Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 17:1-58

17  Vafilisita+ va hlengeleta lava a va ri emixaxeni ya vona leswaku va ya enyimpini. Loko va hlengeletane eSokho,+ lowu nga wa Yuda, va dzima mixaxa exikarhi ka Sokho na Azeka,+ aEfesa-damima.+  Loko ku ri Sawulo ni vavanuna va Israyele, va hlengeletane va dzima mixaxa erivaleni ra le hansi ra Elaha,+ va lunghekela nyimpi leswaku va hlangana ni Vafilisita.  Vafilisita a va yime ehenhla ka ntshava etlhelweni leri, Vaisrayele a va yime ehenhla ka ntshava etlhelweni lerin’wana, nkova wu ri exikarhi ka vona.  Kutani nhenha yi huma emixaxeni ya Vafilisita, vito ra yona a ku ri Goliyadi,+ yi huma eGati,+ ku leha ka yona a ku ri swisungunu swa tsevu ni ku leha ka vuanamo bya xandla.+  Enhlokweni ya yona a ku ri ni xihuku xa koporo, a yi ambale nguvu ya mahakatimba ya nsimbi yi ri ni mahakatimba lama tlhandlakaneke, ntiko wa nguvu ya mahakatimba ya nsimbi+ a ku ri tixikele ta koporo ta 5 000.  A ku ri ni switlhangu swa koporo leswi veheriwaka emilengeni ehenhla ka milenge ya yona ni tlhari+ ro vevuka ra koporo exikarhi ka makatla ya yona.  Mphiselo wa fumu ra yona a wu fana ni mhandzi ya valuki va mapesa,+ banga ra fumu ra yona a ri ri tixikele ta nsimbi ta 600; la rhwaleke xitlhangu lexikulu a a famba emahlweni ka yona.  Hiloko yi yima yi nga fambi, yi sungula ku huwelela lava va nga enxaxamelweni wa nyimpi ya Israyele,+ yi ku eka vona: “Ha yini mi huma ku ta fola mi lunghekele nyimpi? Xana a ndzi Mufilisita, naswona n’wina a mi malandza+ ya Sawulo? Tihlawuleleni wanuna, a rhelela a ta eka mina.  Loko a swi kota ku lwa na mina naswona a ndzi dlaya, hi fanele hi va malandza ya n’wina. Kambe loko mina ndzi ringana na yena hi matimba kutani ndzi n’wi dlaya, n’wina mi fanele mi va malandza ya hina, mi fanele mi hi tirhela.”+ 10  Mufilisita a ya emahlweni a ku: “Mina ndza wu tlhontlha+ nxaxamelo wa nyimpi ya Israyele esikwini leri. Ndzi nyikeni wanuna hi lwa!”+ 11  Loko Sawulo+ ni tiko hinkwaro ra Israyele va twa marito lawa ya Mufilisita, va tshuka naswona va chava ngopfu.+ 12  Davhida a a ri n’wana wa Muefurata+ loyi a a huma eBetlehema wa Yuda, vito rakwe a ku ri Yese. A a ri ni vana va nhungu.+ Emasikwini ya Sawulo wanuna loyi a a dyuhele exikarhi ka vavanuna. 13  Kutani vana vanharhu lavakulu va Yese va famba. Va landzele Sawulo enyimpini,+ mavito ya vana vakwe vanharhu lava va yeke enyimpini a ku ri Eliyabu+ lowa mativula, ni n’wana wakwe wa vumbirhi Abinadaba,+ ni wa vunharhu Xamaha.+ 14  Davhida a a ri lontsongo eka hinkwavo,+ lava vanharhu lavakulu va landzele Sawulo. 15  Davhida a a famba a ya langutela tinyimpfu+ ta tata wakwe eBetlehema, a huma eka Sawulo. 16  Kutani Mufilisita a hambeta a tshinela nimixo swinene ni nimadyambu, a yimeka ku ringana masiku ya 40. 