Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 20:1-42

20  Kutani Davhida a baleka+ a suka le Nayoti eRhama. Hambiswiritano, a fika emahlweni ka Yonathani a ku: “Xana ndzi endle yini?+ Xana xihoxo xa mina i yini naswona ndzi dyohe yini emahlweni ka tata wa wena, hikuva u lava moya-xiviri wa mina?”  Hiloko a ku eka yena: “A hi swinene!+ U nge fi. Waswivo! Tatana a nge wu endli nchumu lowukulu kumbe nchumu lowutsongo a nga wu paluxi endleveni ya mina;+ xana i yini lexi nga endlaka leswaku tatana a ndzi fihlela mhaka leyi?+ Leswi a swi endleki.”  Kambe Davhida a hlambanya+ ku engetela kwalaho a ku: “Hakunene tata wa wena u fanele a swi tiva leswaku ndzi kume tintswalo ematihlweni ya wena,+ kutani u ta ku, ‘U nga endli leswaku Yonathani a tiva leswi hi ku chava leswaku a nga vaviseka.’ Kambe entiyisweni leswi Yehovha a hanyaka+ nileswi moya-xiviri wa wena wu hanyaka,+ ku ni goza rin’we ntsena exikarhi ka mina ni rifu!”+  Yonathani a ya emahlweni a byela Davhida a ku: “Xin’wana ni xin’wana lexi moya-xiviri wa wena wu nga xi vulaka, ndzi ta ku endlela xona.”  Hiloko Davhida a byela Yonathani a ku: “Waswivo! Mundzuku i ku thwasa ka n’weti,+ hakunene ndzi fanele ku va ndzi tshame ni hosi hi dya; u fanele u ndzi tshika ndzi famba, kutani ndzi fanele ndzi tumbela+ enhoveni kukondza ku va madyambu hi siku ra vunharhu.  Loko tata wa wena o vona leswaku a ndzi kona, u fanele u ku, ‘Davhida u kombele hi mbilu hinkwayo eka mina leswaku a nga vi kona, a ta tsutsumela eBetlehema+ emutini wa ka vona, hikuva kona ku ni xitlhavelo xa lembe ni lembe xa ndyangu hinkwawo.’+  Loko o vula a ku, ‘Swi lulamile,’ swi vula ku rhula eka nandza wa wena. Kambe loko o hlundzuka, swi tive leswaku a a tiyimisele ku endla swo biha.+  U fanele u endlela nandza+ wa wena musa wa rirhandzu, hikuva u te ni nandza wa wena eka ntwanano+ wa Yehovha. Kambe loko ku ri ni xihoxo eka mina,+ wena ndzi dlaye, hikuva ha yini u fanele u ndzi tisa eka tata wa wena?”  Hiloko Yonathani a ku: “Sweswo a hi swinene eka wena! Kambe loko ndzo swi tiva leswaku tatana u tiyimisele ku endla swo biha eka wena, xana a ndzi nge ku byeli?”+ 10  Kutani Davhida a byela Yonathani a ku: “I mani la nga ta ndzi byela loko leswi tata wa wena a nga ta ku hlamula swona swi tika?” 11  Hiloko Yonathani a ku eka Davhida: “Tana, a hi ye enhoveni.” Kutani havambirhi va huma va ya enhoveni. 12  Yonathani a ya emahlweni a byela Davhida a ku: “Yehovha Xikwembu xa Israyele+ [a a ve mbhoni]+ ya leswaku hi nkarhi lowu mundzuku, kumbe hi siku ra vunharhu, ndzi ta n’wi vutisa tatana, kutani loko a amukela Davhida, xana a ndzi nge rhumeli rito eka wena, kunene ndzi ku paluxela swona endleveni ya wena? 13  Hikwalaho, onge Yehovha a nga swi endla eka Yonathani naswona onge a nga engetela eka swona,+ loko swo tshuka swi vonaka swi ri swinene eka tatana ku ku endla swo biha, hakunene ndzi nga swi paluxi endleveni ya wena naswona ndzi nga ku tshiki u famba, kunene u nga fambi hi ku rhula. Onge Yehovha a nga va na wena+ hilaha a veke na tatana hakona.