Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 15:1-35

15  Kutani Samuwele a byela Sawulo a ku: “Hi mina loyi Yehovha a n’wi rhumeke ku ta ku tota+ leswaku u va hosi ya vanhu vakwe, Israyele, sweswi yingisa mpfumawulo wa marito ya Yehovha.+  Yehovha wa mavuthu+ u te, ‘Ndzi fanele ndzi tengisa+ Amaleke hikwalaho ka leswi a swi endleke eka Israyele loko a lwa na yena endleleni, loko a huma aEgipta.+  Sweswi famba, u fanele u dlaya Amaleke,+ u n’wi nyikela endzovisweni+ ni hinkwaswo leswi a nga na swona, u nga tshuki u n’wi tsetselela, u fanele u va dlaya,+ wanuna ni wansati, n’wana ni loyi a an’waka,+ nkunzi ni nyimpfu, kamela ni mbhongolo.’”+  Kutani Sawulo a vitana vanhu a va hlaya eTelayimi,+ vavanuna va 200 000 lava fambaka hi milenge ni vavanuna va 10 000 va Yuda.+  Sawulo a famba a ya fika emutini wa Amaleke, a tumbelela enkoveni.  Hi nkarhi wolowo Sawulo a byela Vakena+ a ku: “Fambani, sukani+ mi rhelela mi suka exikarhi ka Vaamaleke, leswaku ndzi nga mi kukuli na vona. Loko ku ri n’wina, mi kombise musa wa rirhandzu eka vana va Israyele+ hinkwavo enkarhini wa ku huma ka vona aEgipta.”+ Hikwalaho Vakena va suka exikarhi ka Amaleke.  Endzhaku ka sweswo Sawulo a dlaya Amaleke+ ku suka eHavhila+ ku ya fika eXure,+ lowu nga emahlweni ka Egipta.  A khoma Agaga+ hosi ya Amaleke a ha hanya, vanhu lavan’wana hinkwavo a va nyiketa endzovisweni hi banga.+  Kambe Sawulo ni vanhu va ve ni ntsetselelo eka Agaga ni le ka leswinene swa ntlhambi wa tinyimpfu ni swa ntlhambi+ wa tihomu ni le ka leswo nona ni le ka makhuna ni le ka hinkwaswo leswi a swi ri leswinene, a va navelanga ku swi nyiketa endzovisweni.+ Loko ku ri nhundzu hinkwayo leyi a yi nyenyetsa naswona yi bakanyiwile, va yi nyikete endzovisweni. 10  Kutani rito ra Yehovha ri fika eka Samuwele, ri ku: 11  “Ndza tisola+ leswi ndzi endleke leswaku Sawulo a va hosi, hikuva u tshike+ ku ndzi landzela, a nga ma hetisisanga marito ya mina.”+ Kutani swi vangele Samuwele nhlomulo,+ a hambeta a huwelela eka Yehovha vusiku hinkwabyo.+ 12  Hiloko Samuwele a pfuka nimpundzu swinene a ta hlangana na Sawulo nimixo. Kambe Samuwele u vikeriwe xiviko, va ku: “Sawulo u te eKarimeli,+ waswivo, a a tiyimisela ribye ra xitsundzuxo,+ kutani a hundzuluka a tsemakanya a rhelela eGiligala.” 13  Eku heteleleni Samuwele a fika eka Sawulo, Sawulo a sungula ku vula a ku eka yena: “Wena u katekisiwile+ hi Yehovha. Ndzi hetisise rito ra Yehovha.”+ 14  Kambe Samuwele a ku: “Kutani, xana mpfumawulo lowu ndzi wu twaka etindleveni ta mina wa ntlhambi wa tinyimpfu, ni mpfumawulo lowu wa ntlhambi wa tihomu wu vula yini?”+ 15  Hiloko Sawulo a ku: “Va swi tise swi huma eka Vaamaleke, hikuva vanhu+ va ve ni ntsetselelo eka leswinene swa ntlhambi wa tinyimpfu ni ntlhambi wa tihomu, hi xikongomelo xa ku endlela Yehovha Xikwembu+ xa wena xitlhavelo; kambe leswi seleke hi swi nyikete endzovisweni.” 16  Kutani Samuwele a byela Sawulo a ku: “Yima! Ndzi ta ku byela leswi Yehovha a ndzi byeleke swona tolo nivusiku.”+ Hiloko a ku eka yena: “Vulavula!” 17  Samuwele a ya emahlweni a ku: “Xana a wu vanga murhangeri wa tinyimba ta Israyele, loko wa ha ri ntsongo ematihlweni+ ya wena, kutani Yehovha a ku tota+ u va hosi ya Israyele? 