Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 18:1-30

18  Hi ku hatlisa loko a heta ku vulavula na Sawulo, moya-xiviri wa Yonathani+ wu namarhelana+ ni moya-xiviri wa Davhida, Yonathani a sungula ku n’wi rhandza kukota moya-xiviri wakwe.+  Hiloko Sawulo a n’wi teka esikwini rero, a nga n’wi pfumelelanga ku tlhelela endlwini ya tata wakwe.+  Yonathani na Davhida va endla ntwanano,+ hikwalaho ka leswi a a n’wi rhandza kukota moya-xiviri wakwe.+  Ku tlula kwalaho, Yonathani a hluvula nguvu yakwe yo pfumala mavoko leyi a yi ri eka yena, a yi nyika Davhida, ni tinguvu takwe hambi ku ri banga rakwe ni vurha byakwe ni vamba rakwe.  Davhida a huma. Kun’wana ni kun’wana laha Sawulo a a n’wi rhuma kona, a a endla hi vutlhari,+ lerova Sawulo a n’wi veka a lawula vavanuna vakwe va nyimpi;+ swi vonake swi ri swinene ematihlweni ya vanhu hinkwavo ni le matihlweni ya malandza ya Sawulo.  Kuteloko va nghena, loko Davhida a vuyile eku dlayeni ka Vafilisita, vavasati va huma emitini hinkwayo ya Israyele hi tinsimu+ ni mincino, va ta hlangana na Sawulo lowa hosi hi swingomana+ ni hi ku tsaka+ ni hi swipendana.  Vavasati lava a va ri eku tlangeleni, va hamba va phata, va ku: “Sawulo u dlaye magidi yakwe, Kambe Davhida u dlaye makume yakwe ya magidi.”+  Kutani Sawulo a sungula ku hlundzuka swinene,+ marito lawa a ma nga ri manene hi ku ya hi langutelo rakwe lerova u te: “Va nyike Davhida makume ya magidi kambe mina va ndzi nyike magidi, ku lo sala ntsena leswaku va n’wi nyika vuhosi!”+  Ku sukela esikwini rero ku ya emahlweni, Sawulo a a tshamela ku languta Davhida hi tihlo ro biha.+ 10  Kutani hi siku+ leri tlhandlamaka moya wo biha wa Xikwembu wu tirha ehenhla ka Sawulo+ lerova a tikhoma ku fana ni muprofeta+ endlwini yakwe loko Davhida a tlanga vuyimbeleri hi voko+ ku fana ni le masikwini ya khale; fumu a ri ri evokweni ra Sawulo.+ 11  Hiloko Sawulo a hoxa fumu,+ a ku: “Ndzi ta tlhava Davhida ndzi n’wi patsa ni khumbi,”+ kambe Davhida a bvutama emahlweni kakwe, kambirhi.+ 12  Sawulo a chava+ Davhida hikuva Yehovha u tikombe a ri na yena,+ kambe a a sukile eka Sawulo.+ 13  Hikwalaho Sawulo a n’wi susa eka yena,+ a n’wi veka a va murhangeri wa vanhu va 1 000 eka yena; a a hamba a huma ni ku nghena emahlweni ka vanhu.+ 14  Davhida a a hamba a endla hi vutlhari+ etindleleni takwe hinkwato, Yehovha a a ri na yena.+ 15  Sawulo a hambeta a swi vona leswaku a a endla hi vutlhari ngopfu,+ lerova a a n’wi chava. 16  Kutani tiko hinkwaro ra Israyele ni ra Yuda a va rhandza Davhida, hikuva a a huma ni ku a nghena emahlweni ka vona. 17  Eku heteleleni Sawulo a byela Davhida a ku: “Hi loyi n’wana wa mina wa nhwanyana lonkulu Meraba.+ Hi yena loyi ndzi nga ta ku nyika yena a va nsati wa wena.