Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 31:1-13

31  Vafilisita a va lwa na Israyele,+ kutani vavanuna va Israyele va baleka va suka emahlweni ka Vafilisita, va hambeta va wa va dlayiwile+ eNtshaveni ya Gilbowa.+  Vafilisita va tshinela ekusuhi ngopfu na Sawulo ni vana vakwe; eku heteleleni Vafilisita va dlaya Yonathani+ na Abinadaba+ na Maliki-xuwa,+ vana va Sawulo.  Ku lwa ku tikela Sawulo, eku heteleleni vacopi ni vavanuna va vurha va n’wi kuma, kutani vacopi va n’wi vavisa ngopfu.+  Hiloko Sawulo a byela murhwali wa swihlomo swakwe swa nyimpi a ku: “Hlomula banga+ ra wena u ndzi tlhava hi rona, leswaku vavanuna lava va nga yimbangiki+ va nga fiki kunene va ndzi tlhava, va ndzi khoma hi tihanyi.” Murhwali wa swihlomo swakwe swa nyimpi a a nga swi lavi,+ hikuva a a chava ngopfu. Kutani Sawulo a teka banga a wela ehenhla ka rona.+  Loko murhwali wa swihlomo swakwe swa nyimpi a vona leswaku Sawulo u file,+ hiloko na yena a wela ehenhla ka banga rakwe a fa swin’we na yena.+  Hikwalaho Sawulo ni vana vakwe vanharhu ni murhwali wa swihlomo swakwe swa nyimpi, hambi ku ri vavanuna vakwe hinkwavo, va fa hinkwavo esikwini rero.+  Loko vavanuna va Israyele lava a va ri exifundzheni xa rivala ra le hansi ni lava a va ri exifundzheni xa Yordani va vona leswaku vavanuna va Israyele va balekile, nileswaku Sawulo ni vana vakwe va file, hiloko va sungula ku siya miti va baleka,+ endzhaku ka sweswo Vafilisita va fika va tshama eka yona.+  Esikwini leri tlhandlamaka, loko Vafilisita va fika ku ta hluvula lava va dlayiweke,+ va kume Sawulo ni vana vakwe vanharhu va wile eNtshaveni ya Gilbowa.+  Va tsema nhloko+ yakwe va n’wi hluvula swihlomo swakwe swa nyimpi naswona va rhumela rito etikweni ra Vafilisita hinkwaro leswaku ku tivisiwa+ tindlu ta swifaniso swa vona swa hava,+ ni vanhu. 10  Eku heteleleni va veka swihlomo swakwe swa nyimpi+ endlwini ya swifaniso swa Axitoreti,+ ntsumbu wakwe va wu bohelela erirhangwini ra Beta-xani.+ 11  Malunghana na yena, vaaki va le Yabexe-giliyadi+ va twa leswi Vafilisita va swi endleke eka Sawulo. 12  Hi ku hatlisa vavanuna hinkwavo va vurhena va suka va yima va famba vusiku hinkwabyo kutani va teka ntsumbu wa Sawulo ni mintsumbu ya vana vakwe yi suka erirhangwini ra Beta-xani va fika eYabexe va yi hisela kona.+ 13  Kutani va teka marhambu+ ya vona va ma lahla+ ehansi ka murhi wa mutamarisiki+ eYabexe, va titsona swakudya masiku ya nkombo.+

Tinhlamuselo ta le hansi