Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 29:1-11

29  Kutani Vafilisita+ va hlengeleta vanhu lava a va ri emixaxeni ya vona hinkwayo eAfeke, kasi Vaisrayele a va dzime mixaxa ekusuhi ni xihlovo lexi a xi ri eYizriyele.+  Tihosi+ leti tirhisanaka ta Vafilisita a ti hundza ti ri madzana ni magidi, Davhida ni vavanuna vakwe a va hundza endzhaku ka sweswo va ri na Akixi.+  Tihosana ta Vafilisita ti ku: “Xana Vaheveru+ lava va vula yini?” Hiloko Akixi a byela tihosana ta Vafilisita a ku: “Xana loyi a hi Davhida nandza wa Sawulo hosi ya Israyele, loyi a a ri na mina laha ku ringana lembe rin’we kumbe mambirhi,+ a ndzi kumanga+ nchumu eka yena ku sukela esikwini leri a balekeleke eka mina ha rona ku ta fikela esikwini leri?”  Kutani tihosana ta Vafilisita ti n’wi hlundzukela; tihosana ta Vafilisita ti ya emahlweni ti ku eka yena: “Tlherisa munhu loyi,+ n’wi tlherisele endhawini yakwe leyi u n’wi aveleke yona; u nga n’wi pfumeleli a rhelela a ya enyimpini na hina, leswaku a nga kanetani+ na hina enyimpini. Xana munhu loyi a nga endla yini leswaku a tsakeriwa hi hosi yakwe? Xana a ku nge vi hi tinhloko ta vavanuna va hina?  Xana a hi yena Davhida loyi a va hamba va n’wi phata hi mincino, va ku, ‘Sawulo u dlaye magidi yakwe, kambe Davhida u dlaye makume yakwe ya magidi’?”+  Hikwalaho Akixi+ a vitana Davhida a ku eka yena: “Leswi Yehovha a hanyaka,+ u lulamile, naswona ku huma ka wena ni ku nghena+ ka wena na mina enxaxeni a ku ri kunene ematihlweni ya mina;+ hikuva a ndzi kumanga vubihi eka wena ku sukela esikwini leri u fikeke ha rona eka mina ku fikela esikwini leri.+ Kambe ematihlweni ya tihosi+ leti tirhisanaka a wu lulamanga.  Sweswi tlhela, u famba hi ku rhula, leswaku u nga endli nchumu wo biha ematihlweni ya tihosi leti ti tirhisanaka ta Vafilisita.”  Kambe, Davhida a byela Akixi a ku: “Ha yini, xana ndzi endle yini+ naswona i yini lexi u xi kumeke eka nandza wa wena ku sukela esikwini leri ndzi fikeke ha rona emahlweni ka wena ku ta fikela esikwini leri,+ leswaku ndzi nga fiki ndzi ta lwa ni valala va hosi yanga leyi nga mufumi?”  Hiloko Akixi a hlamula Davhida a ku: “Ndzi swi tiva kahle leswaku u ve lonene ematihlweni ya mina, ku fana ni ntsumi ya Xikwembu.+ Ntsena ku vule tihosana ta Vafilisita ti ku, ‘U nga n’wi pfumeleli a tlhandluka na hina enyimpini.’ 10  Kutani pfuka ka ha ri mpundzu swinene ni malandza ya hosi ya wena lawa ma teke na wena; mi fanele mi pfuka ka ha ri mpundzu swinene loko ri sungula ku xa. Mi famba.”+ 11  Hikwalaho Davhida a pfuka ka ha ri mpundzu swinene, yena ni vavanuna vakwe, leswaku va famba nimixo+ va tlhelela etikweni ra Vafilisita; Vafilista vona va tlhandlukela eYizriyele.+

Tinhlamuselo ta le hansi