+ Ntsena tikombise u ri wanuna wa vurhena eka mina u lwa tinyimpi ta Yehovha.”+ Kambe loko ku ri Sawulo, u tibyele a ku: “U nga pfumeleli voko ra mina ri va ehenhla ka yena, kambe pfumelela voko ra Vafilisita ri va ehenhla ka yena.”+ 18  Hiloko Davhida a byela Sawulo a ku: “Xana ndzi mani naswona maxaka ya mina i va mani, ndyangu wa tatana eIsrayele lerova ndzi va mukon’wana wa hosi?”+ 19  Hambiswiritano, enkarhini lowu Meraba n’wana wa Sawulo wa nhwanyana a nyikiweke Davhida ha wona, ana se a a nyikiwe Adriyele+ lowa Muavele-mehola+ a va nsati wakwe. 20  Kutani Mikala+ n’wana wa Sawulo wa nhwanyana a a rhandzana na Davhida, hiloko va swi vika eka Sawulo, mhaka leyi a a yi rhandza. 21  Hikwalaho Sawulo a ku: “Ndzi ta n’wi nyika yena leswaku a va ntlhamu eka yena+ nileswaku voko ra Vafilisita ri va ehenhla ka yena.” Hiloko Sawulo a byela Davhida a ku: “U ta endla ntwanano wa vukati na mina namuntlha hi un’wana wa vavasati lava vambirhi.” 22  Ku tlula kwalaho, Sawulo a lerisa malandza yakwe a ku: “Vulavulani na Davhida exihundleni mi ku, ‘Waswivo! Hosi ya ku tsakela, malandza ya yona hinkwawo ma ku rhandza. Sweswi, endla ntwanano wa vukati ni hosi.’” 23  Hiloko malandza ya Sawulo ma sungula ku vulavula marito lawa etindleveni ta Davhida, kambe Davhida a ku: “Xana i nchumu wo olova ematihlweni ya n’wina ku endla ntwanano wa vukati ni hosi loko mina ndzi ri munhu la pfumalaka,+ la pfumalaka xindzhuti?”+ 24  Kutani malandza ya Sawulo ma n’wi vikela, ma ku: “Davhida u vulavule marito yo fana ni lawa.” 25  Hiloko Sawulo a ku: “N’wina mi ta byela Davhida mi ku, ‘Hosi a yi tsakeli mali ya ndzovolo+ kambe yi tsakela minsuvu+ ya 100 ya Vafilisita, leswaku yi tirihisela+ eka valala va hosi.’” Kambe loko ku ri Sawulo, a a bohe kungu ra leswaku Davhida a wa hi voko ra Vafilisita. 26  Kutani malandza yakwe ma vikela Davhida marito lawa, hiloko mhaka leyi yi rhandziwa hi Davhida, leswaku a endla ntwanano+ wa vukati ni hosi, masiku a ma nga si hela. 27  Kutani Davhida a pfuka a famba, yena ni vavanuna vakwe va ya dlaya+ vavanuna va 200 exikarhi ka Vafilisita, Davhida a vuya a tisa minsuvu+ ya vona, a yi nyika hosi yi ri nhlayo leyi heleleke leswaku a endla ntwanano wa vukati ni hosi. Hiloko Sawulo a n’wi nyika Mikala n’wana wakwe a va nsati wa yena.+ 28  Sawulo a swi vona naswona a swi tiva leswaku Yehovha a a ri na Davhida.+ Loko ku ri Mikala n’wana wa Sawulo a a n’wi rhandza.+ 29  Sawulo a tlhela a n’wi chava swinene Davhida, kutani Sawulo a va nala wa Davhida nkarhi hinkwawo.+ 30  Tihosana+ ta Vafilisita a ti huma, nkarhi hinkwawo loko ti huma, Davhida a a endla hi vutlhari+ ku tlula malandza hinkwawo ya Sawulo; vito rakwe ri va ra risima swinene.+

Tinhlamuselo ta le hansi