Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 27:1-12

27  Hambiswiritano, Davhida a ku embilwini yakwe: “Siku rin’wana ndzi ta kukuriwa hi voko ra Sawulo. A ku na nchumu lowu antswaka eka mina ku tlula leswaku hakunene ndzi balekela+ etikweni ra Vafilisita;+ Sawulo u fanele a heleriwa hi ntshembo wa ku ya emahlweni a ndzi lava endhawini hinkwayo ya Israyele,+ kunene ndzi ta baleka ndzi suka evokweni rakwe.  Hikwalaho Davhida a suka a yima kutani yena ni vavanuna va 600+ lava a va ri na yena va hundzela eka Akixi+ n’wana wa Mawoko, hosi ya le Gati.  Davhida a tshama na Akixi eGati, yena ni vavanuna vakwe, un’wana ni un’wana a ri ni vandyangu wakwe,+ Davhida a ri ni vasati vakwe vambirhi Ahinowama+ lowa le Yizriyele na Abigayele+ nsati wa Nabali lowa le Karimeli.  Hi ku famba ka nkarhi Sawulo a vikeriwa leswaku Davhida u balekele eGati, hikwalaho a nga yanga a ya n’wi lava nakambe.+  Kutani Davhida a byela Akixi a ku: “Sweswi, loko ndzi kume tintswalo ematihlweni ya wena, va pfumelele va ndzi nyika ndhawu eka wun’wana wa miti ya mantanghala, leswaku ndzi tshama kona; ha yini nandza wa wena a fanele a tshama na wena emutini wa vuhosi?”  Hikwalaho Akixi a n’wi nyika Sikilaga+ esikwini rero. Hi yona mhaka leyi Sikilaga wu nga wa tihosi ta Yuda ku fikela esikwini leri.  Nhlayo ya masiku lawa Davhida a ma tshameke emantanghaleni ya Vafilisita a ku ri lembe ni tin’hweti ta mune.+  Davhida a tlhandluka ni vavanuna vakwe leswaku va hlasela Vagexura+ ni Vagiriza ni Vaamaleke+ hi xitshuketa; hikuva a va tshama etikweni leri a ri sukela eTelama+ ri ya fika eXure+ ni ku ya etikweni ra Egipta.  Davhida a hlasela tiko rero, kambe a nga londzovotanga wanuna kumbe wansati va hanya;+ a teka mintlhambi ya tinyimpfu ni mintlhambi ya tihomu ni timbhongolo ni tikamela ni tinguvu, endzhaku ka sweswo a vuya a ta eka Akixi. 10  Hiloko Akixi a ku: “Xana a mi hlasela kwihi hi xitshuketa namuntlha?” Davhida a ku:+ “Edzongeni wa Yuda+ ni le dzongeni wa va ka Yeramiyele+ ni le dzongeni wa Vakena.”+ 11  Loko ku ri wanuna kumbe wansati, Davhida a a nga va londzovoti va hanya leswaku a va tisa eka Gati, a ku: “Leswaku va nga hi dlayisi, va ku, ‘Davhida u endle hi ndlela leyi.’”+ (Leri a ku ri endlelo rakwe emasikwini hinkwawo lawa a ma tshameke emantanghaleni ya Vafilisita.) 12  Hikwalaho Akixi a kholwa+ Davhida, a tibyela a ku: “Kunene u ve risema ro biha exikarhi ka vanhu varikwavo va Israyele;+ u ta va nandza wa mina hilaha ku nga riki na makumu.”

Tinhlamuselo ta le hansi