Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 26:1-25

26  Hi ku famba ka nkarhi vavanuna va Sifi+ va fika eka Sawulo eGibiya,+ va ku: “Xana Davhida a nga tumbelanga exitsungeni xa Hakila,+ lowu languteke eYeximoni?”+  Sawulo a suka a yima+ a rhelela emananga ya Sifi, a ri ni vavanuna va 3 000,+ lava hlawuriweke va Israyele leswaku va ya lava Davhida emananga ya Sifi.  Sawulo a dzima nxaxa exitsungeni xa Hakila lexi languteke eYeximoni, ekusuhi ni gondzo, kasi Davhida a a tshama emananga. Kutani a swi vona leswaku Sawulo u n’wi landzelele emananga.  Hiloko Davhida a rhumela tinhlori+ leswaku a ta swi tiva leswaku entiyisweni Sawulo u tile.  Endzhaku Davhida a suka a yima a ya endhawini leyi Sawulo a a dzime nxaxa eka yona, Davhida a vona ndhawu leyi Sawulo a a etlele eka yona, swin’we na Abinere+ n’wana wa Nere, murhangeri wa vuthu ra Sawulo; Sawulo a a etlele enxaxeni lowu nga biyeriwa,+ vanhu va n’wi rhendzele hinkwako.  Kutani Davhida a hlamula Ahimeleke lowa Muheti+ na Abixayi+ n’wana wa Seruya,+ makwavo wa Yowabu a ku: “I mani la nga ta rhelela na mina hi ya eka Sawulo enxaxeni?” Hiloko Abixayi a ku: “Mina ndzi ta rhelela na wena.”+  Davhida a famba na Abixayi nivusiku va ya eka vanhu lava; kutani waswivo, Sawulo a a etlele endzeni ka nxaxa lowu nga biyeriwa ni fumu rakwe ri dzimiwe emisaveni etinhlokweni takwe, Abinere ni vanhu a va etlele va n’wi rhendzela hinkwako.  Sweswi Abixayi a ku eka Davhida: “Namuntlha Xikwembu xi nyikete nala wa wena evokweni ra wena.+ Ndzi kombela sweswi u ndzi pfumelela ndzi n’wi tlhava ndzi n’wi patsa ni misava hi fumu kan’we ntsena, a ndzi nge swi endli ra vumbirhi eka yena.”  Kambe Davhida a ku eka Abixayi: “U nga n’wi dlayi, hikuva i mani la tshambuluteke voko rakwe eka mutotiwa wa Yehovha+ ivi a tshama a nga ri na nandzu?”+ 10  Davhida a ya emahlweni a ku: “Leswi Yehovha a hanyaka,+ Yehovha hi yexe u ta n’wi twisa ku vava;+ kumbe siku rakwe ri ta ta+ kutani u ta fa, kumbe u ta rhelela a ya enyimpini,+ kunene u ta kukuriwa.+ 11  A hi swinene+ eka mina hi ku ya hi langutelo+ ra Yehovha leswaku ndzi tshambuluta+ voko ra mina ndzi lwa ni mutotiwa wa Yehovha!+ Hikwalaho, ndza ku kombela sweswi, teka fumu rakwe leri nga etinhlokweni takwe ni gula ra mati, hi famba.” 12  Hikwalaho Davhida a teka fumu ni gula ra mati etinhlokweni ta Sawulo, kutani va khoma ndlela; a ku nga ri na munhu la swi vonaka+ kumbe munhu la swi lemukaka kumbe munhu la pfukaka, hinkwavo a va etlele, hikuva a va weriwe hi vurhongo lebyikulu+ lebyi humaka eka Yehovha. 13  Kutani Davhida a hundzela etlhelo lerin’wana, a yima ehenhla ka ntshava a ri ekule, mpfhuka lowu a wu ri exikarhi ka tona wu ri wukulu. 