Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 7:1-17

7  Hikwalaho vavanuna va Kiriyati-yeyarimi+ va fika va humesa areka ya Yehovha, va yi teka va yi nghenisa endlwini ya Abinadaba+ exitsungeni, Eliyazara n’wana wakwe hi yena loyi va nga n’wi hlawulekisela ku rindza areka ya Yehovha.  Ku sukela esikwini leri Areka yi tshameke eKiriyati-yeyarimi ha rona, masiku ma ya emahlweni ma andza, lerova ma ringana malembe ya 20, yindlu hinkwayo ya Israyele yi rilela Yehovha.+  Kutani Samuwele a byela yindlu hinkwayo ya Israyele a ku: “Loko mi vuyela eka Yehovha hi mbilu ya n’wina hinkwayo,+ susani swikwembu swa n’wina swimbe exikarhi+ ka n’wina ni swifaniso swa Axitoreti,+ mi kongomisa mbilu ya n’wina eka Yehovha hi ku kongoma, mi tirhela yena a ri yexe,+ kutani u ta mi kutsula evokweni ra Vafilisita.”+  Hiloko vana va Israyele va susa Vabali+ ni swifaniso swa Axitoreti,+ va sungula ku tirhela Yehovha a ri yexe.  Kutani Samuwele a ku: “Hlengeletani tiko hinkwaro ra Israyele+ eMizpa+ leswaku ndzi ta mi khongelela+ eka Yehovha.”  Hiloko va hlengeletana eMizpa, kutani va ka mati va ma chulula emahlweni ka Yehovha, va hambeta va titsona swakudya esikwini rero.+ Kwalaho va sungula ku vula va ku: “Hi dyohele Yehovha.”+ Kutani Samuwele a avanyisa+ vana va Israyele eMizpa.  Vafilisita va twa leswaku vana va Israyele va hlengeletane eMizpa, hiloko tihosi+ leti tirhisanaka ta Vafilista ti khoma ndlela ku ya lwa na Israyele. Loko vana va Israyele va swi twa, va sungula ku chava Vafilisita.+  Kutani vana va Israyele va byela Samuwele va ku: “U nga tshami u miyerile u nga hi kombeleli mpfuno+ wa Yehovha Xikwembu xa hina leswaku a hi ponisa evokweni ra Vafilisita.”  Hiloko Samuwele a teka xinyimpfana lexi xa ha an’waka, a xi nyikela xi va gandzelo ro hisiwa, gandzelo leri heleleke+ eka Yehovha; kutani Samuwele a sungula ku kombela Yehovha leswaku a pfuna Israyele,+ Yehovha a n’wi hlamula.+ 10  Kuteloko Samuwele a ha nyikela gandzelo ro hisiwa, Vafilisita va tshinela ku lwa na Israyele. Yehovha a endla leswaku ku va ni ku dzindza loku nga ni huwa leyikulu+ esikwini rero, ku lwa ni Vafilisita, leswaku a va pfilunganya;+ kutani va hluriwa emahlweni ka Israyele.+ 11  Hiloko vavanuna va Israyele va huma hi rivilo ku suka eMizpa, va hlongorisa Vafilisita naswona va va dlayetela ku ya fika edzongeni wa Beta-kara. 12  Kutani Samuwele a teka ribye+ a ri veka exikarhi ka Mizpa na Yexana, a ri thya vito ra Ebenezere. Hiloko a ku: “Yehovha u hi pfunile ku ta fikela sweswi.”+ 13  Hikwalaho Vafilista va hluriwile, naswona a va ha tlhelanga va ta endhawini ya Israyele;+ voko ra Yehovha ri hambeta ri lwa ni Vafilisita masiku hinkwawo ya Samuwele.+ 14  Miti leyi Vafilisita a va yi tekele Israyele yi hambeta yi vuyela eka Israyele ku sukela aEkroni ku ya eGati, Israyele a kutsula ndhawu ya vona evokweni ra Vafilisita. Kutani ku va ni ku rhula exikarhi ka Israyele ni Vaamori.+ 15  Samuwele a ya emahlweni a avanyisa Israyele emasikwini hinkwawo ya vutomi byakwe.+ 16  Kutani a a famba lembe ni lembe a rhendzela Bethele+ na Giligala+ na Mizpa,+ a avanyisa Israyele+ etindhawini leti hinkwato. 17  Kambe u tlhelele eRhama,+ hikuva yindlu yakwe a yi ri kwalaho, naswona u avanyisele Israyele kwalaho. Kutani a akela Yehovha alitari kwalaho.+

Tinhlamuselo ta le hansi