Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 2:1-36

2  Hana a ya emahlweni a khongela,+ a ku: “Mbilu ya mina ya khana eka Yehovha,+ Hakunene nanga ya mina yi tlakuseriwa eka Yehovha.+ Nomu wa mina wu ahlamele ku lwa ni valala va mina, Hikuva ndza tsaka hi ku ponisiwa loku humaka eka wena.+   A ku na munhu la kwetsimaka ku fana na Yehovha, hikuva a ku na un’wana handle ka wena;+ Naswona ku hava ribye leri fanaka ni Xikwembu xa hina.+   N’wina mi nga vulavuli hi ku titlakusa swinene, Ku nga humi nchumu lowu nga lawuriwiki emilon’wini ya n’wina,+ Hikuva Yehovha i Xikwembu xa vutivi,+ Naswona ha yena swiendlo swi pimanyetiwa kahle.+   Vavanuna va matimba va vurha, va taleriwe hi ku chava,+ Kambe lava va khunguvanyekaka va tikhama hi ntamu lowukulu.+   Lava va enerisiweke va fanele va thoriwa, leswaku va kuma xinkwa,+ Kambe lava va nga ni ndlala va tshika ku va ni ndlala.+ Hambi ku ri mhika yi veleke vana va nkombo,+ Kambe loyi a a ri ni vana vo tala u hlakarile.+   Yehovha i Mudlayi naswona i Mulondzovoti wa vutomi,+ Hi loyi a Rhelerisaka eSheol+ naswona Wa humesa.+   Yehovha i Muvangi wa ndlala+ ni Mufuwisi,+ I Mutsongahati ni Mutlakusi,+   I Mupfuxi wa la nga xisiwana entshurini;+ U tlakusa la nga xisiwana ekheleni ra nkuma,+ Leswaku a va tshamisa ni va xiyimo xa le henhla; naswona u va nyika xiluvelo xa ku vangama+ xi va ndzhaka ya vona.+ Hikuva swiseketelo swa misava i swa Yehovha,+ U veka tiko leri noneke ehenhla ka swona.   U rindza milenge ya lava va tshembekaka vakwe;+ Loko ku ri lavo homboloka, va miyetiwa emunyameni,+ Hikuva munhu a nga tikombi a ri la tlakukeke hi matimba.+ 10  Loko ku ri Yehovha, lava va kanetanaka na yena va ta chavisiwa;+ U ta dzindza eka vona a ri ematilweni.+ Yehovha hi yexe u ta avanyisa makumu ya misava,+ Leswaku a nyika hosi yakwe ntamu,+ Leswaku a tlakusa nanga ya mutotiwa wakwe.”+ 11  Kutani Elkana a ya endlwini yakwe eRhama; loko ku ri mufana a va mutirheli+ wa Yehovha emahlweni ka Eli lowa muprista. 12  Vana va Eli a va ri vanhu lava nga pfuniki nchumu;+ a va nga ri na mhaka na Yehovha.+ 13  Malunghana ni mfanelo leyi faneleke vaprista leyi humaka eka vanhu,+ nkarhi hinkwawo loko munhu un’wana ni un’wana a humesa xitlhavelo, mutirhi wa muprista a a ta ni foroko ya meno manharhu a yi khome hi voko, loko nyama yi ri karhi yi swekiwa,+ 14  a tlhava exibyeni kumbe embiteni ya swikhomo swimbirhi kumbe enhlambetweni kumbe embiteni ya xikhomo xin’we. Xin’wana ni xin’wana lexi foroko yi xi humesaka, muprista a a xi teka xi va xa yena. Hi yona ndlela leyi a va endla ha yona eXilo, eka Vaisrayele hinkwavo lava taka kwalaho.+ 15  Nakambe, loko va nga si mbulukisa+ mafurha nikatsongo, mutirhi wa muprista a a ta, a fika a byela munhu la endlaka xitlhavelo a ku: “Ndzi nyike nyama yo oxela muprista leswaku a nga amukeli nyama leyi swekiweke eka wena kambe a amukela yimbisi.”+ 16  Loko munhu a ku eka yena: “A va tiyiseke leswaku va rhanga hi ku mbulukisa mafurha.+ Kutani u titekela xin’wana ni xin’wana lexi moya-xiviri wa wena u nga xi navelaka,”+ entiyisweni a a ku: “E-e, kambe u fanele u ndzi nyika sweswi; loko u nga ndzi nyiki, ndzi ta boheka ku xi teka hi nkani!”+ 17  Kutani xidyoho xa vatirheli xi va xikulu ngopfu emahlweni ka Yehovha;+ hikuva vanhu lava a va khoma gandzelo ra Yehovha hi ndlela leyi nga kombisiki xichavo.+ 18  Samuwele a a tirhela+ emahlweni ka Yehovha a ri mufana, a tikhame efodi ya ntsembyana.+ 19  Nakambe, mana wakwe a a n’wi endlela nguvu leyitsongo yo pfumala mavoko, a a n’wi tisela yona lembe ni lembe loko a tlhandluke ni nuna wakwe va ta humesa xitlhavelo xa lembe ni lembe.+ 20  Kutani Eli a katekisa+ Elkana ni nsati wakwe a ku: “Onge Yehovha a nga mi nyika vana va huma eka nsati loyi, ematshan’weni ya nchumu lowu wu lombisiweke, lowu wu lombiweke Yehovha.”