Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 8:1-22

8  Hi ku hatlisa loko Samuwele a kurile, u veke+ vana vakwe leswaku va va vaavanyisi va Israyele.  Vito ra n’wana wakwe wa mativula a ku ri Yuwele,+ vito ra n’wana wakwe wa vumbirhi a ku ri Abiya;+ a va avanyisela eBera-xeba.  Vana vakwe a va fambanga etindleleni takwe,+ kambe a va voyamele eku landzeleni ka bindzu leri nga lulamangiki,+ a va amukela xifumbarheriso,+ va soholota vuavanyisi.+  Hi ku famba ka nkarhi vakulukumba hinkwavo va Israyele+ va hlengeletana va ta eka Samuwele eRhama  va ku eka yena: “Waswivo! Wena u kurile, kambe vana va wena a va fambanga etindleleni ta wena. Sweswi hi vekele hosi+ leswaku yi hi avanyisa ku fana ni matiko hinkwawo.”  Kambe nchumu lowu a wu bihile ematihlweni ya Samuwele, tanihi leswi va nga vula va ku: “Hi nyike hosi leswaku yi hi avanyisa,” Samuwele a sungula ku khongela eka Yehovha.+  Hiloko Yehovha a byela Samuwele+ a ku: “Yingisa rito ra vanhu malunghana ni hinkwaswo leswi va ku byelaka swona;+ hikuva a va bakanyanga wena, kambe va bakanye mina leswaku ndzi nga vi hosi+ ya vona.  Hi ku pfumelelana ni swiendlo swa vona hinkwaswo leswi va swi endleke ku sukela esikwini leri ndzi va humeseke ha rona aEgipta+ ku ta fikela esikwini leri, hi ku va va ndzi siyile+ va tirhela swikwembu swin’wana,+ hi yona ndlela leyi va endlaka ha yona ni le ka wena.  Sweswi yingisa rito ra vona. Ntsena, u ta va lemukisa swinene, u fanele u va byela mfanelo leyi lulameke ya hosi leyi nga ta va fuma.”+ 10  Kutani Samuwele a byela vanhu marito hinkwawo ya Yehovha, lava a va kombela hosi eka yena. 11  A ku: “Leyi yi ta va mfanelo+ leyi lulameke ya hosi leyi nga ta mi fuma: yi ta teka+ vana va n’wina va majaha yi va veka va va va yona emakalichini+ ya yona ni le xikarhi ka vagadi va yona va tihanci,+ van’wana va ta boheka ku tsutsuma emahlweni ka makalichi ya yona;+ 12  naswona yi ta tivekela varhangeri ehenhla ka vanhu va magidi,+ ni varhangeri ehenhla ka vanhu va makumentlhanu,+ van’wana va rima+ ni ku tshovela ntshovelo wa yona,+ ni ku yi endlela switirhisiwa+ swa yona swa nyimpi ni switirhisiwa swa yona swa makalichi ya yona.+ 13  Vana va n’wina va vanhwanyana yi ta va teka leswaku va pfanganisa mafurha, va sweka naswona va baka.+ 14  Yi ta teka masimu ya n’wina ni masimu ya n’wina ya vhinya+ ni mirhi ya n’wina ya mitlhwari,+ leyinene ku yi tlula, kunene yi swi nyika malandza ya yona. 15  Yi ta teka xiphemu xa vukhume xa masimu ya timbewu ni masimu ya n’wina ya vhinya,+ entiyisweni yi ta swi nyika vatirhi+ va yona va le hubyeni ni malandza ya yona. 16  Yi ta teka malandza ya n’wina ya xinuna ni ya xisati ni mintlhambi ya n’wina ya tihomu leyinene ngopfu, ni timbhongolo ta n’wina, yi ta swi tirhisela ntirho wa yona.+ 17  Emintlhambini+ ya n’wina ya tinyimpfu yi ta teka vukhume, na n’wina mi ta va malandza ya yona. 18  Kunene mi ta huwelela esikwini rero hikwalaho ka hosi ya n’wina leyi mi tihlawuleleke yona,+ kambe Yehovha a nge mi hlamuli esikwini rero.”+ 19  Hambiswiritano, vanhu va ale ku yingisa rito ra Samuwele,+ va ku: “E-e, kambe hosi yi ta va ehenhla ka hina. 20  Na hina hi fanele hi fana ni matiko hinkwawo,+ hosi ya hina yi fanele yi hi avanyisa naswona yi hi rhangela yi lwa tinyimpi ta hina.” 21  Samuwele a yingisa marito hinkwawo ya vanhu; hiloko a ma vulavula etindleveni ta Yehovha.+ 22  Yehovha a ya emahlweni a byela Samuwele a ku: “Yingisa rito ra vona, u fanele u endla leswaku hosi yi va fuma.”+ Hikwalaho Samuwele a byela vavanuna va Israyele a ku: “Un’wana ni un’wana wa n’wina a a ye emutini wa rikwavo.”

Tinhlamuselo ta le hansi