+ 14  Loko ndzi ta va ndza ha hanya,+ ina, xana a wu nge kombisi musa wa rirhandzu wa Yehovha eka mina leswaku ndzi nga fi?+ 15  Wena u nge susi musa wa wena wa rirhandzu leswaku wu va ni vandyangu wa ka hina hilaha ku nga riki na makumu.+ Kumbe, loko Yehovha a dlaya valala va Davhida, un’wana ni un’wana evuandlalweni bya misava, 16  vito ra Yonathani a ri nge susiwi endlwini ya Davhida.+ Yehovha u fanele a ri lava evokweni ra valala va Davhida.” 17  Kutani Yonathani a tlhela a hlambanyela Davhida hikwalaho ka leswi a a n’wi rhandza; hikuva a a n’wi rhandza hilaha a a rhandza moya-xiviri wakwe hakona.+ 18  Yonathani a ya emahlweni a ku eka yena: “Mundzuku i ku thwasa ka n’weti,+ kunene u ta hulukeriwa hikuva xitshamo xa wena xi ta va xi nga ri na munhu. 19  Kunene hi siku ra vunharhu u ta hulukeriwa swinene; u fanele u huma endhawini leyi u tumbeleke+ eka yona esikwini leri ku tirhiwaka ha rona, u tshama laha kusuhi ni ribye leri. 20  Loko ku ri mina ndzi ta copa miseve yinharhu etlhelo rin’we ra rona ndzi yi rhumela laha ndzi nga ta yi rhumela kona eka xanchumu. 21  Kutani waswivo, ndzi ta rhuma mutirhi, ndzi ku, ‘Famba u ya kuma miseve.’ Loko ndzo byela mutirhi hi ku kongoma ndzi ku, ‘Waswivo! Miseve yi le tlhelweni leri ra wena, yi teke,’ u ta, swi vula ku rhula eka wena naswona a ku na nchumu, leswi Yehovha a hanyaka.+ 22  Kambe, loko ndzo byela mufana ndzi ku, ‘Waswivo! Miseve yi le mahlweninyana ka wena,’ famba, Yehovha u ku rhumile. 23  Loko ku ri rito leri hi ri vulavuleke,+ mina na wena, waswivo, onge Yehovha a nga va exikarhi ka mina na wena hilaha ku nga riki na makumu.”+ 24  Davhida a hambeta a tumbela enhoveni.+ Kutani ku va ku thwasa ka n’weti, hosi yi tshama eswakudyeni leswaku yi dya.+ 25  Hosi a yi tshame exitshan’weni xa yona kukota minkarhi leyin’wana, exitshan’weni ekusuhi ni khumbi; Yonathani a a langutane na yona, Abinere+ a a tshame etlhelo ka Sawulo, kambe ndhawu ya Davhida a yi nga ri na munhu. 26  Sawulo a nga vulanga nchumu esikwini rero, hikuva u tibyele a ku: “Ku endleke swo karhi lerova a nga tenganga,+ hikuva a a nga tengisiwanga.” 27  Kutani siku leri tlhandlamaka ra ku thwasa ka n’weti, hi siku ra vumbirhi, ndhawu ya Davhida yi hambeta yi nga ri na munhu. Hiloko Sawulo a vutisa Yonathani n’wana wakwe a ku: “Ha yini n’wana wa Yese+ a nga tanga eswakudyeni tolo ni namuntlha?” 28  Kutani Yonathani a hlamula Sawulo a ku: “Davhida u kombele hi mbilu hinkwayo eka mina leswaku a nga vi kona, a ya eBetlehema.