Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Petro 5:1-14

5  Hikokwalaho, eka vakulukumba lava nga exikarhi ka n’wina ndzi nyika xikhongotelo lexi, hikuva na mina ndzi nkulukumba+ swin’we na vona naswona ndzi mbhoni+ ya ku xaniseka ka Kreste, ni muhlanganyeri wa kona ku vangama loku nga ta hlavuteriwa:+  Risani+ ntlhambi wa Xikwembu+ lowu khathaleriwaka hi n’wina, ku nga ri hi ku sindzisiwa, kambe hi ku swi rhandza;+ ku nga ri hi ku rhandza mpindzulo+ wa vukanganyisi, kambe hi mapfundza;  ku nga ri ku tikisela+ lava nga ndzhaka+ ya Xikwembu, kambe mi va swikombiso entlhambini.+  Naswona loko murisi+ lonkulu a humelela, mi ta amukela harhi ya ku vangama leyi nga vuniki.+  Hi mukhuva lowu fanaka, na n’wina majaha tivekeni ehansi+ ka vakulukumba. Kambe hinkwenu tikhameni hi mianakanyo yo titsongahata un’wana eka un’wana,+ hikuva Xikwembu xi lwisana ni lava titlakusaka, kambe lava titsongahataka+ xi va nyika musa lowu nga faneriwiki.  Hikokwalaho, titsongahateni ehansi ka voko ra matimba ra Xikwembu, leswaku xi ta mi tlakusa hi nkarhi+ lowu faneleke;  mi ri karhi mi lahlela ku vilela+ hinkwako ka n’wina eka xona, hikuva xa mi khathalela.+  Hlayisani mianakanyo ya n’wina leyi hlutekeke, mi hiteka.+ Xirha xa n’wina, Diyavulosi, xa famba-famba ku fana ni nghala leyi vombaka, yi lava wa ku n’wi dya.+  Kambe lwanani na xona,+ mi tiya eripfumelweni, hi ku tiva leswaku ku xaniseka loku fanaka ku karhi ka endleka enhlengeletanweni hinkwayo ya vamakwenu emisaveni.+ 10  Kambe, loko mi xaniseke nkarhinyana,+ Xikwembu xa musa hinkwawo lowu nga faneriwiki, lexi mi vitaneleke eku vangameni+ ka xona loku nga heriki leswaku mi va ni vun’we+ na Kreste, xona hi xoxe xi ta hetisa ku leteriwa ka n’wina, xi ta mi tiyisa,+ xi mi nyika ntamu.+ 11  Matimba+ a ma ve ya xona hi masiku. Amen. 12  Hi ku tirhisa Silvhano,+ makwerhu wo tshembeka, hi ku n’wi tiva ka mina, ndzi mi tsalele hi marito+ ma nga ri mangani, leswaku ndzi nyikela xikhutazo ni vumbhoni lebyi tiyeke bya leswaku lowu i musa lowu nga faneriwiki wa ntiyiso wa Xikwembu; yimani mi tiya+ eka wona. 13  Wansati la nga eBabilona,+ muhlawuriwa wo kota n’wina, wa mi rungula, na Marka+ n’wana wa mina wa mi rungula. 14  Mi xewetana hi ku ntswontswana ka rirhandzu.+ Onge hinkwenu lava mi nga ni vun’we na Kreste mi nga va ni ku rhula.+

Tinhlamuselo ta le hansi