Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 10:1-27

10  Hiloko Samuwele a teka gula+ ra mafurha a ri chululela enhlokweni yakwe, a n’wi ntswontswa,+ a ku: “Xana a hikwalaho ka leswi Yehovha a ku toteke leswaku u va murhangeri+ wa ndzhaka yakwe?+  Loko u suka laha eka mina namuntlha u ta kuma vavanuna vambirhi ekusuhi ni sirha-bako ra Rahele,+ endhawini ya Benjamini eSelasa, kunene va ta ku byela va ku, ‘Timbhongolo ta matswele leti a wu famba u ti lava ti kumekile, kambe sweswi tata wa wena u tshike mhaka ya timbhongolo ta matswele,+ u vilela ha n’wina, u ri: “Xana ndzi ta endla yini malunghana ni n’wananga?”’+  Ku suka kwalaho u fanele u hundzela emahlweni u ya fika emurhini lowukulu wa Taboro, kona u ta hlangana ni vavanuna vanharhu va tlhandlukela eka Xikwembu xa ntiyiso eBethele,+ un’wana a rhwale swimbutana swinharhu,+ un’wana a rhwale swinkwa swinharhu swa xirhendzevutana+ naswona un’wana a rhwale khuwana lerikulu ra vhinyo.+  Kunene va ta vutisa hi vutomi+ bya wena kutani va ku nyika swinkwa swimbirhi, u fanele u swi amukela evokweni ra vona.  Endzhaku ka sweswo u ta ta exitsungeni xa Xikwembu xa ntiyiso,+ laha ku nga ni masocha+ ya Vafilisita. Kutaku loko u fika emutini, kunene u ta hlangana ni ntlawa wa vaprofeta+ va rhelela va suka endhawini leyi tlakukeke,+ emahlweni ka vona ku ri ni xitende,+ xingomana,+ xitiringo+ ni haripa,+ vona va ri karhi va vulavula kukota vaprofeta.  Kunene moya+ wa Yehovha wu ta tirha ehenhla ka wena, u ta vulavula swin’we na vona kukota muprofeta,+ u hundzuka u va munhu un’wana.  Kutaku loko swikombiso+ leswi swi ta eka wena, endla leswi voko ra wena ri kotaka ku swi endla,+ hikuva Xikwembu xa ntiyiso xi na wena.+  U fanele u rhelela emahlweni ka mina u ya eGiligala;+ kutani waswivo, ndzi ta eka wena ku ta humesa switlhavelo swo hisiwa ni ku endla switlhavelo swa xinakulobye.+ U ta rindza masiku ya nkombo+ kukondza ndzi ta eka wena, kunene ndzi ta ku tivisa leswi u faneleke u swi endla.”  Kuteloko a hundzuluxa katla leswaku a suka eka Samuwele, Xikwembu xi sungula ku hundzula mbilu yakwe yi va yin’wana;+ kutani swikombiso+ leswi hinkwaswo swi hetiseka esikwini rero. 10  Hiloko va suka kwalaho va ya exitsungeni, kutani waswivo, a ku ri ni ntlawa wa vaprofeta va ta hlangana na yena; xikan’we-kan’we moya wa Xikwembu wu tirha ehenhla ka yena,+ a sungula ku vulavula kukota muprofeta+ exikarhi ka vona. 11  Kuteloko hinkwavo lava a va n’wi tiva eku sunguleni va n’wi vona, waswivo, a a profeta ni vaprofeta. Hikwalaho vanhu va byelana va ku: “I yini lexi endlekeke hi n’wana wa Kixi? Xana Sawulo na yena hi un’wana wa vaprofeta?”+ 12  Hiloko wanuna un’wana kwalaho a hlamula a ku: “Kambe i mani tata wa vona?” Hi yona mhaka leyi ku nga ni xihlekulo+ lexi nge: “Xana Sawulo na yena hi un’wana wa vaprofeta?” 