18  Endzhaku Yehovha a ku rhuma, a ku, ‘Famba, u fanele u nyiketa vadyohi endzovisweni,+ Vaamaleke, u fanele u lwa na vona ku fikela loko u va lovisile.’+ 19  Hikwalaho, ha yini u nga yingisanga rito ra Yehovha kambe hi makwanga u hatlisele eka leswi phangiweke,+ ivi u endla swo biha ematihlweni ya Yehovha?”+ 20  Hambiswiritano, Sawulo a ku eka Samuwele: “Kambe ndzi ri yingisile+ rito ra Yehovha hi ku va ndzi ye entirhweni lowu Yehovha a a ndzi rhume eka wona, ndzi tise Agaga+ hosi ya Amaleke kambe Amaleke ndzi ri nyikete endzovisweni.+ 21  Kutani vanhu+ va teke tinyimpfu ni tihomu eka leswi swi phangiweke, swo hlawuleka swa swona swa leswi nyikeriweke endzovisweni leswaku va endlela Yehovha Xikwembu xa wena xitlhavelo+ eGiligala.”+ 22  Hiloko Samuwele a ku: “Xana Yehovha u tsakisiwa hi magandzelo yo hisiwa+ ni switlhavelo ku fana ni ku yingisa rito ra Yehovha? Waswivo! Ku yingisa+ swa antswa ku ri ni xitlhavelo,+ ku nyikela nyingiso ku ri ni mafurha+ ya makhuna; 23  hikuva ku xandzuka+ ka fana ni xidyoho xa ku hlahluva,+ ni ku ya emahlweni hi ku tikukumuxa ka fana ni ku tirhisa matimba ya masalamusi ni terafimi.+ Leswi u bakanyeke rito ra Yehovha,+ hikwalaho na yena wa ku bakanya leswaku u nga vi hosi.”+ 24  Kutani Sawulo a ku eka Samuwele: “Ndzi dyohile;+ hikuva ndzi tlule xileriso xa Yehovha ni marito ya wena, hikuva ndzi chave vanhu,+ ndzi yingisa rito ra vona. 25  Kutani sweswi, ndzi kombela u rivalela+ xidyoho xa mina u tlhelela na mina leswaku ndzi tiwisela+ eka Yehovha.” 26  Kambe Samuwele a ku eka Sawulo: “A ndzi nge tlheleli na wena, hikuva u bakanye rito ra Yehovha, Yehovha wa ku bakanya leswaku u nga yi emahlweni u va hosi ya Israyele.”+ 27  Loko Samuwele a hundzuluka a lava ku famba, hi ku hatlisa a n’wi khoma hi dziva ra nguvu yakwe yo pfumala mavoko, kambe yi handzuka.+ 28  Hiloko Samuwele a ku eka yena: “Yehovha u handzule+ vuhosi eIsrayele byi suka eka wena namuntlha, kunene u ta byi nyika munhu-kuloni la antswaka ku ku tlula.+ 29  Kasi, handle ka sweswo, Muchaviseki wa Israyele+ a nge vi na mavunwa,+ Yena a nge tisoli, hikuva Yena a hi munhu wa la misaveni leswaku a tisola.”+ 30  Hiloko a ku: “Ndzi dyohile. Ndzi kombela u ndzi katekisa+ sweswi emahlweni ka vakulukumba va vanhu va ka hina ni le mahlweni ka Israyele, u tlhela na mina, kunene ndzi ta tiwisela eka Yehovha Xikwembu xa wena.”+ 31  Kutani Samuwele a tlhela, Sawulo a n’wi landzela, Sawulo a tiwisela eka Yehovha. 32  Endzhaku ka sweswo Samuwele a ku: “Tshinetani Agaga hosi ya Amaleke eka mina.” Hiloko Agaga a ya eka yena a ri karhi a kanakana, Agaga a sungula ku tibyela a ku: “Entiyisweni mbitsi wa rifu wu sukile.” 33  Hambiswiritano, Samuwele a ku: “Hilaha banga+ ra wena ri pfumateke vavasati vana hakona, hi ndlela yoleyo mana+ wa wena u ta pfumatiwa vana exikarhi ka vavasati.”+ Hiloko Samuwele a khavangela Agaga emahlweni ka Yehovha eGiligala.+ 34  Kutani Samuwele a khoma ndlela a ya eRhama, loko ku ri Sawulo, a tlhandlukela endlwini yakwe eGibiya+ wa Sawulo. 35  Samuwele a nga ha tlhelanga a vona Sawulo ku fikela esikwini ra ku fa ka yena, hikuva Samuwele a a rila+ Sawulo. Loko ku ri Yehovha, u tisorile leswi a endleke Sawulo a va hosi ya Israyele.+

Tinhlamuselo ta le hansi