+ 29  U ye emahlweni a ku, ‘Ndzi kombela u ndzi tshika ndzi famba, hikuva hi ni xitlhavelo xa ndyangu emutini, mina ndzi lerisiwe hi makwerhu. Kutani sweswi loko ndzi kume tintswalo ematihlweni ya wena, ndzi kombela u ndzi pfumelela ndzi nyenga leswaku ndzi ta vona vamakwerhu.’ Hi yona mhaka leyi a nga tangiki etafuleni ra hosi.” 30  Hiloko ku hlundzuka+ ka Sawulo ku va kukulu eka Yonathani, a ku eka yena: “Wena n’wana wa nandza wa xisati la xandzukaka,+ xana a ndzi swi tivi kahle leswaku u hlawula n’wana wa Yese, swi va tingana eka wena ni tingana eka swirho swa le xihundleni swa mana wa wena?+ 31  Hikuva masiku hinkwawo lawa n’wana wa Yese a hanyaka ehenhla ka misava, wena swin’we ni vuhosi bya wena a mi nge simekiwi mi tiya.+ Kutani sweswi rhumela rito u ndzi landzela yena, hikuva u fanele a fa.”+ 32  Hambiswiritano, Yonathani a hlamula Sawulo tata wakwe a ku eka yena: “Ha yini a fanele a dlayiwa?+ Xana u endle yini?”+ 33  Hiloko Sawulo a hoxa fumu eka yena leswaku a n’wi dlaya;+ Yonathani a swi tiva leswaku tata wakwe a a tiyimisele ku dlaya Davhida.+ 34  Hi ku hatlisa Yonathani a suka a yima, a suka etafuleni a hlundzukile swinene,+ a nga dyanga xinkwa hi siku ra vumbirhi endzhaku ka ku thwasa ka n’weti, hikuva a a vavisekile malunghana na Davhida,+ hikuva tata wakwe a a n’wi tsongahatile.+ 35  Kutani nimixo Yonathani a huma a ya enhoveni endhawini+ leyi hlawuriweke ya Davhida, mutirhi lontsongo a a ri na yena. 36  A ya emahlweni a byela mutirhi wakwe a ku: “Ndzi kombela u tsutsuma u ya kuma miseve leyi ndzi yi copaka.”+ Mutirhi a tsutsuma, yena a copa nseve wu n’wi hundza. 37  Loko mutirhi a fika laha nseve wu weleke kona, lowu Yonathani a wu copeke, Yonathani a sungula ku vitana a ri endzhaku ka mutirhi, a ku: “Xana nseve a wu le mahlweninyana ka wena?+ 38  Yonathani a ya emahlweni a vitana a ri endzhaku ka mutirhi, a ku: “Anghwetla! Endla hi ku hatlisa! U nga yimi!” Hiloko mutirhi wa Yonathani a ya rholela miseve kutani a ta eka n’wini wakwe. 39  Loko ku ri mutirhi, a a nga tivi nchumu; i Yonathani na Davhida lava a va tiva hi mhaka leyi. 40  Endzhaku ka sweswo Yonathani a nyika mutirhi wakwe matlhari yakwe, a ku eka yena: “Famba, ma yise emutini.” 41  Mutirhi a famba. Loko ku ri Davhida, a suka a yima ekusuhinyana ku ya edzongeni. Kutani a wa xikandza xakwe xi langute emisaveni,+ a korhama kanharhu; kutani va ntswontswana+ naswona va rilelana, ku fikela loko Davhida a rile ngopfu.+ 42  Yonathani a ya emahlweni a byela Davhida a ku: “Famba hi ku rhula,+ hilaha hi hlambanyelaneke+ hakona havumbirhi bya hina hi vito ra Yehovha, hi ku, ‘Onge Yehovha a nga va exikarhi ka mina na wena, ni le xikarhi ka vana va mina ni vana va wena hilaha ku nga riki na makumu.’”+ Hikwalaho Davhida a suka a yima a khoma ndlela, Yonathani na yena a nghena emutini.

Tinhlamuselo ta le hansi