13  Endzhaku ka nkarhi a heta ku vulavula kukota muprofeta kutani a ta endhawini leyi tlakukeke. 14  Endzhaku makwavo wa tata wa Sawulo a ku eka yena ni le ka mutirhi wakwe: “Xana a mi ye kwihi?” Yena a ku: “A ndzi ye eku laveni ka timbhongolo ta matswele,+ hi hambete hi famba hi lava kambe a ti nga ri kona. Hiloko hi fika eka Samuwele.” 15  Kutani makwavo wa tata wa Sawulo a ku: “Ndzi kombela u ndzi byela, Xana Samuwele u mi byele yini?” 16  Hiloko Sawulo a byela makwavo wa tata wakwe a ku: “Entiyisweni u hi byele leswaku timbhongolo ta matswele ti kumekile.” A nga n’wi byelanga hi mhaka ya vuhosi leyi Samuwele a vulavuleke ha yona.+ 17  Samuwele a hlengeleta vanhu eka Yehovha eMizpa+ 18  a byela vana va Israyele a ku: “Yehovha Xikwembu xa Israyele u te,+ ‘Hi mina ndzi humeseke Israyele aEgipta ni loyi a mi kutsuleke evokweni ra Egipta+ ni le vokweni ra mimfumo hinkwayo leyi a yi mi tshikilela.+ 19  Kambe n’wina—namuntlha mi bakanye Xikwembu+ xa n’wina lexi a xi ri muponisi wa n’wina evubihini bya n’wina hinkwabyo ni le maxangwini ya n’wina, mi ye emahlweni mi ku: “E-e, kambe hosi yi ta va ehenhla ka hina.” Kutani sweswi, yimani emahlweni ka Yehovha hi tinyimba+ ta n’wina ni hi magidi ya n’wina.’” 20  Hikwalaho Samuwele a tshineta tinyimba hinkwato ta Israyele,+ kutani ku hlawuriwa nyimba ya Benjamini.+ 21  Hiloko a tshineta nyimba ya Benjamini hi mindyangu ya yona, kutani ku hlawuriwa ndyangu wa ka Matiri.+ Eku heteleleni Sawulo n’wana wa Kixi a hlawuriwa.+ A va n’wi lava kambe a nga kumekanga. 22  Hikwalaho va vutisisa+ nakambe eka Yehovha va ku: “Xana munhu loyi u fikile laha?” Yehovha a ku: “Hi loyi, u tumbele+ exikarhi ka nhundzu.” 23  Hiloko va tsutsuma va n’wi teka kwalaho. Loko a yima exikarhi ka vanhu, a a lehe ku tlula vanhu hinkwavo, ku sukela emakatleni ku ya ehenhla.+ 24  Kutani Samuwele a byela vanhu hinkwavo a ku: “Xana mi n’wi vonile loyi a hlawuriweke hi Yehovha,+ leswaku a nga kona la fanaka na yena exikarhi ka vanhu hinkwavo?” Vanhu hinkwavo va sungula ku huwelela va ku: “Hosi a yi hanye!”+ 25  Hiloko Samuwele a vulavula ni vanhu hi mfanelo leyi lulameke ya vuhosi,+ a yi tsala ebukwini kutani a yi veka emahlweni ka Yehovha. Samuwele a tshika vanhu hinkwavo va famba, un’wana ni un’wana a ya endlwini yakwe. 26  Loko ku ri Sawulo, a muka eGibiya,+ kutani vavanuna va vurhena lava Xikwembu xi khumbeke mbilu ya vona va famba na yena.+ 27  Loko ku ri vavanuna lava nga pfuniki nchumu,+ va te: “Xana loyi u ta hi ponisa hi ndlela yihi?”+ Hikwalaho va n’wi langutele ehansi,+ a va n’wi tiselanga nyiko.+ Kambe u ye emahlweni a nga vulavuli.+

Tinhlamuselo ta le hansi