17  Hiloko Yese a byela Davhida n’wana wakwe a ku: “Ndzi kombela u teka mpimo lowu wa efa wa mavele lama katingiweke+ ni swinkwa leswi swa khume u yisa eka vamakwenu, u swi rhwala hi ku hatlisa u swi yisa enxaxeni, eka vamakwenu. 18  Swiphemu leswi swa khume leswi endliweke hi ntswamba u swi yisa eka murhangeri wa vanhu va 1 000;+ naswona u fanele u vutisisa hi vutomi bya vamakwenu,+ u fanele u teka xikombiso eka vona.” 19  Hi nkarhi wolowo Sawulo swin’we na vona, ni vavanuna lavan’wana hinkwavo va Israyele a va ri erivaleni ra le hansi ra Elaha,+ va lwa ni Vafilisita.+ 20  Hiloko Davhida a pfuka nimpundzu swinene a siya tinyimpfu ni muhlayisi, a rhwala ivi a famba hilaha Yese a n’wi leriseke hakona.+ Loko a fika enxaxeni lowu nga biyeriwa,+ mavandla ya nyimpi a ma huma ma ya enxaxamelweni wa nyimpi,+ kutani va ba hungwe ra nyimpi. 21  Kutani Israyele ni Vafilisita va sungula ku yima hi nxaxamelo wa nyimpi leswaku va hlanganisa nxaxamelo wa nyimpi. 22  Hi ku hatlisa Davhida a siya ndzhwalo+ lowu a wu ri eka yena, wu khathaleriwa hi muhlayisi wa ndzhwalo,+ a tsutsumela enxaxamelweni wa nyimpi. Loko a fika, a sungula ku vutisa hi vutomi bya vamakwavo.+ 23  Loko a ri karhi a vulavula na vona, waswivo, nhenha leyi vito ra yona ku nga Goliyadi,+ Mufilisita la humaka eGati,+ yi ta yi huma enxaxamelweni wa nyimpi ya Vafilisita, yi sungula ku vulavula marito lama fanaka ni yo sungula,+ Davhida a ma twa. 24  Vavanuna hinkwavo va Israyele, loko va vone wanuna loyi, waswivo, va n’wi baleka, a va chava swinene.+ 25  Vavanuna va Israyele va ku: “Xana mi n’wi vonile wanuna loyi a taka? Hikuva u tela ku ta tlhontlha+ Israyele. Munhu loyi a nga ta n’wi dlaya, hosi yi ta n’wi fuwisa hi rifuwo lerikulu, yi ta n’wi nyika n’wana wakwe wa nhwanyana,+ yi ta ntshunxa yindlu ya tata wakwe eIsrayele.”+ 26  Davhida a vutisa vavanuna lava a va yime ekusuhi na yena a ku: “Xana ku ta endliwa yini eka munhu la dlayaka Mufilisita+ luya kunene a susa ndzhukano ehenhla ka Israyele?+ Hikuva i mani Mufilisita loyi la nga yimbangiki+ leswaku a tlhontlha+ nxaxamelo wa nyimpi ya Xikwembu lexi hanyaka?”+ 27  Hiloko vanhu va n’wi byela marito lama fanaka ni yo sungula, va ku: “Hi yona ndlela leyi ku nga ta endliwa ha yona eka munhu la n’wi dlayaka.” 28  Kutani Eliyabu+ makwavo lonkulu a swi twa loko a vulavula ni vavanuna lava, Eliyabu a hlundzukela Davhida swinene,+ lerova a ku: “Ha yini u rhelerile? Naswona, xana u ti siye na mani tinyimpfu letiya ti nga riki tingani emananga?+ Mina ndzi ku tiva kahle ku tikukumuxa ni vubihi bya mbilu ya wena,+ hikuva u rhelerile hi xikongomelo xa ku vona nyimpi.”+ 29  Hiloko Davhida a ku: “Xana se ndzi endle yini sweswi? Xana a ku nga ri rito ntsena?”