navelekaka hinkwaswo swa Israyele i swa mani?+ Xana a hi swa wena ni swa yindlu hinkwayo ya tata wa wena?” 21  Hiloko Sawulo a n’wi hlamula a ku: “Xana a ndzi wa ka Benjamini, etinyimbeni letitsongo ngopfu+ ta Israyele,+ xana ndyangu wa ka hina a hi lowu nga nyawuriki eka mindyangu hinkwayo ya nyimba ya Benjamini?+ Hikwalaho, ha yini u vulavule nchumu wo fana ni lowu eka mina?”+ 22  Kutani Samuwele a teka Sawulo ni mutirhi wakwe, a va tisa eholweni yo dyela, a va nyika ndhawu leyi nga emahlweni+ ka lava va rhambiweke; a ku ri vavanuna va kwalomu ka 30. 23  Endzhaku, Samuwele a byela musweki a ku: “Ndzi nyike xiphemu lexi ndzi ku nyikeke xona, lexi ndzi ku byeleke ndzi ku, ‘Xi veke eka wena.’” 24  Hiloko musweki a tlakula nyama ya nenge ni leswi a swi ri eka yona, a yi veka emahlweni ka Sawulo. A n’wi byela a ku: “Leswi swi vekiweke hi leswi. Swi veke emahlweni ka wena. Dyana, hikuva swi hlayiseriwe wena leswaku u ta swi dya ni lava va rhambiweke hi nkarhi lowu vekiweke.” Kutani Sawulo a dya na Samuwele esikwini rero. 25  Endzhaku ka sweswo va rhelela va suka endhawini leyi tlakukeke+ va ya emutini, yena a ya emahlweni a vulavula na Sawulo a ri elwangwini ra yindlu.+ 26  Kutani va pfuka nimpundzu swinene, kuteloko vurhonga byi tlhandlukile, Samuwele a vitana Sawulo a ri elwangwini ra yindlu, a ku: “Pfuka, leswaku ndzi ta ku tshika u famba.” Hiloko Sawulo a pfuka, kutani yena na Samuwele va humela ehandle. 27  Loko va ri karhi va rhelela etlhelo ka muti, Samuwele a byela Sawulo a ku: “Byela mutirhi+ leswaku a hundza, a famba emahlweni ka hina”—hiloko a hundza—“loko ku ri wena, yima sweswi, u nga fambi leswaku ndzi ta ku twisa rito ra Xikwembu.”

Tinhlamuselo ta le hansi