Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 19:1-24

19  Eku heteleleni, Sawulo a byela Yonathani n’wana wakwe ni malandza yakwe hinkwawo hi ta ku dlaya Davhida.+  Loko ku ri Yonathani n’wana wa Sawulo a a tsakela Davhida swinene.+ Kutani Yonathani a byela Davhida a ku: “Sawulo tatana u lava leswaku u dlayiwa. Sweswi ndzi kombela u tilangutela nimixo, u fanele u tshama exihundleni, u tshama u tumberile.+  Loko ku ri mina, ndzi ta huma, kunene ndzi yima etlhelo ka tatana enhoveni laha u nga ta va u ri kona, ndzi ta ku vulavulela eka tatana, ndzi ta vona leswi nga ta endleka, ndzi ta tiyiseka leswaku ndza ku byela.”+  Hikwalaho Yonathani a vulavula kahle+ hi Davhida eka Sawulo tata wakwe, a n’wi byela a ku: “Wena hosi u nga dyoheli+ nandza wa wena Davhida, hikuva a nga ku dyohelanga naswona mintirho ya yena yi ve yinene ngopfu eka wena.+  U veke moya-xiviri wakwe ekhombyeni+ a dlaya Vafilisita+ lerova Yehovha a ponisa tiko hinkwaro ra Israyele hi ku ponisa+ lokukulu. U swi vonile naswona u tsakile. Hikwalaho, ha yini u fanele u dyohela ngati leyi nga riki na nandzu hi ku endla leswaku Davhida a dlayeriwa+ swa hava?”+  Hiloko Sawulo a yingisa rito ra Yonathani, Sawulo a hlambanya a ku: “Leswi Yehovha a hanyaka,+ yena a nge dlayiwi.”  Endzhaku ka sweswo Yonathani a vitana Davhida, Yonathani a n’wi byela marito lawa hinkwawo. Kutani Yonathani a tisa Davhida eka Sawulo, a tshama emahlweni ka yena kukota eku sunguleni.+  Hi ku famba ka nkarhi nyimpi yi tlhekeka nakambe, kutani Davhida a huma hi rivilo ku ya lwa ni Vafilisita, a dlaya vanhu vo tala,+ hiloko va baleka emahlweni ka yena.+  Moya wo biha+ wa Yehovha wu va ehenhla ka Sawulo loko a tshame endlwini yakwe, fumu ri ri evokweni loko Davhida a tlanga vuyimbeleri hi voko rakwe. 10  Kutani Sawulo a lava ku tlhava Davhida hi fumu a n’wi patsa ni khumbi,+ kambe a bvutama+ emahlweni ka Sawulo lerova yena a tlhava fumu ekhumbini. Davhida a baleka leswaku a pona evusikwini byebyo.+ 11  Endzhaku Sawulo a rhuma varhumiwa+ endlwini ya Davhida leswaku va yi rindza nileswaku va n’wi dlaya nimixo;+ kambe Mikala nsati wakwe a byela Davhida a ku: “Loko u nga balekisi moya-xiviri wa wena vusiku lebyi, mundzuku u ta va munhu la dlayiweke.” 12  Hi ku hatlisa Mikala a rhelerisa Davhida hi fasitere leswaku a ta famba, a baleka, a pona.+ 13  Hiloko Mikala a teka xifaniso xa terafimi+ a xi veka esangwini, ni rikoka ra dzovo ra mbuti, a ri veka endhawini ya nhloko yakwe, endzhaku ka sweswo a swi funengeta hi nguvu. 14  Kutani Sawulo a rhuma varhumiwa va ya teka Davhida, kambe yena a ku: “Wa vabya.”+ 15  Hiloko Sawulo a rhuma varhumiwa va ya vona Davhida, a ku: “N’wi tiseni hi sangu rakwe eka mina leswaku a dlayiwa.”+ 16  Loko varhumiwa va nghena, waswivo, a ku ri ni xifaniso xa terafimi esangwini rakwe ni rikoka ra dzovo ra mbuti endhawini ya nhloko yakwe. 17  Hiloko Sawulo a byela Mikala a ku: “Ha yini u ndzi kanganyise+ hi ndlela leyi, u tshika nala+ wa mina a famba leswaku a pona?” Mikala a byela Sawulo a ku: “Yena u ndzi byele a ku, ‘Ndzi tshike ndzi famba! Ha yini ndzi fanele ndzi ku dlaya?’” 18  Loko ku ri Davhida u balekile a tiponisa,+ a fika eka Samuwele eRhama.+ A n’wi byela hinkwaswo leswi Sawulo a n’wi endleke swona. Kutani yena na Samuwele va famba, va tshama eNayoti.+ 19  Hi ku famba ka nkarhi xiviko xi yisiwa eka Sawulo, xi ku: “Waswivo! Davhida u le Nayoti eRhama.” 20  Xikan’we-kan’we Sawulo a rhuma varhumiwa ku ya teka Davhida. Loko va vone vanhu lava kuleke va vaprofeta va ri karhi va profeta, na Samuwele a yimile endhawini yakwe ehenhla ka vona, moya+ wa Xikwembu wu va ehenhla ka varhumiwa va Sawulo, kutani na vona va sungula ku tikhoma ku fana ni vaprofeta.+ 21  Loko Sawulo va n’wi byele leswi, hi ku hatlisa a rhuma varhumiwa van’wana, na vona va sungula ku tikhoma ku fana ni vaprofeta. Kutani Sawulo a tlhela a rhuma varhumiwa, ntlawa wa vunharhu, na vona va sungula ku tikhoma ku fana ni vaprofeta. 22  Eku heteleleni na yena a ya eRhama. Loko a fambe ku ya fika exihlobyeni lexikulu, lexi nga eSeku, a sungula ku vutisa a ku: “Samuwele na Davhida va kwihi?” Hiloko va ku: “Va lahaya Nayoti,+ eRhama.” 23  A ya emahlweni ni ndlela yakwe ku suka kwalaho ku ya le Nayoti, eRhama, moya+ wa Xikwembu wu va ehenhla ka yena, ina, yena, a ya emahlweni a famba naswona a hambeta a tikhoma ku fana ni muprofeta kukondza a fika eNayoti, eRhama. 24  A tlhela a hluvula tinguvu takwe, na yena a tikhoma ku fana ni muprofeta emahlweni ka Samuwele, kutani a wela ehansi a nga ambalanga nchumu siku rero hinkwaro ni vusiku byebyo hinkwabyo.+ Hi yona mhaka leyi va nga vula va ku: “Xana Sawulo na yena u le xikarhi ka vaprofeta?”+

Tinhlamuselo ta le hansi