Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 5:1-12

5  Loko ku ri Vafilisita, va teke areka+ ya Xikwembu xa ntiyiso kutani va yi susa aEbenezere va yi tisa eAxidodo.+  Hiloko Vafilisita va teka areka ya Xikwembu xa ntiyiso va yi tisa endlwini ya Dagoni, va yi yimisa etlhelo ka Dagoni.+  Vaaxidodo va pfuka nimpundzu swinene hi siku leri tlhandlamaka, Dagoni a a wile, xikandza xakwe xi langute emisaveni emahlweni ka areka ya Yehovha.+ Hiloko va teka Dagoni va n’wi tlherisela endhawini yakwe.+  Loko va pfuka nimixo wa siku leri tlhandlamaka, Dagoni a a wile, xikandza xakwe xi langute emisaveni emahlweni ka areka ya Yehovha, nhloko ya Dagoni ni swandla swa mavoko yakwe hamambirhi swi tsemiwile enyangweni.+ A ku sele xiphemu lexi nga nhlampfi ntsena eka yena.  Hi yona mhaka leyi vaprista va Dagoni ni hinkwavo lava va nghenaka endlwini ya Dagoni va nga kandziyiki ehenhla ka nyangwa ya Dagoni eAxidodo ku ta fikela esikwini leri.  Kutani voko ra Yehovha+ ri tikela Vaaxidodo, a sungula ku va chavisa ni ku va ba hi mpfimbo wa xiheta-mavele,+ ku nga Axidodo ni tindhawu ta rona.  Loko vavanuna va Axidodo va vone leswaku a swi ri tano, va ku: “U nga pfumeleli areka ya Xikwembu xa Israyele leswaku yi tshama na hina, hikuva voko ra xona ri karihele hina na Dagoni xikwembu xa hina.”+  Hikwalaho va rhumela rito leswaku ku ya hlengeletiwa tihosi hinkwato leti tirhisanaka ta Vafilisita ti ta eka vona, va ku: “Xana hi ta endla yini hi areka ya Xikwembu xa Israyele?” Eku heteleleni va ku: “Areka ya Xikwembu xa ntiyiso a hi yi yiseni etlhelweni ra le Gati.”+ Hiloko va tisa areka ya Xikwembu xa Israyele etlhelo rero.  Kutani endzhaku ka loko va yi tise etlhelo rero, voko ra Yehovha+ ri va ehenhla ka muti wolowo hi ku pfilunganyeka lokukulu, a ba vavanuna va muti, ku sukela eka lontsongo ku ya eka lonkulu, va sungula ku pfimba xiheta-mavele.+ 10  Hikwalaho va rhumela areka ya Xikwembu xa ntiyiso aEkroni.+ Hi ku hatlisa loko areka ya Xikwembu xa ntiyiso yi fika aEkroni, Vaekroni va sungula ku huwelela va ku: “Va tise areka ya Xikwembu xa Israyele eka mina leswaku va ndzi dlaya, mina ni vanhu va mina!”+ 11  Hikwalaho va rhumela rito leswaku ku hlengeletiwa tihosi hinkwato leti tirhisanaka ta Vafilisita, va ku: “Tshikani areka ya Xikwembu xa Israyele yi famba, leswaku yi tlhelela endhawini ya yona, yi nga ndzi dlayi, mina ni vanhu va mina.” Hikuva ku ve ni ku pfilunganyeka loku dlayaka emutini hinkwawo;+ voko ra Xikwembu xa ntiyiso a ri tika ngopfu kwalaho,+ 12  Kasi vanhu lava poneke va dlayiwe hi mpfimbo wa xiheta-mavele.+ Kutani xirilo+ xa muti xa ku kombela ku pfuniwa xi hambeta xi tlhandlukela ematilweni.

Tinhlamuselo ta le hansi