14  Davhida a sungula ku huwelela vanhu na Abinere n’wana wa Nere, a ku: “Ha yini u nga anguli Abinere?” Abinere+ a hlamula a ku: “Hi wena mani u huwelelaka hosi?” 15  Davhida a ya emahlweni a ku eka Abinere: “Xana a wu wanuna? I mani la fanaka na wena eIsrayele? Kutani, ha yini u nga rindzanga hosi ya wena leyi nga mufumi? Hikuva munhu un’wana u fikile a ta dlaya+ hosi ya wena leyi nga mufumi. 16  Nchumu lowu u wu endleke a hi wunene. Leswi Yehovha a hanyaka,+ n’wina mi faneriwa hi ku fa,+ a mi yi rindzanga+ hosi ya n’wina, a mi n’wi rindzanga mutotiwa wa Yehovha.+ Sweswi vonani laha fumu ra hosi ni gula ra mati+ swi nga kona, leswi a swi ri etinhlokweni ta yona.” 17  Sawulo a sungula ku tiva rito ra Davhida hi mavulavulelo yakwe, a ku: “Xana leri i rito ra wena n’wananga Davhida?”+ Hiloko Davhida a ku: “I rito ra mina hosi yanga leyi nga mufumi.” 18  A engeta a ku: “Ha yini hosi yanga yi hlongorisa nandza wa yona,+ ndzi endle yini naswona ndzi ni vubihi byihi evokweni ra mina?+ 19  Sweswi ndzi kombela hosi yanga leyi nga mufumi yi yingisa marito ya nandza wa yona: Loko ku ri Yehovha la ku hlohloteleke ku lwa na mina, a a twe nun’hwelo wa gandzelo ra mavele.+ Kambe loko ku ri vana va vanhu,+ va rhukaniwile emahlweni ka Yehovha,+ hikuva namuntlha va ndzi hlongorile leswaku ndzi titwa ndzi hlanganisiwe ni ndzhaka ya Yehovha,+ va ku, ‘Famba u ya tirhela swikwembu swin’wana!’+ 20  Sweswi u nga pfumeleli ngati ya mina yi wela emisaveni emahlweni ka xikandza xa Yehovha;+ hikuva hosi ya Israyele yi humile ku ya lava dzedze rin’we,+ hilaha munhu a hlongorisaka n’hwari ehenhla ka tintshava hakona.”+ 21  Hiloko Sawulo a ku: “Ndzi dyohile.+ Vuya n’wananga Davhida, hikuva a ndzi nge he pfuki ndzi ku endle swilo swo biha, hikwalaho ka leswi moya-xiviri wa mina a wu ri wa risima+ ematihlweni ya wena esikwini leri. Waswivo, ndzi endle vuphukuphuku naswona ndzi endle xihoxo lexikulu swinene.” 22  Kutani Davhida a hlamula a ku: “Hi leri fumu ra hosi, un’wana wa majaha ya hosi a a te a ta ri teka. 23  Yehovha hi yena la nga ta tlherisela un’wana ni un’wana ku lulama+ kakwe ni vutshembeki byakwe, hi ku va Yehovha a ku nyikete evokweni ra mina namuntlha, a ndzi swi lavanga ku tshambuluta voko ra mina ndzi lwa ni mutotiwa wa Yehovha.+ 24  Kutani waswivo, hilaha moya-xiviri wa wena a wu ri wukulu hakona ematihlweni ya mina, hikwalaho onge moya-xiviri wa mina wu nga va wukulu ematihlweni ya Yehovha,+ leswaku a ndzi kutsula emaxangwini hinkwawo.”+ 25  Hiloko Sawulo a ku eka Davhida: “Onge u nga kateka n’wananga Davhida. Hakunene a wu nge tirhi ntsena, kambe u ta tlhela u va muhluri hakunene.”+ Kutani Davhida a khoma ndlela yakwe; loko ku ri Sawulo, a tlhelela endhawini yakwe.+

Tinhlamuselo ta le hansi