Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 23:1-29

23  Hi ku famba ka nkarhi va fika va vikela Davhida, va ku: “Waswivo, Vafilisita va lwa na Keyila+ naswona va phanga swivuya.”+  Davhida a vutisa+ Yehovha a ku: “Xana ndzi fanele ndzi famba, ndzi ya dlaya Vafilisita lava?” Yehovha a byela Davhida a ku: “Famba, u fanele u ya dlaya Vafilisita u ponisa Keyila.”  Kutani vavanuna va Davhida va ku eka yena: “Waswivo! Hi chava ha ha ri laha eYuda,+ swi ta biha ngopfu loko ho tshuka hi ya eKeyila hi ya lwa ni nxaxamelo wa nyimpi ya Vafilisita!+  Hiloko Davhida a vutisa Yehovha nakambe.+ Yehovha a n’wi hlamula a ku: “Suka u yima, u rhelela u ya eKeyila, hikuva ndzi nyiketa Vafilisita evokweni ra wena.”+  Hiloko Davhida a famba ni vavanuna vakwe eKeyila, a lwa ni Vafilisita, a khayima swifuwo swa vona a famba na swona, kambe a dlaya vanhu vo tala; Davhida a va muponisi wa vaaki va Keyila.+  Loko Abiyatara+ n’wana wa Ahimeleke a balekele eka Davhida eKeyila, u rhelele a tamele efodi.+  Hi ku famba ka nkarhi va vikele Sawulo, va ku: “Davhida u fikile eKeyila.”+ Sawulo a sungula ku vula a ku: “Xikwembu xi n’wi xavise evokweni ra mina,+ hikuva u tipfalele hi ku ta emutini lowu nga ni tinyangwa ni xigogo.”  Hiloko Sawulo a vitanela vanhu hinkwavo enyimpini leswaku va rhelela va ya eKeyila, leswaku va rhendzela Davhida ni vavanuna vakwe.  Davhida a swi tiva leswaku Sawulo a a n’wi bohela mano+ yo biha. Kutani a byela Abiyatara lowa muprista a ku: “Tshineta efodi.”+ 10  Davhida a ya emahlweni a ku: “Oho Yehovha Xikwembu xa Israyele,+ kunene nandza wa wena u twe leswaku Sawulo u lava ku ta eKeyila a ta lovisa muti hikwalaho ka mina.+ 11  Xana vini va ndhawu ya Keyila va ta ndzi nyiketa evokweni rakwe? Xana Sawulo u ta rhelela hilaha nandza wa wena a tweke hakona? Oho Yehovha Xikwembu xa Israyele, ndzi kombela u byela nandza wa wena.” Hiloko Yehovha a ku: “U ta rhelela.”+ 12  Davhida a ya emahlweni a ku: “Xana vini va ndhawu ya Keyila va ta ndzi nyiketa, mina ni vavanuna va mina evokweni ra Sawulo?” Yehovha a ku: “Va ta ku nyiketa.”+ 13  Xikan’we-kan’we Davhida a suka a yima ni vavanuna vakwe, vavanuna va kwalomu ka 600,+ va huma eKeyila va ya emahlweni va famba-famba kun’wana ni kun’wana laha va nga famba-fambaka kona. Sawulo a vikeriwa leswaku Davhida u balekile a suka eKeyila hiloko a tshika a nga ha yi. 14  Davhida a tshama emananga, etindhawini leti swi tikaka ku ti tshinelela, a hambeta a tshama endhawini ya tintshava emananga ya Sifi.+ Sawulo a ya emahlweni a n’wi lava nkarhi hinkwawo,+ kambe Xikwembu a xi n’wi nyiketanga evokweni rakwe.+ 15  Davhida a ya emahlweni a chava, hikuva Sawulo a a humile a ya lava moya-xiviri wakwe kasi Davhida a a ri emananga ya Sifi eHorexe.+ 16  Kutani Yonathani n’wana wa Sawulo a suka a yima a ya eka Davhida eHorexe, leswaku a tiyisa+ voko rakwe eka Xikwembu.+ 17  A ya emahlweni a ku eka yena: “U nga chavi;+ hikuva voko ra Sawulo tatana a ri nge ku kumi, wena u ta va hosi+ ya Israyele, mina ndzi ta va wa vumbirhi eka wena; Sawulo tatana na yena wa swi tiva sweswo.”+ 18  Kutani havumbirhi bya vona va endla ntwanano+ emahlweni ka Yehovha; Davhida a hambeta a tshama eHorexe kutani Yonathani a muka. 19  Endzhaku vavanuna va Sifi+ va tlhandlukela eka Sawulo eGibiya,+ va ku: “Xana Davhida a nga tumbelanga+ ekusuhi na hina, etindhawini leti swi tikaka ku ti tshinelela eHorexe,+ exitsungeni xa Hakila+ lexi nga etlhelweni ra xinene ra Yeximoni?+ 20  Sweswi Wena hosi, hi ku pfumelelana ni ku navela hinkwako ka moya-xiviri+ wa wena ka ku lava ku rhelela, rhelela, hina hi ta n’wi nyiketa evokweni ra hosi.”+ 21  Hiloko Sawulo a ku: “N’wina mi katekisiwe hi Yehovha,+ hikuva mi ndzi twele vusiwana. 22  Ndzi kombela mi famba, mi phikelela hilaha ku engetelekeke, mi kumisisa naswona mi vona ndhawu yakwe laha nenge wakwe wu nga kona—mani na mani la n’wi voneke kwalaho—hikuva ndzi byeriwile leswaku wa kanganyisa hakunene.+ 23  Lavisisani mi tlhela mi kumisisa malunghana ni tindhawu hinkwato leti a tumbelaka eka tona; mi fanele mi vuya eka mina ni vumbhoni, mina ndzi ta famba na n’wina; loko a ri etikweni, ndzi ta n’wi lavisisa hi vukheta exikarhi ka magidi+ hinkwawo ya Yuda.” 24  Hiloko va suka va yima va ya eSifi+ va ri emahlweni ka Sawulo, kasi Davhida ni vavanuna vakwe a va ri emananga ya Mawoni+ eArabha+ hi tlhelo ra le dzongeni ra Yeximoni. 25  Endzhaku Sawulo a fika ni vavanuna vakwe leswaku va ta n’wi lava.+ Loko va byele Davhida, xikan’we-kan’we a rhelela a ya eribyeni,+ a hambeta a tshama emananga ya Mawoni. Loko Sawulo a swi twa, a hlongorisa+ Davhida emananga ya Mawoni. 26  Eku heteleleni Sawulo a fika etlhelo leri ra ntshava, Davhida ni vavanuna vakwe a va ri etlhelo lerin’wana ra ntshava. Hiloko Davhida a hatlisela ku famba+ hikwalaho ka Sawulo; nkarhi lowu hinkwawo Sawulo ni vavanuna vakwe a va rhendzela Davhida ni vavanuna vakwe leswaku va va khoma.+ 27  Kambe a ku ri ni murhumiwa la teke eka Sawulo, a ku: “Hatlisa u famba, hikuva Vafilisita va hlasele tiko hi xitshuketa!” 28  Hiloko Sawulo a tlhela eku hlongoriseni ka Davhida,+ a ya hlangana ni Vafilisita. Hi yona mhaka leyi va thyeke ndhawu yoleyo, Ribye ra ku Hambanisa. 29  Kutani Davhida a tlhandluka a suka kwalaho a ya tshama etindhawini leti swi tikaka ku ti tshinelela ta le Eni-gedi.+

Tinhlamuselo ta le hansi