Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Petro 2:1-25

2  Hikwalaho, cukumetani vubihi+ hinkwabyo ni vuxisi hinkwabyo ni vukanganyisi ni mona ni ku hehla+ hinkwako,  naswona, kukota tincece+ leta ha ku velekiwaka, hlakulelani ku navela ntswamba+ wa rito lowu nga pfanganyisiwangiki na nchumu, leswaku ha wona mi kula mi ta ponisiwa,+  ntsena loko mi nantswile leswaku Hosi yi ni musa.+  Hi ku ya eka yona onge mi ya eribyeni+ leri hanyaka, leri entiyisweni ri ariweke+ hi vanhu,+ kambe leri hlawuriweke hi Xikwembu+ ri ri ra risima,  na n’wina ma karhi ma akiwa tanihi maribye lama hanyaka mi va yindlu+ ya moya leswaku mi va vaprista vo kwetsima, leswaku mi nyikela switlhavelo+ swa moya leswi amukelekaka eka Xikwembu ha Yesu Kreste.+  Hikuva Tsalwa ri tamele leswi: “Maswivo! Ndzi veka ribye leri hlawuriweke eSiyoni, ribye ra masungulo ra le yinhleni leri nga ra risima; naswona ku hava loyi a kombisaka ripfumelo eka rona la nga ta khomisiwa tingana+ nikatsongo.”  Hikokwalaho, yena i wa nkoka eka n’wina, hikuva mi vapfumeri; kambe eka lava va nga pfumeriki “rona ribye leri vaaki va ri aleke+ ri ve nhloko ya yinhla,”+  ni “ribye ra ku khugula ni ribye lerikulu ra xikhunguvanyiso.”+ Vona va khunguvanyeka hikuva a va yingisi rito. Naswona va hlawuleriwe+ swona leswi.  Kambe n’wina mi “rixaka leri hlawuriweke, vaprista va vuhosi, tiko ro kwetsima,+ tiko leri nga nhundzu yo hlawuleka,+ leswaku mi byi twarisa hinkwako-nkwako vunene”+ bya loyi a mi vitaneke mi huma emunyameni mi nghena eku vonakaleni+ kakwe loku hlamarisaka. 10  Hikuva khale a mi nga ri tiko kambe sweswi mi tiko+ ra Xikwembu; a mi ri lava nga kombisiwangiki tintswalo, kambe sweswi mi lava kombisiweke tintswalo.+ 11  Varhandziwa, ndza mi khongotela tanihi valuveri ni vatshami+ va nkarhinyana leswaku mi papalata ku navela+ ka nyama, loku hambetaka ku lwa ni moya-xiviri.+ 12  Hlayisani ku tikhoma ka n’wina ku ri kunene exikarhi ka matiko,+ leswaku, eka leswi va mi lumbetaka ha swona onge hi loko mi ri vaendli va leswo biha, va dzunisa Xikwembu hi siku ra ku kambela+ ka xona hikwalaho ka mintirho+ leyinene ya n’wina leyi va nga timbhoni leti yi voneke hi mahlo. 13  Hikwalaho ka Hosi tivekeni ehansi+ ka xivumbiwa+ xin’wana ni xin’wana lexi nga munhu: hambi eka hosi+ leyi tlakukeke 14  kumbe eka tindhuna-nkulu, leti rhumiweke hi yona leswaku ti xupula vaendli va leswo biha kambe ti dzunisa vaendli va leswinene.+ 15  Hikuva ku rhandza ka Xikwembu, i ku va mi miyeta mavulavulelo yo pfumala vutivi ya vanhu+ lava nga anakanyiki, hi ku endla ka n’wina leswinene. 16  Vanani vanhu lava ntshunxekeke,+ mi hlayisa ntshunxeko wa n’wina tanihi mahlonga ya Xikwembu,+ kambe mi nga wu endli xisirhelelo xa leswo biha.+ 17  Xiximani vanhu va mixaka+ hinkwayo, rhandzani nhlengeletano ya vamakwenu+ hinkwayo, chavani Xikwembu,+ mi xixima hosi.+ 18  Malandza ya muti a ma tiveke ehansi+ ka vini va wona hi xichavo+ lexi faneleke, ku nga ri eka lavanene ni lava anakanyelaka ntsena, kambe ni le ka lava swi nonon’hwaka ku va tsakisa. 19  Hikuva loko un’wana, hikwalaho ka ripfalo eka Xikwembu, a tiyisela ehansi ka swilo leswi tisaka gome naswona a xanisiwa a nga ri na nandzu, sweswo hi leswi+ amukelekaka. 20  Hikuva hi yihi ndhuma leyi vaka kona loko mi dyoha ivi mi makariwa, kutani mi tiyisela ke?+ Kambe, loko mi endla leswinene ivi mi xanisiwa,+ kutani mi tiyisela, sweswo hi leswi amukelekaka eka Xikwembu.+ 21  Entiyisweni, mi vitaneriwe endleleni leyi, hikuva hambi Kreste u xanisekele n’wina,+ a mi siyela ntila leswaku mi landzelerisisa+ mikondzo yakwe. 22  A nga xi endlanga xidyoho,+ hambi vuxisi a byi kumiwanga enon’wini+ wakwe. 23  Loko a tseketseriwa,+ a nga tlheriselanga+ hi ku tseketsela. Loko a xanisiwa,+ a nga xungetanga, kambe u hambete a tinyiketa eka loyi+ a avanyisaka hi ku lulama. 24  Yena hi byakwe u byarhe swidyoho+ swa hina emirini wa yena emhandzini,+ leswaku hi hambana ni swidyoho+ kutani hi hanya hi ku lulama. Naswona “mi horisiwile+ hi mimpfembeti ya yena.” 25  Hikuva a mi fana ni tinyimpfu, mi pepetseka;+ kambe sweswi mi vuyele eka murisi+ ni mulanguteri wa mimoya-xiviri ya n’wina.

Tinhlamuselo ta le hansi