+ 30  Kutani a hundzulukela eka un’wana etlhelo ka yena, a ya emahlweni a vula rito leri fanaka ni ro sungula,+ vanhu na vona va n’wi nyika nhlamulo leyi fanaka ni yo sungula.+ 31  Kutani marito lawa Davhida a ma vuleke ma twiwa, hiloko va ma vula emahlweni ka Sawulo. Hikwalaho a n’wi landza. 32  Davhida a ya emahlweni a byela Sawulo a ku: “U nga pfumeleli mbilu ya wanuna un’wana ni un’wana yi hela matimba endzeni ka yena.+ Nandza wa wena u ta famba kunene a lwa ni Mufilisita loyi.”+ 33  Kambe Sawulo a ku eka Davhida: “A wu nge swi koti ku ya eka Mufilisita loyi u ya lwa na yena,+ hikuva wena wa ha ri mufana+ kasi yena i wanuna wa nyimpi ku sukela a ha ri mufana.” 34  Davhida a ya emahlweni a byela Sawulo a ku: “Nandza wa wena u ve murisi eka tata wakwe, exikarhi ka ntlhambi, hiloko ku ta nghala+ ni bere, ha xin’we xi teka nyimpfu entlhambini. 35  Kutani ndzi huma ndzi xi sala hi le ndzhaku, ndzi xi dlaya,+ ndzi ponisa enon’wini wa xona. Loko xi ndzi pfukela, ndzi xi khome hi malepfu ya xona ndzi xi ba ndzi xi dlaya. 36  Nandza wa wena u dlaye nghala ni bere; kutani Mufilisita+ loyi la nga yimbangiki u fanele a fana ni xin’wana xa swona, hikuva u tlhontlhe+ nxaxamelo wa nyimpi+ ya Xikwembu lexi hanyaka.”+ 37  Davhida a engeta a ku: “Yehovha loyi a ndzi kutsuleke eka rhuva ra nghala ni le ka rhuva ra bere, hi yena la nga ta ndzi kutsula evokweni ra Mufilisita loyi.”+ Hiloko Sawulo a byela Davhida a ku: “Famba, onge Yehovha a nga va na wena.”+ 38  Kutani Sawulo a ambexa Davhida tinguvu takwe, a vehela xihuku xa koporo enhlokweni yakwe, endzhaku ka sweswo a n’wi ambexa nguvu ya mahakatimba ya nsimbi. 39  Kutani Davhida a khama banga rakwe ehenhla ka tinguvu takwe, a ringeta ku famba, [kambe a tsandzeka], hikuva a a nga si tshama a swi ambala. Eku heteleleni Davhida a byela Sawulo a ku: “A ndzi swi koti ku famba ndzi ambale swilo leswi, hikuva a ndzi si tshama ndzi swi ringeta.” Hiloko Davhida a n’wi hluvula swona.+ 40  A teka nhonga yakwe a tihlawulela maribye ya ntlhanu yo tswulungeka ku ma tlula hinkwawo enkoveni, a ma chela enkwameni wakwe wa varisi lowu a wu ri xikutsu xakwe, evokweni a a tamele xipelupelu xakwe.+ Kutani a tshinelela Mufilisita. 41  Mufilisita a tshinela, a tshinela ekusuhi ngopfu eka Davhida, wanuna la rhwaleke xitlhangu a a ri emahlweni ka yena. 42  Kuteloko Mufilisita a languta kutani a vona Davhida, a sungula ku n’wi langutela+ ehansi hikuva a a ri mufana+ naswona a ri wa ribungwana,+ a sasekile.+ 43  Hiloko Mufilisita a byela Davhida a ku: “Xana ndzi mbyana+ leswi u taka eka mina u tamele tinhonga?” Mufilisita a rhuketela Davhida hi swikwembu swakwe.+ 44  Mufilisita a ya emahlweni a byela Davhida a ku: “Tana eka mina, ndzi ta nyiketa nyama ya wena eka tinyenyana ta matilo ni le ka swiharhi swa nhova.”