Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 28:1-25

28  Emasikwini wolawo, Vafilisita va sungula ku hlengeleta lava a va ri emixaxeni ya vona leswaku va nghena evuthwini va ya lwa na Israyele.+ Kutani Akixi a byela Davhida a ku: “Handle ko kanakana u swi tiva kahle leswaku u fanele u huma na mina hi ya enxaxeni, wena ni vavanuna va wena.”+  Hiloko Davhida a byela Akixi a ku: “Hi yona mhaka leyi wena u tivaka leswi nandza wa wena a nga ta swi endla.” Hikwalaho Akixi a ku eka Davhida: “Hi yona mhaka leyi ndzi nga ta ku veka u va murindzi wa nhloko ya mina nkarhi hinkwawo.”+  Sweswi Samuwele a a file, kutani tiko hinkwaro ra Israyele a ri n’wi rilela ri tlhela ri n’wi lahla eRhama, muti wakwe.+ Loko ku ri Sawulo, a a suse vangoma ni vavhumbhi lavakulu va swiendlakalo etikweni.+  Hikwalaho Vafilisita va hlengeletana va fika va dzima mixaxa eXunemi.+ Kutani Sawulo a hlengeleta tiko hinkwaro ra Israyele, va dzima mixaxa eGilbowa.+  Loko Sawulo a vona nxaxa wa Vafilisita, a chava, kutani mbilu yakwe yi rhurhumela swinene.+  Hambiloko Sawulo a vutisa Yehovha,+ Yehovha a nga ha n’wi hlamulanga,+ hambi ku ri hi milorho+ kumbe hi Urimi+ kumbe hi vaprofeta.+  Eku heteleleni Sawulo a byela malandza yakwe a ku: “Ndzi laveleni wansati la nga mutshila wa vungoma,+ ndzi ta ya eka yena ndzi n’wi vutisa.” Kutani malandza yakwe ma ku eka yena: “Waswivo! Ku ni wansati la nga mutshila wa vungoma aEni-dori.”+  Hikwalaho Sawulo a tiendla va nga n’wi tivi+ hi ku ambala tinguvu tin’wana, a famba, yena ni vavanuna vambirhi va ri na yena; va fike eka wansati loyi nivusiku.+ Kutani a ku: “Ndzi kombela u ndzi hlahluvela+ hi vungoma u ndzi humesela loyi ndzi nga ta ku byela yena.”  Kambe wansati loyi a ku eka yena: “Wena u swi tiva kahle leswi Sawulo a swi endleke, ndlela leyi a suseke vangoma ha yona ni vavhumbhi lavakulu va swiendlakalo etikweni.+ Kutani, ha yini u tiendla muphasi wa moya-xiviri wa mina leswaku ndzi dlayiwa?”+ 10  Hi ku hatlisa Sawulo a n’wi hlambanyela hi Yehovha, a ku: “Leswi Yehovha a hanyaka,+ a wu nge voniwi nandzu emhakeni leyi!” 11  Hiloko wansati loyi a ku: “Xana ndzi ku humesela mani?” Yena a ku: “Ndzi humesele Samuwele.”+ 12  Loko wansati loyi a vona “Samuwele”+ a sungula ku rila hi rito ra le henhla; wansati loyi a ya emahlweni a ku eka Sawulo: “Ha yini u ndzi kanganyisile, kasi wena u Sawulo?” 13  Kambe hosi yi ku eka yena: “U nga chavi, kambe u vone yini?” Wansati loyi a ya emahlweni a byela Sawulo a ku: “Ndzi vone xikwembu+ xi tlhandluka xi huma emisaveni.” 14  Xikan’we-kan’we a ku eka yena: “Xivumbeko xa xona xi njhani?” yena a ku: “I mukhalabye la tlhandlukaka, naswona u tifunengete hi nguvu yo pfumala mavoko.”+ Hiloko Sawulo a swi xiya leswaku a ku ri “Samuwele,”+ kutani a korhamela ehansi xikandza xakwe xi langute emisaveni, a tiwisela ehansi. 15  Kutani “Samuwele” a ku eka Sawulo: “Ha yini u ndzi karhatile hi ku lava leswaku ndzi tlhandlukisiwa?”+ Sawulo a ku: “Ndzi le nhlomulweni lowukulu ngopfu,+ hileswi Vafilisita va lwaka na mina, naswona Xikwembu xi ndzi sukerile,+ a xa ha ndzi hlamuli, hambi ku ri hi vaprofeta kumbe hi milorho;+ hikwalaho ndzi vitana wena leswaku u ndzi tivisa leswi ndzi faneleke ndzi swi endla.”+ 16  “Samuwele” a ya emahlweni a ku: “Kutani, ha yini u vutisa mina kasi Yehovha hi yexe u ku sukerile+ a va xirha xa wena?+ 17  Yehovha u ta tiendlela hilaha a vuleke hakona ha mina, naswona Yehovha u ta handzula mfumo wu suka evokweni+ ra wena a wu nyika munhu-kuloni Davhida.+ 18  Hikwalaho ka leswi u nga ri yingisangiki rito ra Yehovha+ naswona u nga ku hetisisangiki ku hlundzuka kakwe lokukulu eka Amaleke,+ hi yona mhaka leyi Yehovha a nga ta ku endla nchumu lowu esikwini leri. 19  Yehovha u ta tlhela a ku nyiketa na Israyele evokweni ra Vafilisita,+ mundzuku wena+ ni vana va wena+ mi ta va mi ri na mina. Hambi ku ri nxaxa wa Israyele, Yehovha u ta wu nyiketa evokweni ra Vafilisita.”+ 20  Hiloko hi ku hatlisa Sawulo a wela ehansi, a chava swinene hikwalaho ka marito ya “Samuwele.” Nakambe a a nga ha ri na matimba, hikuva a a nga dyanga swakudya siku hinkwaro ni vusiku hinkwabyo. 21  Wansati loyi a ta eka Sawulo hiloko a vona leswaku a a kavanyetekile ngopfu. Kutani a ku eka yena: “Waswivo, nandza wa wena wa xisati u yingise rito ra wena, ndzi veke moya-xiviri wa mina exandleni+ xa mina ndzi yingisa marito lawa u ndzi byeleke wona. 22  Sweswi, ndzi kombela na wena u yingisa rito ra nandza wa wena wa xisati; ndzi pfumelele ndzi veka xipandzwa xa xinkwa emahlweni ka wena, u dya leswaku u kuma matimba, hikuva u ta famba.” 23  Kambe a ala, a ku: “A ndzi nge dyi.” Hambiswiritano malandza yakwe swin’we ni wansati loyi va hambeta va n’wi khongotela. Eku heteleleni a yingisa rito ra vona, a pfuka, a tshama esangwini. 24  Kutani wansati loyi a a ri ni nkunzi+ leyi nonisiweke endlwini. Hiloko a hatlisa a yi endla xitlhavelo,+ a teka mapa a pfuva mbila a baka swinkwa leswo-ke-comela. 25  Kutani a swi nyika Sawulo ni malandza yakwe, va dya. Endzhaku ka sweswo va suka va yima va famba evusikwini byebyo.+

Tinhlamuselo ta le hansi