Hi December 12, 2018 Timbhoni ta Yehovha ti xavise xitandi lexi a xi sele ekhale ka yindlunkulu ya tona leyi a yi ri eBrooklyn lexi nga eXitarateni xa One York, lexi nakambe xi dumeke hi leswaku i 30 Front Street, xi xaviseriwe Fortis Dumbo Acquisition, LLC. Ku sukela hi 2004, Timbhoni ta Yehovha ti xavise miako ya 37 leyi a yi ri eBrooklyn.

Endzhaku ka loko Timbhoni ta Yehovha ti xave xitandi lexi nga eXitarateni xa One York hi 1977, a ti xi tirhisela ku paka timovha ta vanhu lava a va tirha ekhale ka yindlunkulu ya tona. Xitandi xa kona (lexi nga exifanisweni), xi le kusuhi ni muako lowu dumeke wa DUMBO naswona xi helela ekusuhi na Brooklyn Bridge na Brooklyn-Queens Expressway.

Ku tlula malembe ya 100, ntirho wa Timbhoni ta Yehovha wo dyondzisa Bibele emisaveni hinkwayo a wu languteriwa eyindlunkulu ya tona leyi a yi ri eBrooklyn. Kambe ku sukela hi 2016, ntirho wa tona emisaveni hinkwayo wu languteriwa eyindlunkulu ya tona leyintshwa leyi nga eWarwick, le New York.

Media Inquiries: Office of Public Information, +1-845-524-3000

Afrika-Dzonga: Mzamo Goloda, +27 11-761-1000