+ 45  Davhida a byela Mufilisita a ku: “U ta eka mina hi banga ni fumu ni tlhari,+ kambe mina ndzi ta eka wena hi vito ra Yehovha wa mavuthu,+ Xikwembu xa nxaxamelo wa nyimpi ya Israyele lexi u xi tlhontlheke.+ 46  Esikwini leri Yehovha u ta ku nyiketa evokweni ra mina,+ kunene ndzi ta ku dlaya ndzi tsema nhloko ya wena; kunene esikwini leri ndzi ta nyiketa mintsumbu ya nxaxa wa Vafilisita eka tinyenyana ta matilo ni le ka swivandzana swa misava;+ vanhu va misava hinkwayo va ta tiva leswaku ku ni Xikwembu xa Israyele.+ 47  Nhlengeletano leyi hinkwayo yi ta tiva leswaku Yehovha a nga ponisi+ hi banga kumbe hi fumu, hikuva nyimpi+ i ya Yehovha, u fanele a mi nyiketa evokweni ra hina.”+ 48  Kutani Mufilisita loyi a pfuka a hambeta a ta, a tshinela ekusuhi ku ta hlangana na Davhida, Davhida a hatlisa a tsutsumela enxaxamelweni wa nyimpi a ya hlangana ni Mufilisita.+ 49  Hiloko Davhida a nghenisa voko enkwameni wakwe a teka ribye, a ri hoxa hi xipelupelu kutani ri ba+ Mufilisita emombyeni, ribye ri nghena emombyeni wakwe, kutani a wela emisaveni hi xikandza.+ 50  Hikwalaho Davhida, hi xipelupelu ni ribye, u tikombise a ri ni matimba ku tlula Mufilisita, a ba Mufilisita a n’wi dlaya; Davhida a a nga tamelanga banga.+ 51  Davhida a tsutsuma, kutani a yima ehenhla ka Mufilisita. Hiloko a teka banga+ ra yena, a ri hlomula enkotlotweni wa rona, kunene a n’wi dlaya loko a tsema nhloko yakwe hi rona.+ Vafilisita va vona leswaku munhu wa vona wa matimba u file, va baleka.+ 52  Hiloko vavanuna va Israyele ni va Yuda va pfuka va sungula ku huwelela va hlongorisa+ Vafilisita ku ya fika enkoveni+ ni ku ya fika etinyangweni ta Ekroni,+ kutani lava va vavisekeke ngopfu va Vafilisita va hambeta va wa endleleni ku suka eXarayimi+ ku ya fika eGati ni ku ya fika aEkroni. 53  Endzhaku ka sweswo vana va Israyele va vuya eku hlongoriseni ka Vafilisita, kutani va phanga+ mixaxa ya vona. 54  Hiloko Davhida a teka nhloko+ ya Mufilisita loyi a yi tisa eYerusalema, matlhari ya yena a ma veka entsongeni wakwe.+ 55  Kutani enkarhini lowu Sawulo a voneke Davhida loko a huma ku ya hlangana ni Mufilisita, u angule Abinere+ murhangeri wa vuthu rakwe a ku: “Xana mufana+ loyi i n’wana wa mani,+ Abinere?” Hiloko Abinere a ku: “Hi vutomi bya moya-xiviri wa wena, Wena hosi, a ndzi swi tivi nikatsongo!” 56  Kutani hosi yi ku: “Lavisisa leswaku mufana loyi i n’wana wa mani.” 57  Hikwalaho, hi ku hatlisa loko Davhida a vuyile eku dlayeni ka Mufilisita, Abinere a n’wi teka a n’wi tisa emahlweni ka Sawulo a tamele nhloko+ ya Mufilisita evokweni. 58  Sweswi Sawulo a ku eka yena: “Xana u n’wana wa mani, wena mufana?” Davhida a ku: “Ndzi n’wana wa nandza wa wena Yese+ lowa le Betlehema.”+

Tinhlamuselo ta le hansi