Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 11:1-15

11  Nahaxi lowa Muamone+ a tlhandluka a ya dzima nxaxa ku lwa na Yabexe+ eGiliyadi. Hiloko vavanuna hinkwavo va Yabexe va byela Nahaxi va ku: “Endla ntwanano na hina leswaku hi ku tirhela.”+  Hiloko Nahaxi lowa Muamone a ku eka vona: “Ndzi ta wu endla na n’wina hi mpfumelelano lowu ntsena, hi mpfumelelano wa leswaku un’wana ni un’wana wa n’wina a boxa+ tihlo rakwe ra xinene, ndzi fanele ndzi ri veka ri va ndzhukano ehenhla ka tiko hinkwaro ra Israyele.”+  Hiloko vakulukumba va Yabexe va ku eka yena: “Hi nyike nkarhi wo ringana masiku ya nkombo, hi ta rhuma varhumiwa endhawini hinkwayo ya Israyele, loko hi nga ri na muponisi+ hi ta huma hi ta eka wena.”  Hi ku famba ka nkarhi varhumiwa va fika eGibiya+ wa Sawulo, va vulavula marito vanhu va yingisile, kutani vanhu hinkwavo va sungula ku tlakusa rito ra vona va rila.+  Kambe hi loyi Sawulo a taka endzhaku ka ntlhambi a huma enhoveni, Sawulo a ku: “Swo yini leswi vanhu va rilaka?” Va n’wi rungulela marito ya vavanuna va Yabexe.  Kutani moya+ wa Xikwembu wu tirha ehenhla ka Sawulo loko a twa marito lawa, a hlundzuka ngopfu.+  Hiloko a teka tinkunzi timbirhi a ti tsemelela ivi a ti rhumela endhawini hinkwayo ya Israyele+ hi voko ra varhumiwa, a ku: “Munhu un’wana ni un’wana wa hina la nga ta ka a nga humi a landzela Sawulo na Samuwele, tihomu takwe ti ta endliwa hi ndlela leyi!”+ Hiloko ku chava+ ka Yehovha+ ku wela ehenhla ka vanhu lerova va huma va va munhu un’we.+  Kutani a hlaya ntsengo+ wa vona eBezeki, vana va Israyele a va ri 300 000, vavanuna va Yuda a va ri 30 000.  Kutani va byela varhumiwa lava a va tile va ku: “Mi ta byela vavanuna va Yabexe eGiliyadi mi ku, ‘Mundzuku mi ta ponisiwa loko dyambu ri sungula ku hisa.’”+ Hiloko varhumiwa va fika va byela vavanuna va Yabexe, kutani va tsaka. 10  Hikwalaho vavanuna va Yabexe va ku: “Mundzuku hi ta huma hi ta eka n’wina, mi fanele mi hi endla hi ku pfumelelana ni swilo hinkwaswo leswi nga swinene ematihlweni ya n’wina.”+ 11  Kutani hi siku leri tlhandlamaka, Sawulo+ a veka vanhu va va mavuthu manharhu;+ va ya exikarhi ka nxaxa hi nkarhi wa ku rindza ka nimixo,+ va dlaya Vaamone+ ku fikela loko siku ri hisa. Loko ku ri ni lava va siyiweke, va hangalasiwile, a va siyanga exikarhi ka vona vanhu vambirhi va ri swin’we.+ 12  Vanhu va byela Samuwele va ku: “I va mani lava a va ku, ‘Sawulo—xana u ta va hosi ya hina?’+ Hi nyiketeni vavanuna volavo leswaku hi va dlaya.”+ 13  Hambiswiritano, Sawulo a ku: “A ku na munhu la nga ta dlayiwa esikwini leri,+ hikuva namuntlha Yehovha u tise ku ponisa eIsrayele.”+ 14  Endzhaku Samuwele a byela vanhu a ku: “Tanani, a hi yeni eGiligala+ leswaku hi pfuxeta vuhosi kwalaho.”+ 15  Hiloko vanhu hinkwavo va ya eGiligala, kwalaho va veka Sawulo a va hosi emahlweni ka Yehovha eGiligala. Kutani va endla switlhavelo swa xinakulobye kwalaho emahlweni ka Yehovha,+ kwalaho Sawulo ni vavanuna hinkwavo va Israyele va ye emahlweni va tsaka ngopfu swinene.+

Tinhlamuselo ta le hansi