Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 12:1-25

12  Eku heteleleni Samuwele a byela tiko hinkwaro ra Israyele a ku: “Maswivo, ndzi yingise rito ra n’wina malunghana ni hinkwaswo leswi mi ndzi byeleke swona,+ leswaku ndzi mi vekela hosi yi mi fuma.+  Kutani hosi leyi fambaka emahlweni ka n’wina hi leyi!+ Loko ku ri mina, ndzi kurile+ naswona ndzi mpunga,+ vana va mina va na n’wina laha,+ mina—ndzi fambe emahlweni ka n’wina ku sukela evuntshweni bya mina ku fikela esikwini leri.+  Hi mina loyi. Hlamulani mi ndzi kaneta emahlweni ka Yehovha ni le mahlweni ka mutotiwa+ wakwe: Xana ndzi teke nkunzi ya mani kumbe ndzi teke+ mbhongolo ya mani kumbe ndzi dyelele mani kumbe ndzi pfotlose mani kumbe ndzi amukele mali yo siva nomu evokweni ra mani, leswaku ndzi tipfala mahlo ha yona?+ Ndzi ta mi tlherisela swona.”+  Hiloko va ku: “A wu hi dyelelanga, kumbe ku hi pfotlosa kumbe ku amukela nchumu wihi ni wihi evokweni ra un’wana.”+  Kutani a ku eka vona: “Yehovha i mbhoni ehenhla ka n’wina naswona mutotiwa wakwe+ i mbhoni esikwini leri leswaku a mi kumanga nchumu ni wun’we evokweni ra mina.”+ Hiloko va ku: “I mbhoni.”  Samuwele a ya emahlweni a byela vanhu a ku: “Yehovha [i mbhoni], loyi a tirhiseke Muxe na Aroni ni loyi a humeseke vatata wa n’wina va huma etikweni ra Egipta.+  Kutani sweswi, yimani, ndzi ta mi avanyisa emahlweni ka Yehovha [ndzi mi rungulela swiendlo] hinkwaswo swo lulama+ swa Yehovha, leswi a mi endleleke swona, n’wina ni vatata wa n’wina.  “Hi ku hatlisa loko Yakobe a nghene aEgipta+ naswona vatata wa n’wina va kombele mpfuno eka Yehovha,+ Yehovha u rhume Muxe+ na Aroni leswaku va rhangela vatata wa n’wina va huma aEgipta, va va tshamisa endhawini leyi.+  Kutani va rivale Yehovha Xikwembu+ xa vona lerova a va xavisa+ evokweni ra Sisera,+ murhangeri wa vuthu ra Hasora ni le vokweni ra Vafilisita+ ni le vokweni ra hosi ya Mowabu,+ va hambete va lwa na vona. 10  Va sungule ku kombela mpfuno+ eka Yehovha va ku, ‘Hi dyohile,+ hikuva hi siye Yehovha hi ya tirhela Vabali+ ni swifaniso swa Axitoreti;+ sweswi hi kutsule+ evokweni ra valala va hina leswaku hi ku tirhela.’ 11  Hiloko Yehovha a rhuma Yerubali+ na Bedani na Yefta+ na Samuwele,+ va mi kutsula evokweni ra valala va n’wina matlhelo hinkwawo, leswaku mi ta tshama mi sirhelelekile.+ 12  Loko mi vone leswaku Nahaxi+ hosi ya vana va Amone u tile ku ta lwa na n’wina, mi hambete mi ku eka mina, ‘E-e, kambe hosi yi fanele yi hi fuma,’+ nkarhi wolowo hinkwawo Yehovha Xikwembu xa n’wina a a ri Hosi ya n’wina.+ 13  Kutani sweswi, hosi leyi mi yi hlawuleke hi leyi, leyi mi yi kombeleke;+ kutani maswivo, Yehovha u veke hosi ehenhla ka n’wina.+ 14  Loko mi ta chava Yehovha,+ kunene mi n’wi tirhela+ naswona mi yingisa rito rakwe,+ mi nga xandzukeli+ xileriso xa Yehovha, n’wina ni hosi leyi yi faneleke yi mi fuma, kunene mi ta tikombisa mi ri valandzeri va Yehovha Xikwembu xa n’wina. 15  Kambe loko mi nga ta ri yingisa rito ra Yehovha,+ mi xandzukela xileriso xa Yehovha,+ kunene voko ra Yehovha ri ta lwa na n’wina ni vatata wa n’wina.+ 16  Sweswi, yimani mi vona nchumu lowu lowukulu lowu Yehovha a wu endlaka emahlweni ka mahlo ya n’wina. 17  Xana a ku tshoveriwi+ koroni namuntlha? Ndzi ta vitana+ Yehovha leswaku a tisa ku dzindza ni mpfula;+ kutani swi tiveni mi vona leswaku ku biha ka n’wina loku mi ku endleke ematihlweni ya Yehovha hi ku kombela hosi, i kukulu.”+ 18  Endzhaku ka sweswo, Samuwele a vitana eka Yehovha,+ kutani Yehovha a tisa ku dzindza ni mpfula esikwini rero,+ lerova vanhu hinkwavo va n’wi chave ngopfu Yehovha na Samuwele. 19  Vanhu hinkwavo va byela Samuwele va ku: “Khongelela+ malandza ya wena eka Yehovha Xikwembu xa wena, hikuva a hi lavi ku fa; hikuva hi engetele ku biha eswidyohweni hinkwaswo swa hina hi ku kombela hosi.” 20  Hiloko Samuwele a byela vanhu a ku: “Mi nga chavi.+ N’wina—mi endle ku biha loku hinkwako. Ntsena mi nga hambuki mi tshika ku landzela Yehovha,+ mi fanele mi tirhela Yehovha hi mbilu ya n’wina hinkwayo.+ 21  Mi nga tshuki mi hambuka mi landzela swilo leswi nga riki swa xiviri,+ leswi nga vuyerisiki,+ leswi nga kutsuriki, hikuva i swilo leswi nga riki swa xiviri. 22  Yehovha a nge va tshiki+ vanhu vakwe hikwalaho ka vito rakwe lerikulu,+ hikuva Yehovha u lava ku mi endla vanhu vakwe.+ 23  Loko ku ri mina, a hi swinene eka mina leswaku ndzi dyohela Yehovha hi ku tshika ku mi khongelela;+ ndzi fanele ndzi mi letela+ hi ndlela leyinene+ ni leyi lulameke. 24  Ntsena chavani+ Yehovha, mi n’wi tirhela hi ntiyiso, hi mbilu ya n’wina hinkwayo;+ vonani swilo leswikulu leswi a mi endleleke swona.+ 25  Kambe loko mi endla swo biha hi ndlela leyi tlulaka mpimo, mi ta kukuriwa,+ n’wina ni hosi ya n’wina.”+

Tinhlamuselo ta le hansi