Ku sukela hi December 2, 2024, mpfula leyi neke mavhiki yi endle leswaku ku tala hi mati ni ridaka eswiphen’wini swin’wana swa le n’walungwini wa Haiti. Swihangu leswi swa matimba swi onhe makaya ni mabindzu yo tala. Vanhu va magidi va boheke ku suka emakaya ya vona va ya etindhawini leti hlayisekeke. Swiviko swi vula leswaku vanhu va 13 va file.

Vamakwerhu Na Vona Va Khumbekile

• Lexi vavaka, makwerhu wa xisati la nga ni malembe ya 65 ni maxaka yakwe mambirhi ku katsa ni xitukulwana xakwe xa mufana xa malembe manharhu va file

• Vahuweleri vambirhi va vavisekile

• Vahuweleri va 49 va rhurhisiwile

• Makaya mambirhi ya vamakwerhu ma onhakile

• Makaya mambirhi ya vamakwerhu ma onhakile swinene

• Makaya ya 75 ya vamakwerhu a ma onhakanga ngopfu

• Tiholo ta Mfumo a ti onhakanga

Ntirho Wo Phalala

• Valanguteri va miganga ni vakulu va kwalaho va chavelela ni ku seketela lava hlaseriweke hi mhangu ni ku tlhela va langutela ntirho wo phalala

• Komiti yo Phalala yi averiwe ku langutela ntirho wo phalala

Hambileswi swi twisaka ku vava leswi swihangu leswi swi onheke ni ku dlaya vanhu ha tiyiseka leswaku Yehovha, “Tatana la nga ni tintswalo letikulu,” u ta chavelela ni ku tiyisa lava nga eka swiyimo swo tano.—2 Vakorinto 1:3, 4.