Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Petro 4:1-19

4  Hikokwalaho leswi Kreste a xanisekeke a ri wa nyama,+ na n’wina hlomani hi xiyimo+ lexi fanaka xa mianakanyo; hikuva munhu loyi a xanisiweke a ri wa nyama u tshike swidyoho,+  ku endlela leswaku enkarhini wakwe lowu seleke a ri wa nyama,+ a nga ha tlheli a hanyela ku navela ka vanhu nikatsongo, kambe a hanyela ku rhandza+ ka Xikwembu.  Hikuva wu ringene nkarhi+ lowu hundzeke lowu ha wona a mi endla ku rhandza ka matiko+ loko ma ha ya emahlweni ni swiendlo swa ku tikhoma+ ko biha, ku navela ko biha, ku kukutlela vhinyo,+ minkhuvo ya huwa, mimphikizano ya ku nwa, ni ku gandzela swifaniso+ swa hava loku hambaneke ni nawu.  Hikwalaho ka leswi mi nga hambetiki mi tsutsuma na vona endleleni leyi yaka exidziveni lexi fanaka xa manyala,+ va hlamala naswona va tshamela ku vulavula ha n’wina+ hi ku tseketsela.  Kambe vanhu lava va ta tihlamulela eka loyi+ a lunghekeleke ku avanyisa lava hanyaka ni lava feke.+  Entiyisweni, hikwalaho ka xikongomelo lexi mahungu lamanene ma vuriwile ni le ka lava feke,+ leswaku va avanyisiwa hi tlhelo ra nyama hi ku ya hi langutelo ra vanhu+ kambe va hanya hi tlhelo ra moya+ hi ku ya hi langutelo ra Xikwembu.  Kambe makumu ya swilo hinkwaswo ma tshinele.+ Hikokwalaho, hlutekani emianakanyweni,+ naswona mi xalamuka eswikhongelweni.+  Ku tlula hinkwaswo, rhandzanani+ hi rirhandzu ro enta, hikuva rirhandzu ri funengeta swidyoho+ swo tala.  Kombisanani malwandla, mi nga dzumadzumi.+ 10  Hi ku ya hilaha un’wana ni un’wana a amukeleke nyiko hakona, tirhisani nyiko leyi leswaku mi tirhelana ha yona tanihi valanguteri lavanene va musa lowu nga faneriwiki wa Xikwembu lowu kombisiwaka hi tindlela+ to hambana-hambana. 11  Loko mani na mani a vulavula, marito yakwe a ma fane ni marito+ lama hlawulekisiweke ya Xikwembu; loko mani na mani a tirhela+ van’wana, a a va tirhele a titshege hi ntamu lowu Xikwembu xi wu nyikaka;+ leswaku eka swilo hinkwaswo Xikwembu xi dzunisiwa+ ha Yesu Kreste. Ku vangama+ ni matimba i swa xona hi masiku ni masiku. Amen. 12  Varhandziwa, mi nga hlamarisiwi hi ku tshwa loku nga exikarhi ka n’wina, loku endlekaka eka n’wina leswaku mi ringiwa,+ onge hiloko mi humeleriwa hi nchumu lowu nga tolovelekangiki. 13  Ku hambana ni sweswo, hambetani mi tsaka+ tanihi leswi mi nga vahlanganyeri eku xanisekeni ka Kreste,+ leswaku mi tsaka ni ku tsakisisa hi nkarhi wa ku hlavuteriwa+ ka ku vangama kakwe. 14  Ma tsaka,+ loko mi rhukaniwa hikwalaho ka vito ra Kreste,+ hikuva moya wa ku vangama, ku nga moya wa Xikwembu, wu le henhla ka n’wina.+ 15  Hambiswiritano, a nga tshuki ni un’we wa n’wina a xanisiwa+ hi ku va mudlayi la dlayaka hi vomu kumbe khamba kumbe muendli wa leswo biha kumbe hi ku nghenelela timhaka+ ta vanhu van’wana. 16  Kambe loko a xanisiwa+ hileswi a nga Mukreste, a nga titwi a ri ni tingana,+ kambe a a tame a dzunisa Xikwembu evitweni leri. 17  Hikuva i nkarhi lowu vekiweke wa leswaku vuavanyisi byi sungula hi yindlu ya Xikwembu.+ Kutani loko byi rhanga hi hina ku sungula,+ makumu ya lava nga yingisiki mahungu lamanene ya Xikwembu+ ma ta va wahi? 18  “Naswona loko swi nonon’hwa+ leswaku munhu wo lulama a ponisiwa, munhu la nga xiximiki Xikwembu ni mudyohi xana va nga voniwa ni ntshwati+ wa vona ke?” 19  Hikwalaho, na vona lava xanisekaka hi ku pfumelelana ni ku rhandza ka Xikwembu a va tame va nyikela mimoya-xiviri ya vona eka Mutumbuluxi wo tshembeka va ri karhi va endla leswinene.+

Tinhlamuselo ta le hansi