Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 21:1-15

21  Endzhaku Davhida a fika eNobo+ eka Ahimeleke lowa muprista; kutani Ahimeleke+ a sungula ku rhurhumela loko a hlangana na Davhida, a ku eka yena: “Ha yini u ri wexe u nga ri na munhu un’wana?”+  Hiloko Davhida a byela Ahimeleke lowa muprista a ku: “Hosi yi ndzi lerise mhaka,+ yi ku eka mina, ‘U nga byeli munhu nikatsongo mhaka leyi ndzi ku rhumaka yona ni leyi ndzi ku leriseke yona.’ Ndzi twanane ni majaha leswaku hi hlangana endhawini yo karhi.  Kutani sweswi, loko u ri ni swinkwa swa ntlhanu, ndzi nyike swona evokweni ra mina, kumbe xin’wana ni xin’wana lexi nga kumekaka.”+  Kambe muprista a hlamula Davhida a ku: “A ku na xinkwa lexi tolovelekeke evokweni ra mina kambe ku ni xinkwa xo kwetsima;+ loko ntsena majaha ma nga tshinelanga eka vavasati.”+  Hiloko Davhida a hlamula muprista a ku eka yena: “Kambe vavasati va ve ekule na hina ku fana ni le ku sunguleni loko ndzi huma,+ mimiri ya majaha ya ha kwetsima, hambileswi ntirho hi woxe wu nga lowu tolovelekeke. Xana a swi fanelanga swi va tano hilaha ku tlurisaka namuntlha loko munhu a kwetsima emirini wakwe?”  Hiloko muprista a n’wi nyika leswi a swi kwetsima,+ hikuva a ku nga ri na xinkwa kwalaho, kambe a ku ri ni xinkwa xa nkombiso lexi a xi susiwile emahlweni ka Yehovha+ leswaku ku vekiwa xinkwa lexintshwa kwalaho eka siku leri xi susiwaka ha rona.  Kutani nandza un’wana wa Sawulo a a ri kona esikwini rero, a pfaleriwe+ emahlweni ka Yehovha, vito rakwe a ku ri Dowege+ lowa Muedomu,+ lonkulu eka varisi va Sawulo.+  Davhida a ya emahlweni a ku eka Ahimeleke: “Xana a ku na nchumu laha eka wena, fumu kumbe banga? Hikuva a ndzi khomanga hambi ku ri banga ra mina kumbe matlhari ya mina evokweni ra mina, hikuva mhaka ya hosi a yi ri ya xihatla.”  Hiloko muprista a ku: “Banga ra Goliyadi+ lowa Mufilisita, loyi u n’wi dlayeke erivaleni ra le hansi ra Elaha+—hi leri endzhaku ka efodi,+ ri tsondzeriwe hi nkhancu. Loko u ta ri teka, ri teke, hikuva ku hava rin’wana laha handle ka rona.” Davhida a ya emahlweni a ku: “A ri kona leri fanaka na rona. Ndzi nyike rona.” 10  Davhida a suka a yima kutani a ya emahlweni a baleka+ esikwini rero hikwalaho ka Sawulo, eku heteleleni a fika eka Akixi hosi ya Gati.+ 11  Hiloko malandza ya Akixi ma ku eka yena: “Xana loyi a hi Davhida hosi+ ya tiko leri? Xana a hi yena loyi a va hamba va n’wi phata hi mincino,+ va ku, ‘Sawulo u dlaye magidi yakwe, Kambe Davhida u dlaye makume yakwe ya magidi’?”+ 12  Davhida a sungula ku ehleketa hi marito lawa, a n’wi chava swinene+ Akixi hosi ya Gati. 13  Hiloko a tiendla va nga n’wi tivi+ loko va n’wi languta,+ a endla onge a nga hanyanga kahle emiehleketweni, a sungula ku tiendla la hlanganeke nhloko evokweni ra vona, a hambeta a tsala mimfungho etimbantini ta nyangwa naswona a tshika marhi yakwe ma xiririkela emalepfini. 14  Eku heteleleni Akixi a byela malandza yakwe a ku: “Ma swi vona leswaku munhu loyi wa penga. Ha yini mi fanele mi n’wi tisa eka mina? 15  Xana ndzi lava vanhu lava pengaka lerova mi ndzi tisele munhu loyi a ta ndzi pengela? Xana loyi u fanele a nghena ekaya ra mina?”

Tinhlamuselo ta le hansi