+ Hiloko va ya endhawini ya vona. 21  Hikwalaho Yehovha a hundzuluxela nyingiso wakwe eka Hana,+ lerova a tika kutani a veleka vana va majaha vanharhu ni va vanhwanyana vambirhi.+ Kutani mufana loyi Samuwele a ya emahlweni a kulela eka Yehovha.+ 22  Eli a a dyuhele ngopfu, naswona a a swi twile+ hinkwaswo leswi vana vakwe a va tshamela ku swi endla+ etikweni hinkwaro ra Israyele, ni ndlela leyi a va etlela ha yona ni vasati+ lava a va tirhela enyangweni ya ntsonga wa nhlangano.+ 23  A a hamba a vula eka vona+ a ku: “Ha yini mi tshamela ku endla swilo swo fana ni leswi?+ Hikuva swilo leswi ndzi swi twaka ha n’wina eka vanhu hinkwavo swi bihile.+ 24  E-e,+ vana vanga, hikuva xiviko lexi ndzi xi twaka, lexi vanhu va Yehovha va xi hangalasaka a hi xinene.+ 25  Loko munhu o tshuka a dyohela munhu-kulobye,+ Xikwembu xi ta n’wi lamulela;+ kambe loko munhu a dyohela Yehovha,+ u ta khongeleriwa hi mani?”+ Kambe a va nga ri yingisi rito ra tata wa vona,+ hikuva sweswi Yehovha a a lava ku va dlaya.+ 26  Enkarhini wolowo hinkwawo mufana loyi Samuwele a a kula naswona a rhandzeka swinene hi ku ya hi langutelo ra Yehovha ni ra vanhu.+ 27  Kutani munhu wa Xikwembu+ a fika eka Eli a ku eka yena: “Yehovha u te, ‘Xana hakunene a ndzi tihlavutelanga endlwini ya tata wa wena loko va ri aEgipta va ri mahlonga endlwini ya Faro?+ 28  Eka tinyimba hinkwato ta Israyele hi yena la nga hlawuleriwa mina,+ leswaku a va muprista, a tlhandlukela ealitarini+ ya mina leswaku a mbulukisa xitlhavelo, a byarha efodi emahlweni ka mina, leswaku ndzi nyika yindlu ya tata wa wena magandzelo hinkwawo ya vana va Israyele lama endliwaka hi ndzilo.+ 29  Ha yini n’wina mi tshamela ku raha xitlhavelo+ xa mina ni gandzelo ra mina leri ndzi ri leriseke endhawini ya mina yo tshama+ eka yona, mi tshamela ku xixima vana va n’wina ku tlula mina hi ku va mi tinonisa+ hi leswinene swa gandzelo rin’wana ni rin’wana ra Israyele, ku nga vanhu va mina?+ 30  “‘Hi yona mhaka leyi Yehovha Xikwembu xa Israyele a nge: “Hakunene ndzi te, Loko ku ri yindlu ya wena ni yindlu ya tata wa wena, ti ta famba emahlweni ka mina hilaha ku nga riki na makumu.”+ Kambe sweswi Yehovha u ri: “A hi swinene eka mina, hikuva lava va ndzi xiximaka+ ndzi ta va xixima,+ ni lava va ndzi langutelaka ehansi va ta va lava nga vuriki nchumu.”+ 31  Waswivo! Masiku ma ta, lawa hakunene ndzi nga ta ku tsema voko ni ku tsema voko ra yindlu ya tata wa wena, lerova a ku nge vi na mukhalabye endlwini ya wena.+ 32  Kunene u ta languta xirha u ri endhawini ya mina ya ku tshama eka yona, exikarhi ka leswinene hinkwaswo leswi endliwaka eIsrayele;+ a ku nge pfuki ku ve ni wanuna la kuleke endlwini ya wena. 33  Hambiswiritano, ku ni munhu wa wena loyi ndzi nga ta ka ndzi nga n’wi susi ealitarini ya mina, ku endlela leswaku mahlo ya wena ma nga ha voni ni leswaku moya-xiviri wa wena wu tsana; kambe vo tala endlwini ya wena va ta fa hinkwavo hi banga ra vanhu.+ 34  Xikombiso lexi nga ta tela vana va wena vambirhi, Hofini na Finiyasi+ hi lexi: Havumbirhi bya vona va ta fa+ hi siku rin’we. 35  Kunene ndzi ta tivekela muprista la tshembekaka.+ U ta endla leswi pfumelelanaka ni mbilu ya mina ni moya-xiviri wa mina; kunene ndzi ta n’wi akela yindlu leyi nga ta tshama nkarhi wo leha, hakunene u ta famba emahlweni ka mutotiwa+ wa mina nkarhi hinkwawo. 36  Kutani mani na mani la seleke+ endlwini ya wena u ta ta a n’wi nkhinsamela leswaku a hakeriwa hi mali ni xinkwa xa xirhendzevutana, kunene u ta vula a ku: “Ndzi kombela u ndzi hlanganisa ni un’wana wa lava va tirhaka ntirho wa vuprista ndzi dya xipandzwa xa xinkwa.”’”+

Tinhlamuselo ta le hansi