Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 3:1-21

3  Nkarhi lowu hinkwawo mufana loyi Samuwele a a tirhela+ Yehovha emahlweni ka Eli, naswona rito leri humaka eka Yehovha+ a ri kala emasikwini wolawo;+ a ku ri hava xivono+ lexi a xi twarisiwa hinkwako-nkwako.  Kutani esikwini rero Eli a a etlele endhawini yakwe, mahlo yakwe a ma sungule ku tsana;+ a a nga ha swi koti ku vona.  Rivoni ra Xikwembu a ri nga si timiwa, Samuwele a a etlele etempeleni+ ya Yehovha laha areka ya Xikwembu a yi ri kona.  Yehovha a vitana Samuwele. Hiloko yena a ku: “Hi mina loyi.”+  Kutani a tsutsumela eka Eli, a ku: “Hi mina loyi, hikuva u ndzi vitanile.” Kambe yena a ku: “A ndzi ku vitananga. Tlhela u ya etlela.” Kutani a ya etlela.  Yehovha a ya emahlweni a vitana nakambe, a ku: “Samuwele!”+ Hiloko Samuwele a pfuka a ya eka Eli, a ku: “Hi mina loyi, hikuva u ndzi vitanile.” Kambe yena a ku: “A ndzi ku vitananga n’wananga.+ Tlhela u ya etlela.”  (Loko ku ri Samuwele a a nga si n’wi tiva Yehovha, rito ra Yehovha a ri nga si hlavuteriwa eka yena.)+  Kutani Yehovha a vitana nakambe ra vunharhu, a ku: “Samuwele!” Hiloko a pfuka a ya eka Eli, a ku: “Hi mina loyi, hikuva u fanele u ndzi vitanile.” Eli a sungula ku xiya leswaku a ku ri Yehovha loyi a a vitana mufana loyi.  Hikwalaho Eli a byela Samuwele a ku: “Famba u ya etlela, kutaku loko a ku vitana, u fanele u ku, ‘Yehovha, vulavula hikuva nandza wa wena u yingisile.’” Kutani Samuwele a famba a ya etlela endhawini yakwe. 10  Hiloko Yehovha a ta kutani a yima endhawini yakwe, a vitana kukota minkarhi yin’wana a ku: “Samuwele, Samuwele!” Hiloko Samuwele a ku: “Vulavula, hikuva nandza wa wena u yingisile.”+ 11  Yehovha a ya emahlweni a byela Samuwele a ku: “Waswivo, ndzi endla+ nchumu wo karhi eIsrayele, lowu loko munhu a wu twa, tindleve takwe ti nga ta hlohlonya.+ 12  Esikwini rero ndzi ta hetisisa eka Eli hinkwaswo leswi ndzi swi vuleke malunghana ni yindlu yakwe, ku sukela eku sunguleni ku ya emakumu.+ 13  U fanele u n’wi byela leswaku ndzi avanyisa yindlu+ yakwe hilaha ku nga riki na makumu hikwalaho ka xihoxo lexi a xi tivaka,+ hikuva vana vakwe va tisa ndzhukano eka Xikwembu,+ kutani a nga va tshinyanga.+ 14  Hi yona mhaka leyi ndzi hlambanyeleke yindlu ya Eli leswaku xihoxo xa yindlu ya Eli a xi nge tshikiwi xi nga xupuriwi, hi xitlhavelo kumbe hi gandzelo hilaha ku nga riki na makumu.”+ 15  Kutani Samuwele a etlela ku fikela nimixo. Hiloko a pfula tinyangwa ta yindlu ya Yehovha.+ Samuwele a a chava ku byela Eli leswi humeleleke.+ 16  Kambe Eli a vitana Samuwele a ku: “Samuwele n’wananga!” Hiloko a ku: “Hi mina loyi.” 17  A ya emahlweni a ku: “Hi rihi rito leri a ku byeleke rona? Ndzi kombela u nga ndzi fihleli rona.+ Onge Xikwembu xi nga endla tano eka wena, onge xi nga engetela eka swona+ loko wo ndzi fihlela rito ni rin’we ra leswi xi ku byeleke swona.” 18  Kutani Samuwele a n’wi byela marito hinkwawo, a nga n’wi fihlelanga nchumu. Hiloko a ku: “I Yehovha. Leswi swi nga swinene ematihlweni yakwe a a swi endle.”+ 19  Samuwele a ya emahlweni a kula, naswona Yehovha a va na yena,+ a nga endlanga leswaku ni rin’we ra marito yakwe hinkwawo ri wela emisaveni.+ 20  Kutani tiko hinkwaro ra Israyele ku sukela eDani ku ya eBera-xeba+ ri swi lemuka leswaku Samuwele a a ri yena la nyikiweke xikhundlha xa ku va muprofeta wa Yehovha.+ 21  Yehovha a humelela nakambe+ eXilo, hikuva Yehovha u tihlavutele eka Samuwele eXilo hi rito ra Yehovha.+

Tinhlamuselo ta le hansi