Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Samuwele 1:1-28

1  A ku ri ni wanuna wa le Ramatayimi-zofimi,+ wa le ndhawini ya tintshava ya Efrayimi,+ vito rakwe a ku ri Elkana+ n’wana wa Yerohamu, n’wana wa Elihu, n’wana wa Tohu, n’wana wa Zufu,+ wa ka Efrayimi.  A a ri ni vasati vambirhi, vito ra un’wana a ku ri Hana kasi vito ra un’wana a ku ri Penina. Penina a a ri ni vana, kambe Hana a a nga ri na vana.+  Kutani wanuna yoloye a a tlhandluka a huma emutini wa ka vona lembe ni lembe leswaku a ya tiwisela+ ehansi ni ku endlela Yehovha wa mavuthu xitlhavelo eXilo.+ Kwalaho hi laha vana vambirhi va Eli, Hofini na Finiyasi+ a va ri vaprista va Yehovha.+  Kutani ku fika siku leri Elikana a endleke xitlhavelo ha rona, a nyika Penina nsati wakwe ni vana vakwe hinkwavo va majaha ni va vanhwanyana swiavelo;+  kambe Hana a n’wi nyika xiavelo xin’we. Hambiswiritano, a a rhandza Hana,+ kambe Yehovha a a pfale mbeleko wakwe.+  Nkati-kulobye na yena a a n’wi dyisa mbitsi+ hi ku tlurisa leswaku a n’wi pfilunganya hikwalaho ka leswi Yehovha a a pfale mbeleko wakwe.  A a endla hi ndlela yoleyo lembe ni lembe,+ nkarhi hinkwawo loko a tlhandlukela endlwini ya Yehovha.+ A a n’wi dyisa mbitsi hi ndlela yoleyo lerova a a rila a nga dyi.  Kutani Elkana nuna wakwe a ku eka yena: “Hana, u rilela yini, ha yini u nga dyi naswona ha yini mbilu ya wena yi twa ku vava?+ Xana a ndzi antswi eka wena ku tlula vana va khume?”+  Hiloko Hana a suka a yima, endzhaku ka loko va dyile eXilo ni le ndzhaku ka loko va nwile, loko Eli lowa muprista a tshame exitshan’weni ekusuhi ni rimba ra tempele+ ya Yehovha. 10  Moya-xiviri wakwe a wu vaviseke ngopfu,+ kutani a sungula ku khongela Yehovha+ ni ku rila ngopfu.+ 11  U ye emahlweni a endla xitshembiso lexi hlambanyiweke+ a ku: “Oho, Yehovha wa mavuthu, hakunene loko wo languta ku xaniseka ka hlonga ra wena ra xisati,+ u ndzi tsundzuka,+ u nga ri rivali hlonga ra wena ra xisati, kunene u nyika hlonga ra wena ra xisati n’wana wa xinuna, ndzi ta n’wi nyika Yehovha masiku hinkwawo ya vutomi byakwe, a ku na rikari leri nga ta hundza enhlokweni yakwe.”+ 12  Kuteloko a khongele nkarhi wo leha+ emahlweni ka Yehovha, Eli a a langute nomu wa yena. 13  Loko ku ri Hana, a a vulavula embilwini yakwe;+ a ku vendzavendza milomu yakwe ntsena, rito rakwe a ri nga twakali. Kambe Eli a vona onge u dakwile.+ 14  Kutani Eli a ku eka yena: “Xana u ta dakwa ku fikela rini?+ Susa vhinyo ya wena eka wena.” 15  Hiloko Hana a hlamula a ku: “E-e hosi yanga! Ndzi wansati la karhatekeke emoyeni; a ndzi nwanga vhinyo hambi ku ri swakunwa leswi pyopyaka, kambe ndzi chulula moya-xiviri wa mina emahlweni ka Yehovha.+ 16  U nga endli hlonga ra wena ra xisati ri fana ni wansati la nga pfuniki nchumu,+ hikuva ndzi vulavule ku fikela sweswi hikwalaho ka ku vilela ka mina lokukulu ni ku dyiwa ka mina hi mbitsi.”+ 17  Kutani Eli a hlamula a ku: “Famba hi ku rhula,+ onge Xikwembu xa Israyele xi nga hlamula xikombelo lexi u xi hundziseleke eka xona.”+ 18  Hiloko a ku: “Nandza wa wena wa xisati a a kume tintswalo ematihlweni ya wena.”+ Wansati a khoma ndlela yakwe kutani a dya,+ xikandza xakwe a xa ha tlhelanga xi vilela.+ 19  Kutani va pfuka nimpundzu swinene va tiwisela emahlweni ka Yehovha, endzhaku ka sweswo va tlhela kutani va ya fika endlwini ya vona eRhama.+ Elkana a tivana+ na Hana nsati wakwe, naswona Yehovha a n’wi tsundzuka.+ 20  Kuteloko lembe ri hela, Hana a tika, a veleka n’wana wa jaha, a n’wi thya vito+ ra Samuwele, hikuva u te, “ndzi n’wi kombele+ eka Yehovha.” 21  Hi ku famba ka nkarhi wanuna loyi Elkana a tlhandluka ni vandyangu wakwe hinkwavo va ya endlela Yehovha xitlhavelo+ xa lembe ni lembe ni gandzelo rakwe ra xitshembiso lexi hlambanyiweke.+ 22  Loko ku ri Hana a nga tlhandlukanga,+ hikuva u byele nuna wakwe a ku: “Hi ku hatlisa loko mufana a lumuriwile,+ ndzi fanele ndzi n’wi tisa, naswona u fanele a humelela emahlweni ka Yehovha, a tshama kona hilaha ku nga riki na makumu.”+ 23  Hiloko Elkana nuna+ wakwe a ku eka yena: “Endla leswi nga swinene ematihlweni ya wena.+ Tshama ekaya ku fikela loko u n’wi lumurile. Ntsena onge Yehovha a nga hetisisa rito rakwe.”+ Kutani wansati a tshama ekaya, a hambeta a wundla n’wana wakwe ku fikela loko a n’wi lumurile.+ 24  Hi ku hatlisa loko a n’wi lumurile, u tlhandluke na yena, swin’we ni nkunzi ya malembe manharhu hi vukhale ni mpimo wun’we wa efa ya mapa ni khuwana lerikulu ra vhinyo,+ a nghena endlwini ya Yehovha eXilo.+ Mufana a a ri na yena. 25  Kutani va tlhava nkunzi, va tisa mufana eka Eli.+ 26  Hiloko a ku: “Ndzi khomele hosi yanga! Hi vutomi bya moya-xiviri wa wena,+ hosi yanga, hi mina wansati loyi a a yime na wena endhawini leyi, ndzi khongela Yehovha.+ 27  A ndzi khongela malunghana ni mufana loyi leswaku Yehovha a hetisisa xikombelo+ xa mina lexi ndzi xi kombeleke eka yena.+ 28  Kutani mina, ndzi n’wi lombe Yehovha.+ Masiku hinkwawo ya vukona bya yena, u kombeleriwe Yehovha.” Hiloko yena a nkhinsamela Yehovha kwalaho.+

Tinhlamuselo ta le hansi